InfoHub Logo

«S» dybysy jáne árpi
Maqsaty: Jańa S dybysy jáne onyń árip tańbasymen tanystyrý. S dybysy bar sózder aıtyp, taldaý.
Bilimdilik: Sóıleý mádenıetin qalyptastyrý jáne saýatty jazýǵa úıretý.
Damytýshylyq: S dybysy men árpin oqytý arqyly balalardyń oılaý, este saqtaý qabiletin, sózdik qorlaryn damytý.
Tárbıelik: Balalardy uqyptylyqqa jáne oıyn tolyq jetkizip aıtýǵa úıretý.
Kórnekilikter: sýretter, kespe áripter,«S» árpiniń baspa túri, sańyraýqulaqtar.

Sabaq barysy:
Uıymdastyrý kezeńi:
Balalardy shattyq sheńberine turǵyzyp, bir - birine jylýlyq lebizin bildirý.
Armysyń altyn kún!
Armysyń asyl jer!
Armysyń jan dosym!
Jylýyma jylý qos,
Minekeı meniń qolym!
- Balalar ótken sabaǵymyzda qandaı dybyspen tanysyp edik? «B» dybysynan bastalatyn kim kóp sóz aıtady?

Jańa sabaq:
Balalar taqtadaǵy sýretke qarap ataıyqshy, qandaı sýretterdi kórip otyrsyńdar?
Sút, saǵat, sandyq, sabyn. Iaǵnı sózderdiń basynda qandaı dybys estiledi?
Durys aıtasyńdar búgin bizder S dybysymen tanysamyz. Balalar dybystar neshege bólinedi?
- Daýysty, daýyssyz bolyp ekige bólinedi. Daýysty dybystardy qyzyl tekshemen, al daýyssyz dybystardy kók tekshemen belgileımiz. Al bárimiz S dybysyn aıtyp kóreıikshi.
«S» dybysy qalaı aıtylady? Tildiń ushy astyńǵy tiske tireledi, kedergiler arqyly shýyldap shyǵady. «S» dybysy daýyssyz dybys, qane bárimiz aýada jazyp kóreıikshi.
Balalar men senderge jumbaq jasyraıyn:
Jazdaı inge tyǵylyp,
Jatqan qyzyl túlkini.
Quıryǵymen sýyryp,
Ákeldi ájem birkúni. \cábiz\
Sábiz sózin býynǵa bólgizý arqyly s dybysy qaı býynda turǵandyǵyn tapqyzý.

Sergitý sáti:
Saǵattyń tilindeı,
Iilip ońǵa bir.
Saǵattyń tilindeı,
Iilip solǵa bir.
Oń aıaq, sol aıaq,
Jattyǵý ońaı - aq!
Kirpiniń tapsyrmasy:
«Sebetke sańyraýqulaq jınaý» oıyny:
Balalar birtindep taqtaǵa shyǵady. men tapsyrmalar jasyrylǵan, sol tapsyrmalardy durys oryndap sebetke sańyraýqulaq jınaıdy.
Tekshelerge kespe áriptermen tas, as, sa - na sózderine býyn qurastyrý.

Dáptermen jumys:
Balalar álippe dápterimizdegi sýretke qaraıyqshy. Sýrettegi S dybysynan bastalǵan sózderdi atap, oǵan sóılem oılap tabaıyq.

Mysaly: Sandyq syrtyndaǵy oıý óte ádemi. t. b.
«S» dybysyn jazdyrý.
Sabaqty bekitý:
Saqınany salǵyzdy,
Sarymsaqty sábizdi.
Bastap turǵan qaı árip?-
Sapsyz oraq tárizdi. / S/
Balalar búgin biz sendermen qandaı dybyspen tanystyq? Sabaqqa jaqsy qatysqan balalardy madaqtaý.