InfoHub Logo

Júrgizýshi: Armysyzdar, ustazdar, oqýshylar, ata - analar, synalǵaly otyrǵan synyptardyń jankúıerleri. Búgingi «Jas ulan» uıymynyń uıymdastyrýymen ótkeli otyrǵan «Úlgili synyp – mektep tiregi» synyp aralyq baıqaýyna qosh keldińizder!
Olaı bolsa kóp sozbaı, saıysymyzdy bastaıyq. Saıysymyzǵa qatysýshylardy, óz synybynyń namysyn qorǵaýshylardy ortaǵa shaqyraıyq!
8 - synyp namysyn qorǵaýshylar.
9 - synyp namysyn qorǵaýshylar.
10 - synyp namysyn qorǵaýshylar.

Saıysymyzdyń qatysýshylaryn sahna tórine shaqyrdyq. Endi kelesi kezek, ádilqazylar alqasymen tanystyrý. Qane, ádilqazy alqasymen tanys bolaıyq.
• Mektep dırektorynyń tárbıe isteri jónindegi orynbasary –
• Mektebimizdiń matematıka pániniń muǵalimi –.
• Mektebimizdiń geografıa - bıologıa pánderiniń muǵalimi –
Minekeı, saıysymyzdyń qatysýshylarymen qatar baǵalaýshy ádilqazylarymen de tanys boldyq. Endeshe, saıysymyzdyń kezeńderimen tanystyryp óteıin.
1 - kezeń. «Sálemi túzý synyp»
2 - kezeń. «Bizdiń synyp – mekteptiń maqtanyshy» slaıd kórsetý
3 - kezeń. «Ónerli órender synyby»
4 - kezeń. «Kóńildi tapqyrlar synyby»
5 - kezeń. «Sheberler synyby»
6 - kezeń. «Ustaz ben shákirt arasyndaǵy keleńsiz oqıǵalar jáne olardy sheshý joldary»
7 - kezeń. Qorytyndy. Marapattaý.

Mine, osy kezeńder boıynsha búgin 8 – 9 – 10 synyp oqýshylary saıysatyn bolady. Al, árbir kezeńniń sharttary saıys barysynda aıtylatyn bolady. Jeńgen synyp: «Jyldyń úlgili synyby» ataǵyn ıelenetin bolady. Olaı bolsa, saıysýshylardyń shyǵý rettik sandaryn anyqtap alyp, sahna tórinen shyǵaryp salamyz.
Alǵashqy kezeńimiz «Sálemi túzý synyp» ıaǵnı sálemdesý. Synyptardyń ózderin tanystyrýyn tamashalańyzdar. Baǵalaý «5» balmen ólshenedi. Olaı bolsa, alǵashqy synypty tamashalańyzdar.
Upaı sanyn anyqtaý.
Kelesi kezeńimiz «Bizdiń synyp – mekteptiń maqtanyshy» dep atalady. Olaı atalý sebebi, saıysýshy synyptar mekteptiń úlgili synyby bolatyn bolsa, onda olar mekteptiń maqtanyshy degendi bildiredi. Bul kezeń synyptarǵa úı tapsyrmasy esebinde berilgen bolatyn. Ereje boıynsha slaıdty synyp atynan 1 oqýshy túsindiredi. Beriletin ýaqyt 1 - 3 mınýt aralyǵy. Slaıd taqyryp boıynsha jan - jaqty órbýi tıis. Baǵalaý «5» baldyq júıemin júrip otyrady. Olaı bolsa... synyptyń slaıdyn tamashalaıyq.
Upaı sanyn anyqtaý.

«Jigitke jeti óner de az», Ónerdi úıren de, jıren», On saýsaǵynan óner tamǵan» maqaldary halqymyzdyń ónerli bolǵanyn bildiredi. Olaı bolsa, «Ónerli órendi synyptardyń» óz ónerlerin tamashalaıyq. Kezeń erejesi: Synyp oqýshylary kez - kelgen janrda «án» nemese «bı» ónerlerin kórsetýi kerek. Olaı bolsa... synyptyń ónerin tamashalaıyq.
Upaı sanyn anyqtaý.
Qaıǵyń – qys, júziń – jaz,
Bolasyń kórseń máz,
Kóńildi tapqyrlar,
Kúldirip alǵa bas, - deı otyryp «Kóńildi tapqyr synyptardyń» KVN ónerlerin tamashalaıyq. Kezeń erejesi: Synyp oqýshylary KVN ıaǵnı ázilge toly «Mektep álemi» taqyrybynda kórinister qurýy tıis. Beriletin ýaqyt 5 - 8 mınýt. Olaı bolsa... synyptyń ázilderin tamashalaıyq.
Upaı sanyn anyqtaý.

Búgingi saıysymyzdyń kezekti kezeńi «Sheberler synyby». Olaı bolsa ár synyptyń óz qoldarynan shyqqan qolóner buıymdaryn tamashalaıyq. Kezeń erejesi: Synyp oqýshylary óz qoldarymen jasaǵan qolóner buıymdaryn jasap, olardyń jasalý jolymen tanystyryp ótýi kerek. Bul bólimde de synyptyń atynan buıymdardy tanystyrýǵa 1 oqýshy shyǵady. Olaı bolsa... synyptyń qolóner buıymdaryn tamashalaıyq.
Upaı sanyn anyqtaý.

Deı otyryp kelesi: «Ustaz ben shákirt arasyndaǵy keleńsiz oqıǵalar jáne olardy sheshý joldary» kezeńimizdi bastaımyz. Kezeń erejesi: Synyp oqýshylary ádilqazylar aldyndaǵy suraqtardyń bireýin tańdap alyp, sol qaǵazda qoıylǵan sıtýasıalyq suraqtarǵa logıkalyq túrde «3» jaýap berýleri tıis. Baǵalaýda «3» baldyq júıemen júredi. Oılanýǵa 1 mınýt ýaqyt beriledi. Olaı bolsa synyptarǵa: İske sát!
Senderdiń synyptaryńa qarama - qarsy kabınette ózderińnen joǵary synyp oqýshylary oqıdy. Senderdiń synyptaryń shyǵarma jazyp ne bolmasa test tapsyryp jatyr. Al, qarsy kabınettegi oqýshylar tym qatty shýlap jatyr. Senderdiń sol sabaqtaǵy is - áreketteriń?
Sáıkes jaýaptar:
• kabınet esigin jaýyp alamyz;
• muǵalimge habarlaımyz;
• qanshalyqty artyq ketse de, ózimizden úlken synypqa dórekilik tanytyp, tynyshtalýyn buıyrmaımyz.

Senderdiń synyptastaryńnyń biri pán muǵalimderimen únemi kelispeı kerisip qala beredi. Onyń aıtýynsha muǵalimder sabaqty tek osy baladan ǵana suraı beredi eken. Sender osy balanyn ornynda bolsańdar ne ister edińder?

Sáıkes jaýaptar:
• Ustazdyń oqýshydan sabaq suraǵany ony bilimdi, bilgish qylyp tárbıeleýinde;
• Ol balanyń ár sabaqqa tyńǵylyqty daıyn bolýyna kómektesemiz;
• Seniń minezińdi osy jaǵdaılarǵa baılanysty shydamdy qylyp ózgertý kerek der edik.

Senderdiń synyp jetekshileriń mektepke endi ǵana kelgen jas maman edi. Áli de synyp jetekshilik tájirıbesi az bolatyn, jetekshilikke ıkemi kelmeıtin. Sender sol synyp jetekshiniń óz ornynan aýysqanyn qalar ma edińder?

Sáıkes jaýaptar:
• Synyp jetekshimizdiń kemshilikteriniń ornyn joqtatýǵa tyrysamyz;
• Ózimiz jol kórsetemiz;
• Synyp jetekshimiz tárbıe saǵattaryn ótkizgende, ashyq sabaqtar ótkizgende onymen tyǵyz ári ashyq pikirlesemiz. Sebebi, oqýshy men jetekshi dos, ana men bala sekildi qarym - qatynastardy tolyq qamtıdy.

Mine bul saıysymyzdan túıer oıymyzdy saralap óteıik. Áıgili ǵalym Leonardo do Vınchıdiń aıtýynsha «Óziniń ustazynan asyp túsýge talpynbaǵan shákirt – beıshara» eken. Muǵalimdi zor tulǵa tutý, onyń qudirettiligin kúnniń sáýlesimen ispettes dep tanyǵan Ýshynskııde óz ustazyn qadir tutqan. Oqýshylar olaı bolsa, qandaı problema bolmasyn muǵalimdi qadirleý, shoq tutý bizdiń basty paryzymyz.
Upaı sanyn anyqtaý.
Qurmetti ádilqazylar, kórermender búgingi saıysymyzdyń aıaqtalǵanyn habarlaımyz. Qatysqandaryńyzǵa kóp - kóp rahmet. Kelesi keshterde kezdeskenshe, saý salamatta bolyńyzdar!