InfoHub Logo

Bótelkedegi sýdy satyp alar kezde neni tekserý qajet ekenin bilesiz be? «Bótelkeniń túbi saý bolsa bolǵany»  degen keńesti ǵana estigen shyǵarsyz. Densaýlyǵyńyzdy qorǵaý úshin bul jetkiliksiz.

Plasıkalyq bótelkelerdiń japsyrmasynda, bótelke qandaı plasıktan jasalǵany týraly jazba bolady. Bul aqparat óte mańyzdy. Sebebi kez kelgen plasıktan bótelkeniń ishindegi nársege ártúrli dárejede qaýipti hımıkattar bólinedi.

Kez kelgen bótelkede tómendegi belgilerdiń bireýi bolady.

 

PET nemese PETE

Bul PET-ter nemese bir ret paıdalanatyn bótelkeler. Olar suıyqtyqqa adamnyń gormonaldyń balansyna áser etetin aýyr metal men zattardy bólýi múmkin. PET — álemde jıi paıdalanylatyn plasmasstyń túri. Este saqtaý kerek bolǵan nárse ol tek BİR RET paıdalanýǵa arnalǵan. Eger siz mundaı bótelkege óz sýyńyzdy quıatyn bolsańyz, sizdiń aǵzańyzǵa keıbir siltili elementter men kóp mólsherde bakterıalar enýi múmkin.

 

HDP nemese HDPE

Eshqandaı zıandy zattar bólmeıtin, óte jaqsy plasık bolyp tabylady. Mamandar múmkin bolsa osyndaı bótelkedegi sýlardy alýǵa keńes beredi. Qaýipsiz, ári qorshaǵan orta úshin de paıdaly: plasıktiń bul túrin qaıta óńdeýge bolady. Ol plasıktiń qatty túrine jatady, kóbinese sút, oıynshyq, jýǵysh zattardy saqtaýǵa jáne keıbir plasıkalyq paketterdi óndirýge qoldanylady.

 

PVC nemese V

Bul materıaldan jasalǵan zattar kem degende eki zıandy hımıkatty bóledi. Ekeýi de adamnyń gormonaldy balansyna keri áserin tıgizedi. Bul jumsaq, ıilgish plasık, kóbinese suıyq maı men balalardyń oıynshyqtaryn saqtaýǵa paıdalanylady. Odan halyq tutynatyn kóptegen taýarlarǵa blısterli orama jasalynady. Sonymen qatar ol kompúter kabelderin qaptaýǵa paıdalanylady. Odan plasıkalyq qubyrlar men santehnıkaǵa qajet bólshekter jasalynady. PVC-ke tikeleı kún sáýlesi men aýa raıy áserin tıgizbeıtindikten odan tereze ramalary men baq qubyrshegi jasalynady.  Sarapshylar balamasyn taba alatyn jaǵdaıda PVC-tegi sýsyndy  satyp almaýyńyzǵa keńes beredi.

 

LDPE

Plasıktiń bul túri bótelke jáne plasıkalyq paket óndirisinde paıdalanylady. Ol ózi saqtap turǵan sýǵa eshqandaı hımıalyq zattar bólmeıdi. Plasıktiń bul túri tek sý saqtaýǵa  ǵana zıansyz. Azyq-túlik dúkeninen odan jasalynǵan paketterdi satyp almaǵanyńyz jón bolady. Satyp alǵan azyq-túligińizben qosa júregińizge zıandy hımıkattardy da jep qoıýyńyz múmkin.

 

PP

Plasıktiń bul túriniń túsi aq nemese móldir túste bolady. Sıroptar men ıogýrttar qaptamasy retinde paıdalanylady. Polıpropılen óziniń qyzýǵa turaqtylyǵymen baǵalanady. Ony qyzdyrǵan kezde ol balqymaıdy. Salystyrmaly túrde zıany joq.

 

PS

Kóbinese kofe staqany men jyldam tamaqtanýdaǵy konteınerlerdi jasaýǵa paıdalanylady. Qyzdyrǵan kezde zıandy hımıalyq qospalar bólinedi. Polıstırol — arzan, jeńil ári myqty plasık bolyp eseptelinedi. Biraq ystyq tamaq pen ystyq sýsyndar saqtaýǵa jaramaıdy.

 

PC nemese arnaıy belgileri joq plasmassa

Bul plasıktiń eń zıandy túri. Sýlarǵa arnalǵa bótelkeler men tamaq konteınerlerin óndirýde paıdalanylady. Polıkarbonattan jasalynǵan ydystarda tamaq pen sýdy  saqtaýǵa bolmaıdy. Ol bısfenol A degen zat bóledi. Ol zat adamnyń endokrındik júıesin buzady. Estrogen gormonynyń bólinýin álsiretedi.

 

Plasıkalyq qaptamada bir nárse satyp alarda jaqsylap oılanyńyz. Bálkim, shyny áınek áldeqaıda qaýipsiz bolar.

 

---