InfoHub Logo

Taqyryp: Dos jáne dostyq áńgimesi
Maqsaty: Oqýshylardyń arasynda jaǵymdy qarym - qatynas ornatý, bir - birin syılaýǵa, adal dos bolýǵa jáne qorshaǵan ortamen dos bolýǵa úıretý, kommýnıkatıvtik óristi damytý. Oqýshylardy Otanyna, týǵan jerine, anaǵa, dosyna degen súıispenshilikti arttyrý, damytý. Dostyq sezimin durys túsinýge, baǵalaýǵa baýlý.
Sabaqtyń túri: Pikirtalas
Sabaqtyń kórnekiligi: slaıdtar, stıker, oryndyq, qoldyń syzbasy, maqal - mátelder.
Sabaqtyń ádis - tásili: baıandaý, áńgimeleý, pikirlesý, toptastyrý

Sabaqtyń barysy:
I. Uıymdastyrý kezeńi.
İİ. Shattyq sheńberi.
«Jaqsy adam - táńirdiń nury» degendeı óziń jaqsy bolsań dosyń kóp, jaman bolsań, dosyń joq, ortasha bolsań, bir jaqsyǵa ilese alarsyń» deıdi eken halyq danalyǵy degendeı bárimiz shattyq sheńberine jınalaıyq. Endi bir - birimizge búgingi kúnimizdiń tamasha ótýine arnap jaqsy tilekter aıtaıyq. («Dosymmen birge» oıyny arqyly bir - birine búgingi kúnniń kóńildi ótýine arnaǵan tilekterin aıtady.)

Tanysý trenıńi.
Óz esimińizge syn esim qosyp tanysaıyq.
Nazerke - Názik
Aqerke – Ajarly
Aınash – Aqkóńil
Nurshat – Nurly

- Dostyq degen ne?
 Dos dep kimderdi aıtamyz?
 Dostardy qaıdan kezdestirýge bolady?
 Dos bolý úshin adamnyń boıynda qandaı qasıet bolý kerek dep oılaısyńdar?
Dostyq – degen taýsylmaıtyn qazyna
Kóktemde de solyp qalar gúl emes
Qaramaıdy ol syıdyń kóp pen azyna
Naǵyz dostar tipti syı da tilemes
Shyn dosyń syrttan ár isińe tilektes bolyp júredi. Qıyn qystaý kúnderde senimdi aqtar dos bar da, dos qadirine jetip, dostyqty kirshiksiz saqtaı alý bar. Adal dos minin aıtqanǵa arlanbaı aqylmen tyńdap, óz mineziniń qısyǵyn jóndeıdi. Sondyqtan dostaryń aıtqan syn sózdi durys qabyldaı bilý kerek.
Birinshi, jan dos. Qýanyshta da, qıynshylyqta da qasyńnan tabylar senimdi serigiń. Jan dos qaıǵyńdy da teń bólise alady.
Ekinshi, jalǵan dos/amal dos/. Árqashan qasyńda. Biraq qıynshylyqta emes. Qara basynyń qamyn úshin, qarnynyń toıǵanyn oılaıtyndar. Iaǵnı paıdakúnem.
Úshinshi, vırtýaldy dos. Buǵan senýge de senbeýge de bolmaıdy. Biri tanys, biri jat. Biri ashyq, biri jumbaq. Bir qyzyǵy, keıde ınternet arqyly tanysyp baqytty ómir keship jatqandardy da kezdestirip qalasyń.

Dostyq qalaı seziledi?
1. Dostyq ustaǵan kezde qandaı bolady dep oılaısyńdar?
2. Dámi qandaı?
3. Qandaı aýa raıyn dostyqqa teńeýge bolady?
4. Dostyq degen sózdi qandaı janýarmen baılanystyrýǵa bolady?
5. Dostyqty qandaı boıaýlarmen beıneler ediń?

Minezdeme berý
Ózderińniń qoldaryńnyń sýretin salasyńdar. Ár saýsaqtyń buryshyna bir birine kórsetpeı minezdeme jazyńdar. Dosyń týraly áńgimeleısiń.

İİİ. Óleń joldary
- Endi, balalar, óleńderińdi tyńdap kórelik.
Dos kóp edi júretin syr aqtaryp,
Jandarynan turatyn shýaq tamyp.
Dombyramnyń úni de estiledi,
Dostarymnyń syrlary sıaqtanyp.
Dos júregi qashanda ańsaǵanym,
Solarmenen qosylyp án salamyn.
Aq peıildi ańsaǵan dostarymdy,
Qýanyshpen kúlimdep qarsy alamyn.
Kóńil – darıa, tolqyǵan asyldarym,
Sender meniń jyldarym, ǵasyrlarym.
Tirshiliktiń tuzdyǵy – dostyq eken,
Dostarymnan eshteńe jasyrmadym.
Shyn dostyqtyń ottary jalyndaıdy,
Dos qamaldar eshqashan alynbaıdy.
Dos kóńilder esepke baǵynbaıdy,
Dos júrekter ósekke baǵynbaıdy.
Kún shyǵady dúnıeni nurlandyryp,
Dostar áni óshpeıtin bir máńgilik.
Dos kóńili sıaqty shashyraıdy.
Kúnniń ózi kóktegi turǵan kúlip.

Yİ. Maqaldy jalǵastyr
1. «Kemshiliksiz.... izdegen adam.... qalady».
2. «Dushpan.... aıtady, dos.... aıtady».
5. «.......... aqshań bolǵansha, kóp dosyń...».
6. «Dosy kóppen....,
Dosy joqpen...».
7. «Dosy..., ózi de jaqsy».
8. «.... basqa qaraıdy,
... aıaqqa qaraıdy».
9. «Aqylsyz.... aqyldy dushpan....».
10. « Dosyń myń....,
... bireý bolsa da kóp».