InfoHub Logo

Taqyryby: Ǵ dybysy jáne árpi
Sabaqtyń maqsaty
Bilimdiligi: Ǵ dybysy jáne onyń árip tańbasymen tanystyra otyryp, «Ǵ» dybysynyń aıtylý artıkýlásıasyn meńgertý.
Damytýshylyǵy: Berilgen sózderge dybystyq taldaý jasatý, býyndap oqýǵa jattyqtyrý, jattyǵýlardy oryndatý arqyly qol motorıkasyn damytý.
Tárbıeliligi: Oılaý, eske saqtaý qabiletterin damyta otyryp shyǵarmashylyqqa tárbıeleý.
Ádis - tásilder: Túsindirý, áńgimeleý, suraq - jaýap. STO tehnologıasynyń strategıalary.
Kórnekilikter: Úlestirmeli sýretter, plakat t. b

Psıhologıalyq ahýaldy qalyptastyrý
«Búgingi kúnge izgi tilek» (Kún beınesi)
Tabıǵatqa jan bitirip, jerge sáýle tógip, aınalaǵa shýaqty nuryn shashatyn ne? (Kún.) Olaı bolsa «Tirshilik nári, ómir máni, kóńil sáni, tabıǵat jany, bar bala áni» kúnmen sálemdesip alaıyq.
Jarqyrap kúnde ashyldy,
Aınalaǵa nur shashyldy.
Qaıyrly kún! Biz kóńildi balamyz!
Qaıyrly kún! Biz súıkimdi balamyz.

Uıymdastyrý izdestirý
Jańa sabaq
«Kún tapsyrmasy»
Kún beınesi qaltashalaryna ótilgen dybystardyń jáne Ǵ dybysynyń árip tańbalary salynǵan. Balalar ótilgen áripterdi tanyp ataıdy.
Tárbıeshi: Áripterdiń ishinde bizge tanys emes bir árip bar eken. Bul bizdiń búgingi ótetin jańa dybysymyz Ǵ dybysynyń árip tańbasy.
Ǵ dybysy týraly bilgileriń kele me?.. Olaı bolsa, ornymyzǵa otyraıyq.

İİ. Maǵynany taný.
1. Ǵ dybysynyń aıtylý artıkýlásıasyn meńgertý.
Mynaý ne balalar. (Kompúter)
Al, osy kompúter degen kezde senderdiń esterińe qandaı sóz túsedi. (Internet)
Internet arqyly biz búkil jer sharyndaǵy jańalyqtarmen habardar bolamyz, sondyqtanda ınternettiń qazaqsha ataýy «ǵalamtor» dep atalady.
Káne, ǵalamtor dep aıtaıyq.
Birinshi qandaı dybys estilip tur.
Ǵ dybysyn dybystatý.
Ǵ dybysy kedergimen aıtylyp tur. Bul Ǵ dybysy qandaı dybys dep oılaısyńdar. (Daýyssyz dybys)
Qandaı tústi tekshemen belgileımiz. (Kók)
Berilgen uǵym: Ǵ dybysy daýyssyz dybys, kók tekshemen belgileımiz.

2.«Ǵajaıyp tús» ertegisi arqyly «Ǵ» dybysy bar sózdermen tanystyrý. (Ertegi jelisi boıynsha taqtaǵa Ǵanı, balǵa, taǵa, shalǵy, torǵaı, qarǵa, ǵaryshker, ǵarysh, aǵash, saǵat sýretteri ilinedi)
Ertegi mazmuny: Erte, erte, ertede bir ataı men ájeı ómir súripti. Olardyń Ǵanı degen balasy bolypty. Ataı sheber usta eken. Ol temirden balǵa, taǵa, shalǵy jasaýmen aınalysypty. Ǵanı únemi atasyna kómektesedi eken. Kúzde oraqpen shóp shabysady. Birde shóp shaýyp júrip Ǵanı sharshap aspanǵa qarap jatypty. Sol kezde kókte ushyp júrgen torǵaı, qarǵalardy kórip, menińde qanatym bolyp kókke samǵasam ǵoı dep armandap, oılanyp jatyp uıyqtap ketipti. Túsinde ǵaryshker bolyp, ǵaryshta samǵap júr eken. Óte qýanyshty sezimde jatqanda aǵashtardyń jelmen yrǵalǵan dybysynan oıanyp ketedi. Saǵatyna qarasa kesh bola bastaǵan. Ǵanı óziniń ǵaryshqa ushqanyn jaqsylyqqa joryp, atasyna túsin aıtýǵa úıine qaraı qýana júgire jóneldi.


3. «Uqsas zatty tap» oıyny. Ǵ dybysy bar sózder sýretterimen jumys «Ǵ» dybysynyń sózdegi ornyn anyqtaý.
Ertegi unady ma? Balanyń aty kim edi? (Ǵanı)
Ǵanı degende birinshi qandaı dybys estilip tur? Ǵ dybysy.
Olaı bolsa, Kún tapsyrmasyndaǵy jańa árip Ǵ dybysynyń árip tańbasy eken. (Taqtaǵa Ǵ. ǵ áripteri qoıylady)
Taqtadaǵy sýretterge qarańdarshy Ǵ árpi nege uqsaıdy. (Taqtadaǵy sýretterdi Ǵ árpimen salystyryp, shalǵyǵa uqsaıtynyn tabady)
Beriletin uǵym: Ǵ árpiniń tańbasymen tanysady,

4. «Býynǵa býyn qos» oıyny: Taqtadaǵy ertegi jelisi boıynsha berilgen sýret attaryn býynǵa bólip aıtqyzý arqyly Ǵ dybysynyń sózdegi ornyna taldaý jasalady. Ǵa - nı, ǵa - rysh - ker, ǵa - rysh sózderinde Ǵ dybysy sózdiń birinshi býynynda, bal - ǵa, ta - ǵa, shal - ǵy, tor - ǵaı, qar - ǵa, a - ǵash, sa - ǵat sózderinde sózdiń ekinshi býynynda estilip turǵanyn, ıaǵnı Ǵ dybysy sózdiń basynda, ortasynda keletini týraly túsinik berilip, ózderine unaǵan sýret atyn tekshemen jazǵyzý.
Beriletin uǵym: Ǵ dybysy keletin sózdermen tanysady, býynǵa býyn qosý arqyly ǵ dybysy sózdiń basynda, ortasynda keletinin úırenedi, dybystardyń daýysty, daýyssyz ekenin ajyratady.
Ǵ dybysy jáne árpi júkteý