Photo: Ayazhan (https://www.pexels.com/@ayazhan-3173683) / Pexels
Tarazdaǵy mektepte 10-synyp oqýshysy bıiktikten qulap, jansaqtaý bólimine tústi
Taraz qalasyndaǵy №40 gımnazıa aýmaǵynda 10-synyp oqýshysy bıiktikten qulap, aýyr jaraqat aldy. Oqıǵadan keıin jasóspirim oblystyq balalar aýrýhanasynyń jansaqtaý bólimine jetkizildi.
Bul týraly Infohub.kz aqparat agenttigi habarlaıdy.
Oqıǵanyń mán-jaıy
Aldyn ala derekter boıynsha, oqıǵa tańerteńgi ýaqytta bolǵan. Oqýshy mektep ǵımaratynyń syrtyndaǵy órt sóndirý satysyna kóterilip, keıin tepe-teńdigin joǵaltyp, tómen qulap ketken. Bul sátti beınebaqylaý kameralary tirkep alǵan.
Sondaı-aq, oqıǵa aldynda oqýshynyń WhatsApp jelisinde «qoshtasý» maǵynasyndaǵy habarlamalar jibergeni anyqtaldy.
Dárigerler jaǵdaıyn aýyr dep baǵalap otyr
Qazirgi ýaqytta jasóspirim aýrýhananyń jansaqtaý bóliminde jatyr. Oǵan mıdyń shaıqalýy, súıek synyqtary jáne ishki aǵzalardyń jyrtylýy dıagnozy qoıyldy. Dárigerler onyń jaǵdaıyn óte aýyr dep sıpattap otyr.
Belgili bolǵandaı, oqýshy sabaǵyn jaqsy úlgerip, úıirmelerge de qatysqan. Buǵan deıin onymen profılaktıkalyq jumystar júrgizilgenimen, anasy psıhologıalyq-pedagogıkalyq kómekten bas tartqan.
Tergeý bastaldy
Polısıa qyzmetkerleri oqıǵanyń mán-jaıyn anyqtap jatyr. QR Qylmystyq-prosestik kodeksiniń 201-babyna sáıkes, tergeý múddesine baılanysty ózge aqparat jarıalanbaıdy. Polısıa departamenti atalǵan derek boıynsha QR Qylmystyq kodeksiniń 114-baby 3-bóligi boıynsha is qozǵady.
-
Qazaqstannyń tuńǵysh ǵaryshkeri Toqtar Áýbákirov ǵaryshqa saparynda ózimen birge alyp barǵan erekshe zattary týraly aıtyp berdi.
-
Atyraý-Inder tas jolynyń 0-10 shaqyrymynda júrgiziletin rekonstrýksıa jumystaryna oraı kólik qozǵalysyna ýaqytsha shekteý qoıylady.
