InfoHub Logo

Sabaqtyń taqyryby: Jarqyrap atqan altyn kún
Sabaqtyń maqsaty:
a/ «Jeltoqsan oqıǵasynyń» tarıhyn, mańyzyn túsindirý. Sol kóteriliske qatysqan jastardyń erligin, jaqsy qasıetterin úlgi tutý. «Jeltoqsan kóterilisi» týraly, Q. Rysqulbekov týraly beınetaspa qaraý.
á/ Toptyq jumys júrgizý arqyly balalardy uıymshyldyqqa, Otanyn súıýge, adamgershilikke tárbıeleý.
b/ Balalardyń aýyzeki kórkem sóıleý tilin, shyǵarmashylyq qabiletterin damytý, bolashaqta Otanymyz Qazaqstandy órkendetýge bilimdi adamdar kerek ekenin túsindirý.
Sabaqtyń túri: jańa sabaq.
Sabaq ádisi: sózdik, kórnekilik, jınaqtaý, toptyq.
Sabaq kórnekiligi: búktemeler, sújettik sýret, syzbalar, test jumysy, beıneklıp, úntaspa, ınter taqta.

Sabaqtyń barysy:
Alǵashqy uıymdastyrý.
Kirispe.
Tarıh betterin paraqtasaq, qazaq halqy óziniń uzaq tarıhynda talaı qandy qyrǵyndardy, zorlyq - zombylyqtardy kórdi, qasiret shekti. Sonyń biri Almaty qalasynda bolǵan jastar kóterilisi.
Bul kóterilistiń sebebin bir jaqty qarap, bir ańyzben túsindirý múmkin emes. Mine, biz búgin tárbıe saǵatymyzdy «Jeltoqsan oqıǵasyna» baılanysty tolǵap, táýelsizdikke óz úlesimizdi qospaqpyz.
- Memlekettik Ánurandy oryndaý.
- Sabaǵymyzdyń taqyryby: «Jarqyrap atqan altyn kún».
Búgingi sabaǵymyzda toptarǵa bóline jumys jasaımyz. Biraq jarys túrinde emes, bir - birimizge oı bólisý maqsatynda dep oılańyzdar.
İ top. «Bilimdiler» toby.
«Birimiz bárimiz úshin, bárimiz birimiz úshin».
İİ top. « İzdenister» toby.
Baq qaıda barasyń, yntymaqqa baramyn.
İİİ top. «Oıshyldar».
Birlik bar jerde, tirlik bar.
Sabaǵymyz negizinen úsh bólimnen turady.
İ bólim.
Jastar kóterilisi. Qandy jeltoqsan.
İİ bólim
Jeltoqsannyń qurbandary.
İİİ bólim.
Táýelsizdik tańy atty!

İ bólim.
- Osy kezde Qazaqstan KSRO - nyń quramyna 15 Odaqtas Respýblıka kirdi. Qazaq mektepteri kún sanap azaıa berdi. Talaı jyl eldi basqaryp kelgen Dinmuhamed Qonaevtyń ornyna orys azamaty Kolbın saılandy. Qazaq azamattary - jas qyzdar men jigitter ashýlanyp, shydaı almaı kóteriliske shyqty.

Oqýshy: - Daýylǵa jeltoqsannyń jeli aınaldy,
Ashýǵa Alataý mindi kári aıbarly.
Kútpegen is aqyry ne boldy dep,
Kúlli álem Almatyǵa qaraı qaldy.

Oqýshy: - Kez emes jaýgershilik «attan» atty,
Alańnyń sherýi emes, saltanatty,
Qytymyr qystyń basy sol bir aıda,
Jeltoqsan jeli álemdi jalt qaratty.

Oqýshy: - Alańǵa qatyspaǵandar da jumysqa ketip, jumystan qaıtyp bara jatqan qazaq jastary da jazalandy. Jeltoqsan oqıǵasy tek Almatyda ǵana emes, mıtıńiler men sherýler úlken qalalardy da qamtydy.
Oqýshy: - Sol kúnderdi esime men kóp alam,
Jeltoqsannyń 17 - si, Top. Alań.
Toǵyshardyń túsine de kirmegen,
Bastaldy bir sumdyq ý - shý, zobalań.
Tapsyrma: İ top. Jeltoqsan oqıǵasy qashan boldy?
İİ top. Nelikten jastar qozǵalysy dep ataldy? Kimder qatysty.
İİİ top. Qozǵalys nemen aıaqtaldy?

İİ bólim. Jeltoqsannyń qurbandary....
- Osy jeltoqsannyń aıazyna qaramastan, kóteriliste eli úshin úzilgen jaýqazyndar, qurbandarynan kimderdi bilesińder?
- Q. Rysqulbekov, E. Sypataev, S. Muhamedjanqyzy, Lázzat Asanova, t. b.
- «Nashaqor» dep, «Ultshyl» dep,
Qazaqqa kúıe jaqqan kún,
Barady ketip bir kúnde,
Qaıǵyǵa halyq batqan kún!

- Jeltoqsan zaman tolǵaǵy baıtaq dalanyń,
Sharpysqan sáti úmit pen kúdik nalanyń.
Jeltoqsan – Qaırat, Lázzat penen Sábıra,
Qurbany bolǵan jalanyń.!
- 1986 jyldyń yzǵarly jeltoqsanynda ult namysyn jyrtyp, alańǵa shyqqandardyń arasynda Lázzat Asanova da bar edi. Chaıkovskıı atyndaǵy mýzyka ýchılıshesiniń 2 – kýrs stýdenti, qarshadaı qyz qaraýlyqtyń qurbanyna aınaldy.
- 10 jyl boldy men jatyrmyn,
Aqjaıyqtyń túbinde
Meni óltirgen tankıst jigit
Tirimisiń búginde?
- Ózin - ózi óltirdi degen Lázzat Asanova men Sábıra Muhanmedjanqyzy sıaqty on eki de bir gúli ashylmaǵan jaýqazyndarymyz batyr apalary Álıa men Mánshúkteı qurmettelsin!
Kórinis: «Túrmede»
- Qaırat Semeı túrmesinde 21 – shi kamerada, 21 jasynda 1988 jyly qaıtys boldy. 1992 jyly qaıtadan aqtalyp shyqty. / 1 mınýt únsizdik/
Oı qozǵaý. Aǵa – apalarymnyń erligi.
Qaırat Rysqulbekov týraly beıneklıp.
Sergitý sáti «Qısyndy oılaý» oıyny.
İ. top
Dápter sýret dápteri
Qalam óshirgish, qaryndash, maıly boıaý, sýretshi.
İİ top:
Mektep oqý orny, mekeme, aǵaı. apaı, dırektor, ustaz,
Bilim berý oqýshy, sabaq. t. b.
İİİ top: qys mýzyka, syrǵanaq, sý, qar, ózen,
kónkı hokeı, bala t. b.

«Syılyqtyń ıesin tap» oıyny.
/ sáıkestendirý testi boıynsha/ sýretshige kómek.
İİİ - bólim Táýelsizdik tańy atty!
tapsyrma
İ – top. Q. Rysqulbekovtyń óleńderinen úzindi oqý.
İİ – top. «Táýelsizdik jolynda» taqyrybyna óleńder quraý.
İİİ – top. Erlik, batyrlyq taqyrybyna maqal - mátelder jazý, aıtý.

- 1992 jyly 17 jeltoqsanda sol jastar alańyna eskertkish - taqta qoıyldy. 17 – jeltoqsan «demokratıalyq jańarý kúni» dep jarıalandy. Qazir ózimizdiń Prezıdentimiz, El rámizderimiz bar. Táýelsiz memleketpiz!
Saryarqa tósindegi - Astana!
(Belgili jerlerdiń sýretterin kórsetý)
Sanańdy synaı bil!
1. Qazaqstan Respýblıkasynyń memlekettik tili.?
a/ qazaq tili á/ arab tili. b/ orys tili
2. Jańa Ánuran qaı kezde shyrqaldy?
a/ 1993 j. 15 qarasha. á/ 1991 j. 16 jeltoqsan. b/ 2006 j. 11 qańtar.
3. Qazaqstan Respýblıkasynyń teńgesi (aqshasy) qashan engizildi?
a/ 1993j. 15 qarasha. á/ 2003j. 25 qazan. b/ 1991j. 16 jeltoqsan.
4. El rámizderin ata.
a/ teńge, tý. á/ Tý, Eltańba, Ánuran. b/ tili. Dini
5. Jańa Ánurannyń sózin jazǵan kimder?
a/ J. Nájimedınov, á/ J. Dáribaeva, b/ Sh. Qaldaıaqov,
N. Nazarbaev. M. Tólebaev. L. Hamıdı.
6. Qazaqstan Respýblıkasy táýelsizdigi qashan jarıalandy?
a/ 1986j. jeltoqsan. á/ 1991j. 16 jeltoqsan. b/ 1996j. 16 jeltoqsan.
án. «Alǵa, qazaq jigitteri» oqýshylar.

Qorytyndy.
Jeltoqsan - jastyq, qazbalap tegin, surama
Janartaý tektes, atylmaı bir kún tura ma?
Osylaı halqym, sozylǵan týra úsh ǵasyr,
Oınalyp bitti drama!