Bir tepse Ushan tebedi
Ushan degen qorqaqtaý, jyndybas bireý borsyq aýlaǵan bireýlerge ilesipti. Olar taý jaǵalap kele jatyp qaqpanǵa túsip jantalasyp jatqan borsyqqa kezigipti. Borsyqty uratyn eshteńeniń yńǵaıy bolmaı, tepkilep óltirýge týra kelipti.
Ańshylardyń eshqaısysy borsyqtyń óler jerine tebe almapty. Osy kezde qýlaý bireýi:
— Eı, toqtańdar, osy borsyqtyń qara tumsyǵyna bir tepse Ushan tebedi, — dep Ushandy jeliktiripti. Buǵan eleýrep ketken Ushan ógizden qarǵyp túsip:
— Teppegende nemene, óńkeı ynjyq nemeler, — dep alaqanyna túkirip-túkirip jiberip borsyqqa tura umtylypty. Ol borsyqty tebe bergende, aıaǵy taıyp ketip shalqasynan túsken eken, ashý qysyp jatqan borsyq Ushannyń oń jaq bashpaıyn shaınap jiberipti. «Bir tepse Ushan tebedi» degen támsil osydan qalypty.
You Might Also Like
-
Hat tanymaıtyn bóspe bireý ózin oqymysty kórsetý úshin júktiń ústinde turǵan gazetti ala salyp, aýdaryp-tóńkerip qarapty da:
-
«Mádenıet zor tóńkerisiniń» alǵashqy kezi bolsa kerek. Bir kúni momyn bireý shaı-shalań ákelmek bolyp bazarǵa barypty. Kósheniń ne bolyp jatqanymen habary joq ol kóshe shetine iline bergende,...
