InfoHub Logo

Sabaqtyń taqyryby: «Jyly júrek - jaqsy tilek»
Synyby: 3
Sabaqtyń maqsaty: Balalardyń «meıirimdilik», «qaıyrymdylyq» qundylyqtary týraly túsinikterin keńeıtý.
Mindetteri: Bilimdik: jaqsy tilek, izettilik, izgilik týraly túsinikterin qalyptastyrý.
Tárbıeliligi: meıirimdilik, izgilikke tárbıeleý.
Damytýshylyǵy: qaıyrymdy qarym - qatynas jasaý iskerlikterin damytý.
Kórnekilikter: Sabaqtyń dáıek sózi jazylǵan plakat, júreksheler, tarapta paraqtar.
Pán aralyq baılanys: Ana tili, dúnıetaný.
Sabaqtyń tıpi: Jana bilimdi habarlaý sabaǵy.
Sabaqtyń túri: Blok sabaǵy.

Sabaqtyń jospary: İ. Uıymdastyrý kezeńi:
• Sálemdesý, tanysý;
• Qyzyǵýshylyqty oıatý;

İİ. Negizgi bólim:
• Úı tapsyrmasyn tekserý;
• Pikirlesý suraqtary;
• Problemalyq suraq;
• Jana aqparat;
• Oıyn - jattyǵý;
• Mátinmen jumys;
• Sabaqtyń dáıek sózi;
• Tapsyrma;
• Dáptermen jumys;
• Refleksıa;
• Qortyndy.

Sabaqtyń barysy:
Uıymdastyrý kezeńi: Sálemetsizder me, balalar! Kóńil - kúıleriń qalaı?
Búgingi ózin - ózi taný sabaǵyn sendermen men júrgizemin. Sizdermen taǵyda qaıta júzdeskenime qýanyshtymyn.
Qyzyǵýshylyqty oıatý: Búgin sabaǵymyzdy bastamas buryn Ó. Aqylbekov tyń «Ózińdi taný» óleńin birlese aıtaıyq.

Ózińdi taný
Jaqsy bolý - ózińnen,
Jaman bolý - ózińnen.
Ózińdi óziń aıa da,
Óziń úıren ózińnen.
Jaqsylyq kórseń bireýden,
«Men qandaımyn?» dep oıla.
Ózińdi óziń qolyńa al,
Ózińsiń - aqyl aınasy.
Tıedi saǵan máni bar
«Ózińdi taný» paıdasy.
- Balalar, eń aldymen birinshi qadamdy ózimizden bastaýymyz kerek. Ózimiz qandaı bolsaq, ómirde bizge sondaı bolyp kórinedi.

Úı tapsyrmasyn tekserý: Al, endi balalar úıge ne berildi sony anyqtap alaıyq. Úı tapsyrmasyn barlyqtaryń oryndap keldi dep oılaımyn. Sabaq sońynan dápterlerińdi jınap berińder, men úı tapsyrmasyn tekseremin.
Pikirlesý suraqtary: Búgingi sabaǵymyzdyń taqyryby - «Jyly júrek - jaqsy tilek» dep atalady. Osy taqyrypqa baılanysty «Adamdar qaıyrymdylyǵy týraly júrekten shyqqan jyly, jaqsy tilekterin bildirý» jaıy ózderińmen pikirlessem deımin. Ózderińe qoıylǵan suraqtarǵa jaýap berip, belsene qatysyp otyryńdar.