Tengrinews.kz / Marjan Kýandykova
Astanadaǵy órtten úsh balasynan aıyrylǵan áıel esin jıdy
Astanadaǵy páterde bolǵan sumdyq órtten úsh balasynan aıyrylǵan áıel esin jıdy. Biraq áıeldiń jaǵdaıy áli de aýyr kúıinde qalyp otyr.
Bul týraly Infohub.kz aqparat agenttigi habarlaıdy.
Qazirgi ýaqytta naýqas jan saqtaý bóliminde jatyr. Dárigerlerdiń aıtýynsha, onyń jaǵdaıynyń aýyrlaýyna kúıik aýrýy, tynys joldarynyń zaqymdanýy jáne ıntoksıkasıa sebep bolyp otyr.
Dárigerlerdiń málimeti
«Qazirgi ýaqytta pasıent esin jıdy, komandalarǵa jaýap beredi. Barlyq dári-dármek qoldanylyp jatyr. Ókpeni jasandy jeldetý apparatymen tynys alý qamtamasyz etilgen. Júrek jumysy men arterıalyq qan qysymy turaqty», - dedi dáriger-travmatolog Marat Sábirov.
Órttiń sebebi men saldary
Esterińizge sala keteıik, 12 sáýir túnde Astana qalasynda Túrkistan kóshesindegi 21 qabatty turǵyn úıdiń 15-qabatyndaǵy páterde órt shyqty. Páterden úsh balanyń máıiti tabylǵan bolatyn. Órt sóndirýshiler anasyn qutqaryp, kúıik shalǵan áıeldi №1 qalalyq kópbeıindi aýrýhanaǵa jatqyzdy. Ústińgi qabattardan 20 adam, al qalǵandary óz betinshe evakýasıalandy. Astana polısıasy qylmystyq is qozǵalǵanyn habarlady.
-
A significant price gap between new and used cars in Kazakhstan is creating financial risks for banks, impacting loan collateral values.
-
Bangalor qalasynda 42 jastaǵy er adam sal aýrýyna shaldyqqan 72 jastaǵy anasyn úıdiń tórtinshi qabatynan laqtyryp jiberdi degen kúdikke ilindi. Áıel oqıǵa ornynda kóz jumdy.
