InfoHub Logo

Sabaqtyń taqyryby: Bódeneniń quıryǵy nege qysqa? Tasymal.
Sabaqtyń maqsaty: 1. Oqýshylarǵa mátindi túsinip oqyp, mánin uǵyný, baılanystyryp sóıleýge, qustar týraly oı qorytýyn jetildirý.
2. Oqý - jazý daǵdylaryna, sózderdi býyn jigimen tasymaldaýǵa jattyqtyra otyryp, sózdik qorlaryn, sóıleý tilin damytý.
3. Oqýshylardy dostyqqa, adamgershilikke, batyldyqqa tárbıeleý.
Kórnekti quraldar: sýretter, ertegige qajetti sýretter, múltfılm, úlestirme qaǵazdar.
Sabaqtyń túri: jańa sabaq
Ádis - tásilderi: túsindirý, úıretý, suraq - jaýap
Pánaralyq baılanys: Dúnıetaný, Beıneleý óneri.

Sabaqtyń barysy.
İ Uıymdastyrý bólimi.
Oqýshylardy sabaqqa daıyndaý.
İİ Úı tapsyrmasyn tekserý.
1. «Oı qozǵaý»
- Sóz neden quralady?
- Sózdi býynǵa qalaı bólemiz?
- Tasymal degen ne?
Úıge berilgen «Aǵaıynbyz bárimiz» óleńin mánerlep oqytyp, suraqtarǵa jaýap alý.
- Óleńde ne týraly aıtylǵan?
- «Aǵaıynbyz bárimiz» degendi qalaı túsinesiń?
«Meniń dostarym» degen taqyrypqa sýret salyp kelý (1 - 2 bala salǵan sýretiniń maǵynasyn túsindiredi).
Tynyshtyq sáti, áýen tyńdaý (qustardyń dybysy)

Kirispe áńgime:
— «Bódeneniń quıryǵy nege qysqa?» ertegisin áńgimelep aıtyp beremin. (taýdyń maketi turady, qustardyń maketi bolady) solarmen kórsete otyryp, balalardyń qyzyǵýshylyǵyn oıatamyn.
— Mátin mazmunyn qalaı túsingenderi jaıly qysqasha suraqtar qoıylady:
1. Bódene qandaı qus?
2. Qandaı taý bolypty?
3. Qustar ne úshin talpynypty?
4. Bódene ne istepti?
5. Bódeneniń quıryǵy nege qysqa eken?
«Túlki men bódene» týraly múltfılm kórsetiledi.. Osy múltfılmnen ne túsindik?
— Bódenege sıpattama ber (sýreti beriledi)
— Bódeneniń uıasy týraly aıtyp ber (uıasynyń sýreti)
— Bódene qysta qalaı qystaıdy? (Qystaǵy bódeneniń kórinisi)
— Bódeneniń balapany qandaı bolady? (balapanynyń sýreti)

Sergitý sáti:
Qyran qustaı samǵaımyz,
Álemdi biz sharlaımyz.
Bıik - bıik shyńǵa órlep,
Tynyshtyqty qorǵaımyz.
— Bir býyndy jáne alǵashqy býyny bir dybystan turatyn eki býyndy sózderdi tasymaldaýǵa bolmaıdy: kól, ózen, emen, shash, er

Dáptermen jumys.
— Sabaqqa sıqyrshy keledi. Sıqyrshy jolda kele jatyp, qapshyǵyndaǵy sózderdi shashyp alady.
— Sıqyrshy: Balalar maǵan myna sózderimdi jınaýǵa kómektesesińder me?
— Ol úshin bul sózderdi tasymaldaýǵa bola ma, bolmaı ma? Sony aıta otyryp jınaımyz. Mys: aqyn, ini, jent, áje, órik, ot, sút, aýa, ata
Bódeneniń quıryǵy nege qysqa? Tasymal júkteý