InfoHub Logo

Bir ýys maqta
Maqsaty:. Áńgime mazmunymen tanystyrý, túsingenin aıta bilýge úıretý. Este saqtaý qabiletterin damytý. Sózdik qorlaryn molaıtyp, baılanystyra sóıleýge daǵdylandyrý. Eńbekqorlyqqa, ımandylyqqa tárbıeleý.
Kórnekilikter: Ybyraı Altynsarınniń portreti, maqta jáne áńgimege baılanysty sýretter.
Sózdik jumys: shapan, mamyq, qıqym,
Ádis - tásilder: áńgimelesý, suraq - jaýap, kórsetý

Uıymdastyrý kezeńi:
Shattyq sheńber
- Al balalar, sheńberge turamyz. Aldymen kelgen qonaqtarmen amandasyp alaıyq.
Kúnniń kózi ashylsyn
Kókke shýaq shashylsyn
Qutty qonaq kelipti
Tórimizge enipti
Amandasý úlkenge
Tárbıeniń basy ǵoı
Al, qanekeı bárimiz
Sálemdeseıik úlkenge
Sálemetsizder me qonaqtar.
Dıdaktıkalyq oıyn: «Taýyp kór»
Al balalar men senderge birneshe ertegiler beınelengen sýretter kórsetemin, al sender qandaı ertegiden ekenin taýyp kórińder.
Qyz ben mysyqtyń beınelengen sýreti, bul«Maqta qyz ben mysyq» ertegisi
Tyshqan men nannyń beınelengen sýreti, bul «Nan qaıdan shyǵady?» áńgimesi
Ana men bala turǵan sýret, bul «Ne syılaý kerek?» áńgimesi
Al endi biz búgin Y. Altynsarınniń jańa áńgimesimen tanysamyz, aldymen Y. Altynsarınniń kim ekenin bileıik.
Bul sýrettegi Y. Altynsarın qazaqtyń asa kórnekti aǵartýshy - pedagogy, tuńǵysh ret qazaq dalasynda mektep ashyp balalarǵa sabaq bergen jáne balalarǵa arnap kóptegen óleńder, ertegiler, áńgimeler jazdy. Búgin men senderge avtordyń «Bir ýys maqta» atty áńgimesin oqyp beremin.
Áńgimeni mánerlep oqyp berý.
Shapan, mamyq, maqtanyń qıqymy sýretterin kórsete otyryp, sózdik jumys júrgizý.
Shapan - astaryna jún ne maqta salyp tigilgen syrt kıim.
Mamyq - qustyń úlpildegen mamyq júni
Qıqym - bir nárseniń maıda, usaq qaldyǵy, maqtanyń qıqymy.
Áńgime mazmunyna baılanysty suraqtar qoıý.
- Úıdegi anasy men qyzy ne istep otyr edi?
- Qyz artylyp qalǵan bir ýys maqtany ne istedi?
- Maqtany ne ilip alyp ketti?
- Torǵaıǵa maqta ne úshin qajet boldy?

Sergitý sáti:
Ornymyzdan turaıyq,
Qustaı qanat qaǵaıyq.
Bir otyryp, bir turyp,
Biz tynyǵyp alaıyq.
Áńgime mazmunyn aıtqyzý.
Óleń jattaý:
Balalar «torǵaı» týraly óleńdi jattap alaıyq.
Torǵaı, torǵaı, torǵaısyń,
Jaqyn kelip qonǵaısyń.
Jem shashaıyn toıyp al,
Sonda aıazǵa tońbaısyń.
Kýbızm strategıasy:
Balalar meniń qolymda maqta, osy maqtany bárimiz zerttep, sýrettep, qoldanýy jóninde anyqtap kóreıik.
Maqta neden jasalady?
Ol qandaı?
Ony qaıda qoldanamyz?
Balalar myna áńgimege baılanysty sýret boıynsha kim áńgime mazmunyn aıtady?
Qorytyndy:
Bul áńgimeniń avtory kim?
Bul áńgimeden neni uqtyńdar? Iaǵnı kezkelgen nárseniń ózi paıdaǵa asatynyn bildik. Sabaqqa jaqsy qatysqan balalardy madaqtaý.