InfoHub Logo

Taqyryby: Densaýlyǵym - baılyǵym
Maqsaty: «Birinshi baılyq - densaýlyq» «Qazaqstan - 2030» baǵdarlamasynda kórsetilgendeı, órkenıetti eldiń árbir azamatynyń densaýlyǵy myqty, hal - ahýaly jaqsy bolý úshin zıandy áreketterden - ishimdik, nashaqorlyq, shylym shegýshiliktiń densaýlyqqa, bolashaq urpaqqa jaý ekendigin túsindire otyryp, sportpen belsene shuǵyldanýyna yqpal etý. Salaýatty ómir saltyna qalyptastyrý.
Kórnekiligi: Densaýlyq jónindegi danalyq sózder jazylǵan plakattar, jaǵdaıattyq suraqtar, maqal - mátelder, slaıdtar.
Kirispe:
Muǵalim: «Densaýlyq - zor baılyq» degen sózdiń astarynda úlken maǵyna jatyr. Adam balasy úshin densaýlyqtan asqan baılyq joq. Ol aqshaǵa satylmaıtyn, eshbir baǵaly zatpen teń kelmeıtin baılyǵymyz. Sondyqtan aýyryp em izdegenshe, aýyrmaıtyn jol izdegenimiz abzal. Elimizdiń qaı azamatyn bolsa da óz eliniń bolashaǵy alańdatary sózsiz. Elimizdiń bolashaǵy - búgingi búldirshinder. Sondyqtan olardyń bolashaqta deni saý azamat bolyp ósýi elimiz úshin mańyzdy.
Densaýlyq týraly sóz qozǵaǵanda adam janynyń arashashysy, aq halatty abzal jan dárigerlerdiń eńbegin atap ótkenimiz jón bolar, Olar bar kúsh - jigerin adam densaýlyǵyn saqtap qalýǵa jumsap, kún - túni aıanbaı eńbek etýde.
Minekı, osy mektebimizdiń dárigeri Sholpan Musaqyzy apaıymyz kelip otyr.
Oı qozǵaý: Densaýlyq degendi qalaı túsinesiz?
Jaýaby: Sportpen shuǵyldaný, kún tártibin jeke bas gıgıenasyn saqtaý, jaman qylyqtardan aýlaq bolý (maskúnemdik, shylym shegýden, nashaqorlyqtan). Saıysymyzdy bastamas buryn ádilqazylar alqasymen tanys bolyńyzdar.
1. Oqý isiniń meńgerýshisi:
2. Mektebimizdiń dárigeri:
3. Uzartylǵan kún tobynyń tárbıeshisi:

Jospary:
Oqýshylardy úsh topqa bólip otyrǵyzý
İ top. Shymyr toby
İİ top. Densaýlyq toby
İİİ top. Symbat toby

İ bólim: Sálem berem halqyma
Sharty: Tanystyrý, urany
İİ bólim Densaýlyǵyńdy oılasań
Sharty: Densaýlyqqa zıan keltiretin qandaı zattardy bilisińder.

İİİ bólim Densaýlyq - zor baılyq
Sharty: densaýlyqqa baılanysty maqal - máteldiń jalǵasyn tabý.

İÚ bólim Salaýattylyq, densaýlyqqa vıktorınalyq suraqtar.
Ú bólim Aýyryp em izdegenshe, aýyrmaıtyn jol izde.
Sharty: Zıandy áreketter taqyrybynda pikirtalas.

İ bólim: Sálem berem halqyma
İ top. Shymyr tobynyń urany
Shynyqsań shymyr bolasyń,
Saýǵyp aıdaı tolasyń.
Sportty serik ete bil
Salaýatty sen bolasyń.

İİ top. Densaýlyq tobynyń urany
Densaýlyq ol - kúlýiń
Kóńil - kúıiń jadyraı
Densaýlyq ol - júrýiń
Eshbir jeriń aýyrmaı.

İİİ top. Symbat tobynyń urany
Sport - bizdiń dosymyz
Kúsh, qaıraty synalǵan
Sport - bizdiń dosymyz
Bala kezden shyńdalǵan.

İİ bólim Densaýlyǵyńdy oılasań
İ top. Shymyr toby
1 - oqýshy Temekiniń shyǵý tarıhy. Temeki Evropa men Azıa HÚ ǵasyrda kelgen. Alǵashqy kezde temeki tis aýrýyna qarsy qoldanylatyn dári retinde paıdalanyp júrgen.
2 - oqýshy. Temeki shegýshi adamdar tek óziniń ǵana ýlap qoımaı, qasyndaǵy basqa adamdardy da ýlanatyny belgili.
3 - oqýshy. Temekiniń basty zıandylyqtaryn aıtar bolsaq, olar tómendegideı bolady.
1. Erin, til jáne óńesh qaterli isigine dýshar bolady.
2. Asqazanda jara paıda bolady.
3. Júrek aýrýlaryna shaldyǵady.
4. Tez qartaıady teride ájim paıda bola bastaıdy.
5. Ókpe men kómekeı qaterli isigine ushyraıdy.
4 - oqýshy. Jyl saıyn dúnıe júzinde temeki shegýdiń saldarynan 4mln adam qaıtys bolady eken. Ólimge alyp baratynyn birden - bir zıandy zat ekenin aıtyp, árbir tal temeki adam ómirin 12 mınýtqa qysqartqanyn anyqtaǵan.
5 - oqýshy. Temeki tartý adam densaýlyǵyna kóp zıan keltiredi. Adamnyń dene múshesine eń aýyr áser beretini – nıkotın. Ol temeki japyraǵynyń alkaloıdty maıly tússiz nemese jaǵymsyz ıisi jáne kúıdirgi dámi bar aqshyl sary suıyqtyq. Nıkotınge adam denesiniń tez úırenip ketetindiginen oǵan ýlanyp jatqanyn sezbeıdi.