InfoHub Logo

«Mádenıet zor tóńkerisi» kezi eken. Bir jigit radıo qabyldaǵysh satyp alypty. Bir kúni ol qoı jaıyp ketkende, sheshesi radıony shuqylap otyryp bir jerin buryp qalsa bir orys sarnap shyǵa kelipti. Kúres qatty jorylyp turǵan kezde úıinen orystyń daýsyn estigen kempir qaıterin bilmeı, bireý-mireý kelip qalyp pále bolyp júrmesin dep qorqyp syrtqa shyqsa, sol úıge qaraı eki atty adam kele jatypty. Olardy kórgen kempir záresi qalmaı qaıta úıge júgirip kirip júkten bir kórpeni alyp radıony jaba qoıypty. Orys sonda da sóılegenin qoımapty. It úrip kele jatqandar taıap qalypty. Es-aqyldan aırylǵan kempir olar kirgenshe úsh kórpe jaýyp úlgergen eken. Kelgender aman-sálemnen keıin kórpe astynan kúbirlep shyqqan daýysty estip:

— Bul nemene daýys, sheshe? — degende, kelgenderden góri radıoǵa kóbirek qarap údireıip otyrǵan kempir:

— Bilmeımin, qaraqtarym, baǵanadan osy úıge bir orys kirip alyp shyqpaı-aq qoıǵany, — dep kórpeni ashypty.

 

---