InfoHub Logo

Qytaıdyń Sınszán-Uıǵyr avtonomıalyq aýdanynda turatyn etnıkalyq qazaqtardyń zeınetaqy mólsheri qazaqstandyqtar arasynda qyzý talqylaý týǵyzdy.

Kuljada qazaq mádenıeti saqtalǵan

Kulja (Inın) qalasynda jergilikti qazaqtar óz tilin de, dástúrin de umytpaǵan.
61 jastaǵy Qabıdolla Kókesh týrısik aımaqta turady jáne óz úıin qonaqúıge aınaldyrǵan. Ol kelgen meımandardy dástúrli qazaq jáne uıǵyr taǵamdarymen qarsy alady.

«Qonaqjaılyq – qanymyzda bar. Qonaqty kádimgideı beshbarmaq, baýyrsaq, qazy-qarta, soýspen kútip alamyz. Etti jaılaýdan jaqsysyn alyp, ózimiz soıyp, daıyndaımyz. Kuljada qazaq kóp, tildi umytqan joqpyz. Qonaq qaı elden bolsa da, sol tilde sóılesýge tyrysamyz», — deıdi ol.

Qytaıdaǵy qazaq zeınetkerleri aıyna 400 myń teńgeden asa zeınetaqy alady

65 jastaǵy Qurmetjan Mamedjan da birneshe jyldan beri shaǵyn qonaqúı ustap otyr. Aıtýynsha, memleketten jaqsy zeınetaqy alsa da, qol qýsyryp otyrǵysy kelmeıdi.

«Balalarymyzdyń bári joǵary oqý bitirdi. Qyzym Úrimjide oqydy, ulym da. Ekinshi qyzym Beıjińde oqydy. Oqý da, jataqhana da — bárin memleket tóledi. Tipti shóberem de bes jyl Beıjińde oqydy — bári aqysyz. Men aıyna 6000 ıýán (shamamen 450 myń teńge) alamyn, áıelim 5000 ıýán (shamamen 370 myń teńge) alady. Bizge jetedi. Eshteńege muqtaj emespiz. El tynysh, halyq jaqsy turady, balalar oqıdy — muny biz shúkir deımiz», — deıdi ol.

Anyqtama

Qytaıdyń Sınszán óńirinde shamamen 1,5 mıllıon etnıkalyq qazaq turady. Odan buryn jergilikti muǵalim de Qytaıdaǵy qazaqtardyń turmysy týraly pikir bildirgen bolatyn.