InfoHub Logo

Tanymal bloger Rysbala Ikrambaı Baıan Alagózovanyń "Qyz Jibek" fılmindegi kamzoldy ıelenýine qatysty aıtylǵan syn-pikirlerge jaýap berdi. Ol Threads jelisinde "qaıtarsyn" dep shýlap jatqandardy synǵa alyp, olardyń ózderiniń de qundylyqtaryn bilmeıtinin meńzedi.

Bul týraly Infohub.kz aqparat agenttigi habarlaıdy.

"Dambalynyń qaıda jatqanyn bilmeıtinder"

Rysbala Ikrambaıdyń aıtýynsha, eger sol kamzol shynymen de tarıhı qundylyq bolsa, ony izdep taýyp, mýzeıge tapsyrýǵa tyrysar edi. Ol bylaı dep jazdy: "Oı bellaaa, izdegish bolsa, osy ýaqytqa deıin nege izdep taýyp, mýzeıge qoımady eken? Qaısyń kúnde mýzeıge baryp, "mynaý bizdiń qundylyqtar" dep baǵasyn berip jatyrsyńdar?"

Jetistikke qyzyǵatyndar

Bloger sondaı-aq, adamdardyń bireýdiń jetistigine qyzyǵatynyn, al ózderiniń jeke zattaryn baǵalamaıtynyn atap ótti. "Shýlatyp jatqan qatyndar óziniń dambalynyń qaıda jatqanyn bilmeıtin shyǵar úıinde. Myna ómirde bir qyz, bir ana, bir áıel baqytty ómir súrip júrse, soǵan qýanamyn. Bizde bireýdiń jetistigi kópke uıqy bermeıdi", - dep pikirin bildirdi Rysbala Ikrambaı.