InfoHub Logo

Qazaqstannyń halyq ártisi Nurǵalı Núsipjanov, ánshi Gúlnur Orazymbetovanyń jubaıy, qoǵam qaıratkeri Serikbaı Nurǵısaevty 70 jas mereıtoıymen quttyqtap, óziniń júrekjardy lebizin bildirdi.

Bul týraly Infohub.kz aqparat agenttigi habarlaıdy.

Dostyq pen aǵalyq qarym-qatynas

Óner maıtalmany Serikbaı Nurǵısaevpen aradaǵy kópjyldyq dostyq pen baýyrlastyq qarym-qatynasty erekshe atap ótti. Nurǵalı Núsipjanov óziniń jazbasynda bylaı dedi:

«Bizdiń bir-birimizge degen syı-qurmetimiz jan dúnıemizde. Bir-birimizdi únsiz uǵa biletin urpaqpyz. Árıne, Sekeńmen aramyzda dostyǵymyzdan bólek, aǵalyǵym da bar. Ótpeımin degen ótkelden ótkizip, tózbeımin degen dúnıege tózdiretin taǵdyrdyń soqtyqpaly-soqpaǵy maǵan jaqsy tanys. Basyma qabat-qabat bult tóngende, ot ishinde kúıgenimde tyrs etip úndemesem de meni qas-qabaǵymnan túsingen azamattyǵyna qaryzdarmyn, qalqam».

Aqjarma tilekter

Nurǵalı Núsipjanov mereıtoı ıesine aq tilegin arnap, onyń kishiligi men kisiligine rızashylyǵyn bildirdi:

«Al men seniń kishiligiń men kisiligińnen aınaldym, altyn baýyrym. Sen meni kóleńkeńmen qorǵap júretin janashyrymsyń, jaryǵym! Ómirdiń ystyq-sýyǵynda janymnan tabylǵan jaqsy adamym, jaqyn baýyrym Seke-Gúlnurjan, kókelerim toılaryń toıǵa ulassyn! Qos qulyndaryńnyń qyzyq-qýanyshy kóp bolsyn».

Bul mereıtoı ánshiniń ónerdegi jáne ómirdegi jaqyn dosy men janashyryna degen tereń qurmeti men alǵysyn kórsetti.