InfoHub Logo

Bul týraly Infohub.kz aqparat agenttigi habarlaıdy.

Qazaqstan qor bırjasy (KASE) kúndizgi saýda sesıasynyń qorytyndysy boıynsha dollardyń ortasha saralanǵan baǵamy 457,21 teńge boldy. Bul kórsetkish 2,95 teńgege tómendegenin bildiredi. Bul 2024 jyldyń maýsym aıynan bergi eń tómengi deńgeı, sol kezde dollar 460 teńgeden tómen túsken edi.

Ulttyq banktiń resmı baǵamy

Qazaqstan Ulttyq banki 28 sáýirge belgilegen resmı baǵam boıynsha, bir dollar 460,80 teńgege teń.

Almatydaǵy aıyrbastaý pýnktterindegi dollardyń ortasha baǵamy

Astanadaǵy aıyrbastaý pýnktterindegi dollardyń ortasha baǵamy

Esterińizge sala keteıik, 24 sáýirde Qazaqstan Ulttyq banki bazalyq mólsherleme boıynsha sheshim qabyldaǵan bolatyn. Ol jyldyq 18 paıyz deńgeıinde, +/- 1 paıyzdyq pýnkt dálizimen saqtaldy. Keıinirek Ulttyq banktiń basshysy Tımýr Súleımenov jaqyn arada bazalyq mólsherlemeni tómendetý múmkindigin joqqa shyǵarmaıtynyn málimdedi.

Buǵan deıin Qazaqstan Ulttyq banki dollar baǵamyna aralasýdy josparlamaıtynyn habarlaǵan edi, óıtkeni naryq turaqty bolyp, naryqtyq faktorlar aıasynda jumys istep tur. Regýlátordyń málimetinshe, birinshi toqsanda valútaǵa suranys azaıǵan, al dollardyń taza satyp alýshylarynan taza satýshylaryna aınalǵan kompanıalar teńgeni qoldady. Teńgeniń nyǵaıýyna munaı baǵasynyń joǵary bolýy, tengelik aktıvterge sheteldik ınvestısıalardyń kelýi jáne maýsymdyq faktorlar da yqpal etti. Regýlátordyń operasıalary josparly sıpatta jáne baǵamdy basqarýǵa baǵyttalmaǵany atap ótildi. Jalpy, teńgeniń qazirgi nyǵaıýy valúta naryǵyndaǵy suranys pen usynys teńgerimimen túsindiriledi.