InfoHub Logo

Qane balalar sheńber quryp turaıyq
Boıymyzdy, denemizdi oıataıyq.
Sálem kózder, oıanaıyq
Sálem qulaqtar oıanaıyq
Sálem qoldar oıanaıyq
Sálem aıaqtar oıanaıyq

- Balalar uıqydan oıanǵanda daladan neni kóresińder?
- Kúndi, kúnniń nuryn kóremiz.
- Kúnniń nuryn kórgende qalaı qýanasyńdar?
- Alaqaı! - dep qýanamyz.
- Dalaǵa shyqqanda joǵarydan neni kóremiz?
- Joǵarydan aspandy, bultty, kúndi kóremiz.
- Tómennen neni kóremiz?
- Aǵashty, úıdi, jerdi kóremiz.

Endeshe balalar biz aspanǵa, jerge, kúnge jáne kelgen qonaqtarǵa jyly lebizimizben sálemdeseıik.
Qaıyrly tań kók aspan
Qaıyrly tań altyn kún
Qaıyrly tań asyl jer
Qaıyrly tań qonaqtar
Qaıyrly tań dostarym
Dostarymdy kórgende
Qýana qarsy alamyn
Sálem, sálem, sálem!

Tynyshtyq sáti:
Tynys alý jattyǵýlary:
Balalar aýzymyzdy jaýyp murnymyzben tereń demalaıyq.
Tamasha balalar.

Balalar endi men senderge jumbaq jasyrǵym kelip tur.
Kúndi jabady
Jańbyr bolyp jaýady. (Bult)

Balalar bult týraly óleń shýmaqtaryn oqyp bergim kelip tur.
Aqsyń, sursyń qarasyń
Qalqyp qaıda barasyń?
Jerge nóser tógilsin
Óssin gúlder, kóp egin.
Gúl, gúl jaınap óser kóp
Nóserletseń nóserlet.

Balalar endi nazarlaryńdy maǵan aýdaryp taqtaǵa qaraıyq men senderge bulttardyń túrlerin kórsetkim kelip tur.
Buıra aq bulttar
Sur bult
Qatparly bult
Mamyq bult

Qyzyqty sát: Topqa bult kiredi.
- Balalar bizge qonaqqa bult kelip qalypty.
- Balalar men aspan áleminen kelip turmyn. Menimen birge bulttar álemine saıahatqa shyqqylaryń kele me?
Endi balalar bulttar álemine saıahatqa shyǵaıyq. Ol úshin ornymyzdan turyp, qoldarymyzdan ustap, kózimizdi jumyp elesteteıik. Bizder ushaqqa minip aspanda ushyp kele jatyrmyz. Aspanda maqtadaı úlpildegen bulttar ótip bara jatyr. Bulttar ár túrli pishinderge qoıanǵa, geometrıalyq pishinderge uqsaıdy eken. Endi balalar parashútpen jerge sekiremiz. Al astyǵa qaraıyqshy astydan neni kórip tursyńdar? – jer, sý, aǵashtar. Bul bizdiń týǵan jerdiń baılyǵy, Tabıǵat qandaı ádemi! Týǵan jerimizdiń tabıǵatyn qasterleýimiz, qorǵaýymyz kerek.
- Durys – aq endi parashútpen jerge qondyq. Osy sezimdi balalar, qaǵaz betine beıneleıik
Bárimiz ornymyzǵa otyraıyq. Ústel ústinde jumysqa qajetti quraldar bar. Aq paraqta bulttyń, parashúttiń jáne balanyń sulbalary tur. Tisti tazalaýǵa arnalǵan shetka arqyly shashyratý ádisimen aspan álemin beıneleımiz. Paraqtyń barlyq jerine shashyratamyz.

Sergitý sáti: «Jańbyr»
Jańbyr jaýa bastady
Qatty jaýa bastady.
Báseńdedi
Bulttar tarqady
Jarqyrap kún shyqty.
Paraq betindegi sulbany aqyryn alamyz.
Parashýttyń jibin flomastermen júrgizý.

Kórme uıymdastyrý.
Balalar salǵan sýretterin taqtaǵa ákelip iledi.
Sýretter talqylanyp, balalar bir birine baǵa berý.

Qorytyndylaý.
Suraq – jaýap arqyly.
Balalar men senderge aspan áleminen bos kelgenim joq, sabaqqa jaqsy qatysqandaryń úshin syılyq ala keldim.

Madaqtaý
Balalar sendermen sabaq ótkizgen maǵan qatty unady. Endi men óz álemime oralaıyn Saý bolyńdar!.

Qoshtasý.
Qol ustasyp turaıyq.
Sheńberdi biz quraıyq
Kóriskenshe kún jaqsy
Saý salamat bolaıyq!