InfoHub Logo

Sabaqtyń taqyryby: Janýarlar jaıly ertegiler
Sabaqtyń maqsaty: 1. Oqýshylardy ertegiler mazmunymen tanystyrý, mazmuny arqyly sýret salýǵa úıretý. Jeke tulǵanyń rýhanı mádenıetin qalyptastyrý, balalardyń beıneleý qabiletin shyńdaý.
2. Ertegiler álemi týraly tanymyn keńeıtý. izdený, zertteý qabiletterin damytý. Ertegige degen qyzyǵýshylyǵyn arttyrý, olardyń boıynda shyǵarmashylyq izdenis qalyptastyrý, kórkemdik talǵamyn, shyǵarmashylyq qıalyn, oılaý keńistigin damytý.
3. Ertegilerdiń negizgi ıdeıasy men tárbıelik mánine arqaý bolǵan ultymyzdyń asyl qasıetterin sińirý. Oqýshylardyń ulttyq ónerge degen súıispenshiligin molaıtý, belsendilikterin shyńdaý.

Sabaqtyń ádisi: túsindirý, suraq - jaýap
Kútiletin nátıje: Sabaq barysynda oqýshylar yntalaryn men qyzyǵýshylyqtaryn qalyptastyrý, óz betinshe beıneleý iskerligin meńgerý, sýret salýyna, tanymdyq - shyǵarmashylyq belsendiligine áser etý arqyly ár oqýshy tanyp - bilýge jáne shyǵarmashylyqqa qajetti zatty sanasyna jetkizý. Óz betterimen úılestirýge, eske saqtap sýret salýǵa, sýret taqyrybyna baılanysty obrazdardy turǵyzýǵa, qımyl qozǵalystardy beıneleýge, zattardyń túr - túsin berýge beıimdeý.

Sabaqtyń barysy:
1. Uıymdastyrý kezeńi:
Oqýshylardyń sabaqqa qatysýyn túgeldeý, qural - jabdyqtaryn qadaǵalaý, sabaq barysymen tásilderimen tanystyrý.
3. Jańa sabaq.
* Balalar, ertegi degenimiz ne?
* Ertegiden biz ne kóre alamyz?
* Ertegini jaqsy kóremiz be?
Ertegi dese ǵajaıyp kórinister eles beredi. Búgingi sabaǵymyzdyń taqyryby da «Ertegi keıipkerleri» dep atalady.
Ertegi bizdi árqashan alys joldarǵa jeteleıdi. Esimizge túsireıikshi ertegi qalaı bastalady.
Bar eken de, joq eken,
Erte erte ertede
Eshkileri bórte eken,
Qyrǵaýyly qyzyl eken,
Quıryqtary uzyn eken...
Adamnyń qıaldan, oıdan shyǵarǵan barlyq kóne dúnıeleri mıfter, ańyzdar jáne ertegiler bolyp úshke bólinedi. Árqaısymyz balalyq shaǵymyzda tańǵajaıyp sıqyrǵa toly ertegilerdi oqydyq. Ertegiler - tunyp turǵan qıal - ǵajaıyptar, janýarlar adamsha sóılesedi, batyrlar jaý áskerimen ǵana emes, aıdaharlarmen, jyn - perilermen jáne basqada halyq qıaly týdyrǵan jalmaýyz - qubyjyqtarmen shaıqasady.
Keıipkerleri qarapaıym adamdar.
Keıipkerleri - halyqtyń qıalynan týyndaǵan: aıdaharlar, mystan kempir, ushatyn kilem, dáýler, jelaıaq, kóltaýysar, saqqulaq t. b. sıaqtylar.

Keıipkerleri janýarlar. Olar adam sıaqty sóıleıdi. Janýarlar arqyly adamdardyń minez – qulqyn kóremiz.
Ertegilerdiń ishinde balalardyń qıalyn sharyqtatatyn, balalyq shaqtyń bolashaǵyn elestetip keleshekke senimmen qaraýǵa tárbıeleıtin eń áserli ertegiler – qıal – ǵajaıyp ertegileri. Batyrlyq ertegilerde elin qorǵap, halqyn qadirlegen erlerdiń tańǵajaıyp is – áreketteri baıandalady. Mysaly: Ertóstik, Qobylandy. Kúldirgi ertegiler negizinen Aldar kóse men Jırenshe shesheniń, Qojanasyrdyń esimderimen baılanysty.
Ertegiler – qıal ǵajaıyp, oqıǵalar jaıyndaǵy qyzyq áńgimeler, olardy kóbinese ómirde sırek kezdesetin nemese múlde kezdespeıtin oıdan shyǵarylǵan oqıǵalar baıandalady.
Ertegi keıipkerlerine arnap sýret salý - eń qyzyqty taqyryp.
Árbir bala ertegini qyzyqtap oqıdy, áńgimelep beredi jáne sol týraly sýret salýǵa qushtar. Sýret salý kezinde ertegi balanyń dúnıetanymyn, aqyl - oıyn, shyǵarmashylyǵyn arttyrady.
. Ertegi mazmunyna arnalyp salynǵan sýret ılústrasıa dep atalady.
Ilústrasıa jasaǵanda mynandaı talaptar eskeriledi:
• Basty keıipkerdi aıqyndaý.
• Ertegidegi eń qyzyq sújettik kórinisterdi beıneleý.
• Kompozısıalyq qurylymyn aıqyndap baryp qaǵaz betine túsirý kerek.
• Ilústrasıa erteginiń mazmunyn ashýy kerek.
• Túrli tústi boıaýlary ashyq – jarqyn bolýǵa tıis
Búgin baýyrsaq ertegisine ılústrasıa jasap kóreıik.
Salyný kezeńderi kórsetilgen. Osy kompozısıaǵa erteginiń basqa keıipkerlerin qosa beıneleımiz. Aıý, túlki, qoıannyń kez kelgen bireýin.

4. Sýret dáptermen jumys. (Sarmandyq jumys)
«Ertegi áleminde» áni beriledi:
Ǵajaıyp tús kórdim.
Tań ata men búgin,
Ertegi áleminiń, qyzyǵynda júrdim.
Nuryna shomyldym búgin,
Juldyz aıy kórkem,
Ádemi edi netken, qustar sóıleıdi,
Bulttary bıleıdi...

5. Sabaqty qorytyndylaý.
Biz búgingi sabaqta ne úırendik? Sabaq nesimen unady?
Ertegi degenimiz ne? Qandaı túrleri bar?
6. Úıge tapsyrma berý. Sýretti aıaqtaý.
Ertegidegi janýarlar júkteý