Tengrinews.kz / Bolat Aıtmolda
Qazaqstanda aýqymdy raqymshylyq: İshki ister mınıstrligi alǵashqy málimetterdi jarıalady
Qazaqstanda aldaǵy ýaqytta qylmystyq jáne ákimshilik raqymshylyq jasaý josparlanýda. Bul týraly İshki ister mınıstriniń orynbasary Sanjar Ádilov málimdedi. Jumys toby tek jalpy parametrlerdi ǵana anyqtaǵan.
Bul týraly Infohub.kz aqparat agenttigi habarlaıdy.
Kimder jazadan bosatylýy múmkin?
Mınıstr orynbasarynyń aıtýynsha, raqymshylyq aldymen aýyrlyǵy az qylmystardy jasaǵandarǵa, sondaı-aq qylmystyq isteri tergelip jatqandarǵa qatysty bolmaq. Olar qylmystyq jaýapkershilikten bosatylady.
Sonymen qatar, bas bostandyǵynan aıyrylǵandar arasynan da kishi jáne ortasha aýyrlyqtaǵy qylmystardy jasap, zıan keltirmegender bosatylýy múmkin.
Kimderge raqymshylyq jasalmaıdy?
Alaıda, keıbir qylmystarǵa raqymshylyq qoldanylmaıdy. Olarǵa: ekstremıstik jáne terorıstik qylmystar, syrttaı sottalǵandar, azaptaý jasaǵandar, sybaılas jemqorlyq qylmystaryn jasaǵandar, sondaı-aq kámeletke tolmaǵandardyń jynystyq qol suǵýshylyǵyna qarsy qylmystar.
Jaza merzimin qysqartý
Aýyr qylmystar boıynsha jaza merzimin qysqartý máselesi de qarastyrylýda. Bul jazanyń besten nemese tórtten bir bóligin quraýy múmkin.
Qazirgi tańda bul bastama áli pysyqtalý ústinde. Depýtattyq bastama retinde qabyldanǵandyqtan, bul týraly tolyq aqparatty depýtattar beretin bolady.
Ákimshilik raqymshylyq
Sonymen qatar, ákimshilik raqymshylyq boıynsha da jumystar júrgizilýde. Kelesi aptada bul baǵyttaǵy usynystar usynylmaq.
-
Global oil prices saw a significant drop following positive signals in US-Iran diplomatic talks, impacting Brent and WTI futures.
-
Oralda «Zenıt» zaýytynda jasalǵan Qazaqstannyń eń úlken kemesi sýǵa jiberilip, Kaspıı teńizine attandy. Bul keme el qorǵanysyn nyǵaıtýǵa baǵyttalǵan mańyzdy jobanyń bir bóligi.
