InfoHub Logo

Zertteýshiler vıtamın tabletkalaryn ishýdiń ornyna durys tamaqtaný kerektigin jáne bul vıtamınderdi tabıǵı joldarmen alý kerektigin jáne jattyǵýlarǵa aýyrlyq qosý jóninde málimdeme jasady.

“The Independent” gazetinde A-dan Z-ǵa deıingi Vıtamınder degen taqyryptaǵy habarynda qaı vıtamındermen mıneraldardyń qaı tabıǵı ónimderde bolatynyn jáne denege qandaı paıdalary bar ekendigin jazǵan:

A VITAMINİ: Imýnıtetti, súıekterdi, kózderdi jáne terini kúsheıtedi. Mandarın, baýyr, balyq, sarymaı, jasyl shópterde jáne sıtrýsty jemisterde kóp mólsherde bolady.

V VITAMINİ: Bul toptaǵy sýda erıtin vıtamınder mıdy jáne nerv júıelerin qorǵaıdy. Baýyr, balyq, shpınat, burshaq (goroh) jáne mandarınde kóp bolady.

S VITAMINİ: Imýnıtetti kúsheıtedi, ınfeksıalarmen kúresedi, tamyrlardy, tis etterin qorǵaıdy. Sıtrýsty jemisterde jáne kıvıde kóp bolady.

D VITAMINİ: Kalsııdiń denege sińýin qamtamasyz etip súıekterdi jáne tisterdi qýattandyrady. Nerv júıesin kúsheıtedi. Sút, maıly balyq jáne jumyrtqada bolady.

E VITAMINİ: Aǵzaǵa, tin jáne kletkalarǵa zıandy erkin radıkaldardan qorǵaıdy. Toq ishektiń qaterli isigine jol bermeıdi. Orman jańǵaǵy, jańǵaq, qara nan jáne zaıtýnmaıynda mol bolady.

KÁLSI: Súıek jáne tisterdi qýattandyrady, júrektiń soǵýyn retteıdi, qan qysymyn túsiredi. Sút jáne sút ónimderinde, jasyl japyraqty kókónisterde, soıa, fýndýk, sardına balyǵy jáne nanda bolady.

MAGNII: Qan qysymyn retteıdi, súıek aýrýlarynan saqtaıdy. Jasyl japyraqty kókónisterde, avokado, balyq jáne keptirilgen sıtrýsty jemisterde kóp bolady.

KALII: Qan qysymyn tómendetedi, júrek qaǵysyn retteıdi. Órik, banan, sıtrýsty jemisterde, balyq, jasyl kókónisterde, sút, orman jańǵaǵy(fýndýk) jáne kartopta mol bolady.

SELEN: Antıoksıd ereksheligi arqyly kletkalardy qorǵaıdy. Teńiz ónimderinde jáne etterde mol mólsherde bolady.

SINK: Bulshyq etterdi kúsheıtedi, kletkalardyń kóbeıýin jyldamdatady. Et jáne teńiz ónimderinde kóp bolady.

---