InfoHub Logo

Kóp saǵattyq leksıalardyń ornyna bul saıttar qıyn aqparatty qyzyqty jáne oıyn túrindegi baǵdarlamalar arqyly usynady. Tómende keltirilgen saıttarda bári jaqsy túsindirilgen.

Astronomıa

Joshworth — aı bir pıkselge teń oryn alǵandaǵy Kún júıesindegi qashyqtyq qandaı bolatyndyǵy kórsetilgen. Sonymen qatar, tómengi oń jaq buryshtaǵy batyrmany basý arqyly,  jaryq jyldamdyǵymen usha alasyz.

BBC — jol-jónekeı mańyzdy obekterdi zerttep  Jerden Kún júıesiniń shetine deıin saıahatqa shyǵa alasyz. Jerden qashyqtyq ósken saıyn masshtab kishireıedi, sol  úshin az aınaldyrsańyz bolady, biraq sonyń sebebinen ǵaryshtyń kórnekiligi nasharlaıdy.

NASA — bul qyzyqtardyń qazynasy.  HǴS-nan  (MKS) vıdeolar, Marspen Aıdyń joǵary anyqtyqtaǵy sýretterin,  barlyq mısıalar týraly málimetterdi, fotolardy jáne basqa da kóp qyzyqty narselerdi kóre alasyz.

Google — kóptegen qyzyqty jobalardy júrgizedi. Mysalǵa, Google Moon jáne Google Mars. Biraq eń qyzyqtysy  Google Sky, onyń kómegimen juldyzdy aspandy zertteı alasyz. Yńǵaılyraq bolsyn deseńiz Google Earth baǵdarlamasyn júktep alsańyz bolady.

Fızıka

Htwins — Plank uzyndyǵynan álemniń ólshemine deıingi qashyqtyqty osy tamasha baǵdarlama arqyly óte alasyz. Muqıat qarasańyz kóptegen qyzyqty faktorlardy baıqasańyz bolady – mysalǵa, gepatıt V vırýsynyń kólemi  kórinetin jaryq tolqynynyń uzyndyǵynan kishi. Iaǵnı myqty optıkalyq mıkroskop arqyly da adam ony kóre almaıdy.

Madebyevan — bul saıtta gravıtasıany qosyp, óshirip shynaıy sýda doppen oınaýyńyzǵa bolady. Qyzyqty.

Hımıa

Rsc — Mendeleev kestesiniń kez kelgen elementine basyp onyń sıpattamasyn oqýǵa bolady. Joǵaryda sol jaqta ornalasqan batyrmany bassańyz belgiler túsinikti sýretterge aınalyp element ataýynyń shyǵý tarıhy baıandalady. Sonymen qatar ártúrli fıltrlardy qosyp, zattar qatty nemese gaz kúıine aýysqansha temperatýrany ózgertýge bolady.

Ptable — Mendeleevtiń taǵy bir ınteraktıvti kestesi (orys tilinde). Keste Vıkıpedıamen baılanysqan bolǵandyqtan, kóptegen qyzyqty aqparat alýyńyzǵa bolady.

Bıologıa

Wellcometreeoflife —  resýrs janýarlardyń keıbir túrleriniń shyǵý tegin, sondaı-aq, eki túrli túrdiń ortaq shyǵý tegin bilýge múmkindik beredi. Ókinishke oraı, qosymshanyń basqarýy yńǵaısyz jáne mazmuny az, kóptegen sýretterdi attary boıynsha ózińizge izdeýge týra keledi.

Barlyq jaratylystaný ǵylymdary

Johnkyrk — álemniń, jerdiń, adamdardyń damýyndaǵy tarıhı kezeńderin vızýaldy kóre alasyz.

Geografıa

Travelpod — memleketter men astanalardy olardyń kartada ornalasýy arqyly nemese týlary arqyly tabasyz. Bul oıyn arqyly  «Ol qaı jerde ornalasqan?» degen suraqty umytsańyz bolady.

Geoguessr — bul oıyn arqyly siz álemdegi barlyq landshaftardy qosa jattap alasyz.

Tarıh

Chronoatlas — ınteraktıvti tarıhı atlas. Sýretter, memleketterdiń ataýy jáne shekaralar kórsetiledi. Arnaıy mázir arqyly qyzyqtyryp turǵan tarıhı aımaq pen kezeńdi kóre alasyz. Mysaly, Sparta qaıda ornalasqanyn kórseńiz bolady. Bir kemshilik bar – servıs uzaq júkteledi.

Geacron — bul tarıhı atlastyń múmkindigi uqsas, tek sýrettersiz. Esesine qalalar belgilengen jáne siltemelermen bólisseńiz bolady.

Timemaps — usynylyp otyrǵan tarıhı atlastardyń ishindegi eń yńǵaılysy osy. Dáýir men aımaqtarǵa bólingen, biraq qajet bolǵan ýaqytty tańdaı almaısyz.

Matematıka

Desmos — grafıka salýǵa arnalǵan qarapaıym jáne yńǵaıly baǵdarlama. Sonymen qatar tutas sýretter de salýǵa bolady. «V poıskah Nemo» múltfılmdegi balyqtyń fýnksıasy qandaı ekeni sizdi qyzyqtyrǵan bolsa, bul baǵdarlama álbette sizge arnalǵan.

Htwins — bul jerde siz Mandelbrot jıynynyń bir fraktalynyń túrin kóre alasyz. Matematıkalyq turǵydan qaraǵanda bul tek qana teńdeý, al vızýaldy  kórinisi keremet.

Sciencevsmagic — óz fraktalyńyzdy  «ósirýge» arnalǵan kompúterlik baǵdarlamalar bar, al onlaın-rejımde siz olarmen sál oınasańyzda bolady.

---