InfoHub Logo

Dybys. Dybystyń sıpattamalary.

Sabaqtyń epıgrafy: «Sóılemegen bala oılaı da almaıdy»
Sabaqtyń maqsaty:
a) Bilimdilik maqsaty: Terbelister men tolqyndar taqyryby boıynsha alǵan bilimderin qaıtalaı otyryp, jańa sabaqty meńgerý.
Dybystyń qasıetteri men ártúrli ortada taralýyn uǵyný. Oqýshylardyń bilim deńgeıin tereńdetip, shyǵarmashylyqqa baýlý.
b) Damytýshylyq maqsaty: Oqýshylardyń óz betimen jáne ujymmen jumys isteý biliktilikterin, este saqtaý qabiletin, oı – órisin damytý, olardy shyǵarmashylyqpen jumys isteýge daǵdylandyrý, tanymdyq belsendilikterin qalyptastyrý.
v) Tárbıelik maqsaty: Oqýshylardy uıymshyl bolýǵa, yntymaqtastyqqa, ózin-ózi basqarýǵa baýlý. Estetıkalyq, patrıottyq jáne kásiptik baǵdar berý.
Sabaqtyń túri: Jańa tehnologıaǵa negizdelgen izdenis - zertteý(fızıka, bıologıa, anatomıa, medısına, mýzyka) sabaǵy.
Sabaqtyń tıpi: Jańa bilimdi meńgertý
Sabaqta qoldanylatyn ádis - tásilder: Baıandaý, dáris berý, kitappen jumys, esepteýler, aqparattyq - reseptıvtik, shyǵarmashylyq, pikir almasý, baǵalaý.
Sabaqtyń kórnekiligi: Interaktıvti taqta, elektrondyq oqýlyq, oqýlyqtar, syzbanusqalar, kamerton dombyra,
Pán aralyq baılanys: matematıka, anatomıa, medısına, mýzyka, bıologıa.
Bul sabaqta: «Estigenimdi umytamyn, kórgenimdi este saqtaımyn, óz aqyl-oıymmen istegen isimdi túsinemin» degen ustanym alǵa qoıylady.

Sabaqtyń jospary:
1. Uıymdastyrý kezeńi
2. Úı tapsyrmasyn suraý
3. Jańa taqyrypty baıandaý
4. Jańa taqyrypty bekitý
5. Oqýshylar bilimin baǵalaý
5. Sabaqty qorytyndylaý
6. Úıge tapsyrma berý
Sabaqtyń barysy:
İ Uıymdastyrý kezeńi
1. Oqýshylarmen sálemdesip, olardyń sabaqqa daıyndyǵyn qadaǵalaý.
2. Dárisqananyń tazalyǵyna nazar aýdarý.
3. Oqýshylardy topqa bólý
1 - top. «Zertteýshiler»
2 - top. «Bıologtar»
3 - top. «Dárigerler»
Oqýshylar bilimin baǵalaý ár topqa taratylǵan juldyzshalar arqyly júrgiziledi.

İİ. Ótken taqyryp boıynsha oqýshylardyń bilimin tekserý. Oı qozǵaý
«Teńge alý» oıyny arqyly uıashyqtardaǵy suraqtarǵa jaýap beredi.. Jaýap bergen top oqýshylaryna juldyzshalar berilip otyrady.

III. Ótken taqyryp boıynsha oqýshylardyń bilimin baǵalaý.
Úı tapsyrmasy boıynsha qoıylǵan suraqtardyń jaýaptarynyń
kemshilikteri men jetistikterine toqtala ketip, ótilgen sabaqty qorytyndylaý.
III. Jańa taqyrypty túsindirý.
Oqýshylardy jańa sabaqtyń taqyrybymen, maqsatymen jáne qaralatyn suraqtarymen tanystyrý. Árbir toptyń izdenis - shyǵarmashylyq jumystaryn tyńdaý.

IV. Jańa taqyrypty bekitý.
1. Test alý
2. Esepter shyǵarý

V. Oqytýshynyń jaýaptardy tolyqtyra otyryp, oqýshylardy baǵalaýy jáne qorytyndylaýy.
Ótken taqyryp boıynsha oqýshylardyń bilimin tekserýde, jańa sabaqtyń
taqyrybyn pysyqtaýda top oqýshylarynyń jınaǵan juldyzshalary eskeriledi. Ártúrli janýarlar men tabıǵat qubylystarynyń dybysyn ajyrata otyryp, oqýshylar óz erkimen sýretter salyp túsindiredi.

VI. Úıge tapsyrma berý.
Paıdalanylǵan ádebıetter:
1. B. A. Krongert. Fızıka oqýlyǵy «Mektep» baspasy, 2013
2. G. Mákıshev. Fızıka oqýlyǵy
3. Ǵalamtordan qosymsha málimetter

Sabaqtyń ótkizilý barysy
1. Uıymdastyrý kezeńi: Oqýshylardyń sabaqqa qatysýyn, daıyndyǵyn, kabınettiń tazalyǵyn jáne daıyndyǵyn tekserý, oqýshylardyń jumys belsendiligin kóterý, jumys dápteriniń baryn tekserý, bilim alýshylardy túgeldeý
2. Úı tapsyrmasyn suraý. «Tolqyndyq qubylystar»taqyryby boıynsha A) «Uıashyqtardy tańdaý» oıyny.
1. Terbelisterdiń serpimdi ortanyń bir bólsheginen ekinshi bólshegine taralý prosesi mehanıkalyq tolqyn dep atalady.
2. Bólshekterdiń terbelisi tolqynnyń baǵytyna perpendıkýlár baǵytta júzege asatyn tolqyndy kóldeneń tolqyn dep ataıdy.
3. Boılyq tolqyn – bólshekterdiń terbelisi tolqynnyń taralýy boıynda júzege asatyn tolqyn
4. Tolqyn uzyndyǵy – perıodqa teń ýaqyt aralyǵynda tolqyn taralatyn araqashyqtyq.
5. Tolqyn jyldamdyǵy – tolqyn uzyndyǵynyń bólshekterdiń perıodyna qatynasy arqyly anyqtalatyn fızıkalyq shama.

6. Seısmıkalyq tolqyn – jer silkinisi kezindegi terbelisterdiń taralýy.
B)«Sáıkesin tap» oıyny
V) Proporsıalyq test
Sózjumbaq sheshý arqyly jańa sabaqtyń taqyrybyn ashamyz
1. Qazaqtyń ulttyq mýzykalyq aspaby (Dombyra)
2. Ýaqyt ótýimen ilese keńistikte taraıtyn terbelister ( Tolqyn)
3. Deneniń birdeı ýaqyt aralyǵyndaǵy dálme – dál nemese jýyqtap qaıtalanyp otyratyn qozǵalysy (Terbelis)
4. Qandaı da bir kedergiden shaǵylyp, bastapqy taralǵan ornyna qaıta
oralǵan tolqyn (Jańǵyryq)
5. Jer silkiný oshaǵynan kelgen terbelisterdi baıqaıtyn qural
(Seısmograf)
Jańa sabaqtyń taqyryby « Dybys. Dybystyń sıpattamalary»
Taqyryptyń jospary: 1. Dybys. Dybystyń sıpattamalary.
2. Mýzykalyq dybystar men shýla
3. Dybystyń mańyzy
1. Zertteýshiler toby.
Dybys. Dybystyń sıpattamalary týraly jalpy málimetter beredi
Adamda dybys áserin týdyratyn mehanıkalyq tolqyndardyń terbelis jıiligi 16 Gs - ten 20000Gs aralyǵynda bolady. Mundaı tolqyndar dybys tolqyndary nemese akýstıkalyq tolqyndar dep atalady,.
Jıiligi 20000Gs - ten joǵary tolqyndar - últradybystar, al jıiligi 16Gs - ten tómengi - ınfradybystar dep atalady.