InfoHub Logo

«Mádenıet zor tóńkerisiniń» alǵashqy kezi bolsa kerek. Bir kúni momyn bireý shaı-shalań ákelmek bolyp bazarǵa barypty. Kósheniń ne bolyp jatqanymen habary joq ol kóshe shetine iline bergende, basynda bir-bir metrlik qaǵaz qalpaǵy bar, moınynda asqan taqtaıy bar birneshe adamdy kóshe halqy tyraǵaılata qoıyp júrse kerek. Olardyń dúńgirletip uryp júrgen dombaqtaryn «pálendi, túgendi joǵaltaıyq!» degen urandaryn estip záresi ushyp, úıine qaraı qaıta qashypty.

Úıine kele sala kempirine:

— Oıbaı kempir, Ysqaq, Muqı, Sadyq bastaǵan bir tobyr moıyndaryna álem-jálem baılapty da birnesheýi qyzyl toǵanaq sıaqty bir nárseni suqqylap, endi birqanshasy tabaq sıaqty qańyltyrdy urǵylap, «joǵaltaıyq!» dep qýyp ketti, eı, endi joǵaltyp ta bolǵan shyǵar, ózimdi de qýyp kete me dep qaıta qashtym, — depti.

 

---