InfoHub Logo

Jańa jyl, jarylqa! atty jańa jyldyq kesh
İ júrgizýshi: Assalaýmaǵalaıkým! Qurmetti qonaqtar!
İİ júrgizýshi: Armysyzdar, ardaqty ustazdar, oqýshylar!

İ júrgizýshi: Jańa jyl – jańa qadam, jańa baǵyt,
Bolashaq syılaıtyndaı jańa baqyt.
It jyly kep qaldy ortamyzǵa,
Jaqsylyqpen jalǵassyn jańa ýaqyt.
Qutty bolsyn jańa jyl, barsha halyq.
Qýanyshqa, shattyqqa tamsanaıyq.
Birimizge shynaıy tilek tilep,
Bar álemge baqytpen jar salaıyq!

İİ júrgizýshi: Jańa kúnde án qylyp,
Tek júremiz sán quryp.
Kóńilderdeı qartaımaı,
Shyrsha turar máńgilik!
(İ júrgizýshige) Bilesiń be, osy Jańa jyl álemdegi eń kóp, ári eń keremet toılanatyn mereke eken.

İ júrgizýshi: Durys aıtasyń, bul kúni qýanbaǵan jan qalmaıdy. Báriniń júzderinde kúlki men shattyq. Álemniń ár jerinde ot shashýlar atylyp, jańa jyldyq shyrshalar boı kóterip, eńbektegen baladan eńkeıgen qarıaǵa deıin baqyttyń qushaǵynda júredi eken!

İİ júrgizýshi: Qurmetti, ustazdar, oqýshylar! Sizderdi osyndaı baqytty shaqtyń qýanyshy – Jańa jyl merekesimen shyn júrekten quttyqtaımyz!

İ júrgizýshi: Jańa jyl tek qana baqyt, qýanysh ákelsin deı otyryp, búgingi kóńildi keshimizdiń alǵashqy sóz kezegin mektep dırektory Toqbaev Serik Qaıyrhanulyna beremiz.

İİ júrgizýshi:
Jańa jyl - qaısarlyq pen júrektilik,
Baratyn bolashaqqa bilek túrip.
Ádemi tilekterge qol soǵamyz,
Álemge jaqsylyqtar tilep turyp.

İ júrgizýshi: Óziniń quttyqtaý ánderimen ortaǵa ánshilerińiz 6 - 7 synyp oqýshylary kelip tur eken, qarsy alyńyzdar! (Mýzyka qosylady. Biraq ánshiler ándi aıtpaıdy.)
Ánshiler: O, aǵaıyndar! Biz án sala almaımyz. Ortalaryńyzda ne Aıaz ata, ne Aqsha qar joq. Qalaı bolǵany? Jańa jyl degen ózindik ereksheligimen bolý kerek qoı. Aıaz ata men Aqsha qar kelmeı, biz án aıta almaımyz.

İİ júrgizýshi: Oıbýýýý, uıat boldy ǵoı! Biz shynymen osy Jańa jyldyń ıesin umytyp ketippiz ǵoı. Dostar, endeshe bárimiz bir aýyzdan Aıaz ata men Aqsha qardy shaqyryp alaıyq. Qalaı qaraısyzdar?!

İ júrgizýshi: Aq kıimdi, deneli, aq saqaldy - dep, Abaı atamyz jyrǵa qosqandaı, uzaq kúttirmeı, barlyq balalardyń qýanyshy Aıaz atany ortaǵa shaqyraıyq.
AÝÝÝ, Aıaz ata! AÝÝÝ, Aıaz ata! AÝÝÝ, Aıaz ata!

İİ júrgizýshi: Biz bálkim shyn kóńilmen shaqyrmaı jatqan bolarmyz! Káne, dostar, ne turys, shyn nıetpen, bar kúshimizben Aıaz atany shaqyraıyq!
Aıaz ata! Aıaz ata! Aıaz ata!
(Aıaz ata keledi. Qasynda Aqsha qary bar. Taıaǵyn tarsyldata kirip keledi.)
Aıaz ata: Senderge kók júzinen nurdaı bolyp,
Jaýǵanyn japalaqtap kórip qardyń,
Asyǵa ushyp keldim qurdaı joryp,
Al, dostar aldaryńa kelip qaldym.
Oo, qaraqtarym! Men senderdi saǵyna jetip keldim. Shyn tilegen nıetterińniń arqasynda Aqsha qar ekeýimiz sonaý soltústútikten buǵymyzǵa shanamyzdy jege salyp kelip turmyz.
Aqsha qar: Aıaz ata, durys aıtasyz! Iá, dostar. Biz kelgenshe kóptegen jerlerde boldyq. Álemniń ár jerinde toı - dýman bolyp jatyr.

İ júrgizýshi: Aıaz ata, ortamyzǵa qosh keldińiz. Siz de, Aqsha qar. Sizder kelmese án salmaımyn dep, ánshilerimiz renjip otyr. Ózderińiz bir tilek aıtyp, án saldyrtsańyzdar.
Aıaz ata: Keltireıin sánińdi.
Buzba endi mánińdi.
Ánshi qyzdar, toqtama,
Shyrqap jiber ánińdi.

ÁN: «Jańa jyl keshinde» Araı men Gúldana
ÁN: «Jańa jyl» Dana men Aısha
(Án salynady. Án aıtylyp bolǵan soń Aıaz ata ánshige syılyǵyn beredi.)

İİ júrgizýshi: Aıaz ata, kórdińiz be, bizdiń jastar ónerli. Siz keledi dep kútip otyrǵandary qanshama?! Solardyń da ónerin tamashalasaq.

İİ júrgizýshi: Endeshe ortaǵa Shaǵyn ortalyq pen daıyndyq synyptarynyń tárbıeshilerin shaqyraıyq. Qarsy alyńyzdar!
(Endeshe ortaǵa óz kostúmderin qorǵaıtyn oqýshylar bolsa, shyǵyp óner kórsetsin)
BI: Shaǵyn ortalyq oqýshylary
Daıyndyq synyby
BI: 1 – synyp oqýshylary
BI: «ADAI» Dıas pen Janarys
Aıaz ata: Tamasha, tamasha,
Kún týyldy jańasha.
Tamasanady barlyǵy,
Ónerine qarasa.
Tamasha, tamasha!!! Aqsha qar, syılyqtar qaıda, káne, bershi. Men myna jastardyń jarqyn júzderine, tamasha ónerine tamsanyp otyrmyn. (Syılyqtar beriledi).

Talpyn jalpy orta bilim beretin mektebi
Tálimger: G. J. Mýhanbetova

Jańa jyl, jarylqa! atty jańa jyldyq kesh. júkteý