InfoHub Logo

«Kóńildi jańa jyl» erteńgilik
Zal merekege saı bezendirilgen. Jańa jyldyq shyrsha ortada, oryndyqtar sırkti arenaǵa uqsatyp qoıylǵan. Kire beriste sırktik kasa tur. Odan kasırdiń daýysy estiledi.
(úsh kloýn shyǵady)

1. Tyńdańyzdar! Tyńdańyzdar!
Qyzyqtan qur qalmańyzdar!
Qalamyzǵa alǵashqy ret
Balapan elinen sırk kelip tur! – Aqnıet

2. Sırktiń aty «Kúnshýaq»
Shaqyrady barshany,
Jańa jylmen quttyqtap.
Kúlki, qýanysh syılap,
Qarsy alady sizderdi. – Nurbek

3. Úlkender men balalar,
Kelińder, asyǵyńdar.
Sırk kóremin deseńiz,
Bizden bılet alyńyz. – Rýslan

Áýen oınalyp turady. Balalar bılet alyp kontro - ǵa kórsetip, oryndaryna otyrady.

Júrgizýshi:
Sırk - degende qýanamyz bárimiz
Sırk degende shattanamyz bárimiz
Sırk ol kúlki, sırk ol oıyn
Kóteredi kórermenniń kóńilin
Usynysqa qosh keldińiz deımiz biz
Shattanamyz, qýanamyz, kúlemiz
Án aıtamyz, bı bıleımiz, bárimiz
Óıtkeni, biz sırk degende súıemiz.
Quttyqtaý sóz balabaqsha meńgerýshisi Bıbisara Toıymbetqyzyna beremiz.

Kóńildi áýenge eki saıqymazaq Bım jáne Bom júgirip kirip keledi.
Bom: Salamatsyńdar ma, qonaqtar
Bım: Balalar sender sırktik usynys kórgileriń keleme?
Balalar: Iá, keledi.
Bom: Olaı bolsa sırktik arenaǵa qosh keldińizder. Bizde bári daıyn.
Júrg: Bári daıyn bolsa, qane balalar ornymyzdan turyp, «Sırkke biz shaqyramyz» ánin oryndaıyqshy.
Án: Sırkke biz shaqyramyz»
Bım: Jaraısyńdar balalar, sırkti barlyqtaryń tamashalaýǵa daıyn ekensińder.
Bom: Iá, ıá, ıá, durys, Myna ásem shyrshaǵa qarańdarshy. Ne degen ádemi, keremet jasalǵan.
Júrg:
Jasyl shyrsha ortada,
Qaraıdy bári tamsana.
Netken sulý. Netken ásem,
Myna shyrsha óte kórkem.
Shyrshada ortada. Qonaqtarda ortada, kimder jetispeı tur balalar?
Balalar: Aıaz ata men aqshaqar
Bım: Iá, ıá, ortamyzda aıaz atamen aqshaqar jetispeı tur.
Bom: Olaı bolsa aıaz ata men aqshaqardy shaqyraıyq.
Balalar óleńdetip:
Aıaz ata, aıaz ata kel, kel, kel,
Aqshaqardy, aqshaqardy erte kel.
Kelmeseńiz bolmaıdy,
Myna shyrsha janbaıdy.
Aıaz ata men aqshaqar kiredi. Balalarmen sálemdesedi. Qazir endi ortamyzǵa eski jylmen jańa jyldy shaqyramyz.
Júrg: Shyrsha jyry
Hor: Shyrsha jyry
Bım: merekemiz jalǵasady
Sırktik qoıylym bastalady.
Júrg: Olaı bolsa aldaryńyzda gımnastshy qyzdar. Qabyl alyńyzdar. Inabat, Jansaıa, Aıbaný.
Inabat:
Kel bıleıik, úıreneıik,
Ol kelgenshe jańa jyr.
Qutty bolsyn, qutty bolsyn,
Qutty bolsyn jańa jyl.
Aıbaný:
Shyrshaǵa bardyq,
Ásem án saldyq.
Aıaz atadan,
Syılyqtar aldyq.
Jansaıa:
Jańa jyldy, jańa jyldy,
Qarsy alaıyq kóńildi.
Elimizdiń erteńi biz,
Kórkeıteıik ómirdi.
Júrg: Aldaryńyzda mysyqtardyń ónerin tamashalaıyq
Mysyqtardyń bıi. Saıa, Nurıa, Dılnaz.
Dılnaz:
Appaq qylyp dalany,
Appaq qylyp qalany.
Qýantyp balany,
Tórlet, tórlet
Jańa jyl.
Nurıa:
Toǵaıda baýlarda,
Aq kúmis jamyldy.
Dalada, taýlarda,
Ózińdi saǵyndy.
Bom: Bım sen bilesiń be, qazir osy jerge ıaǵnı arenaǵa kim shyǵatynyn?
Bım: Joq bılmeımin
Bom: Qalaı bilmeısiń ol bizdiń aǵylshyn elinen kelgen shákirtterińiz
Bım: Qarsy alyńyzdar ortada kishkentaı kloýndar.
Kloýndar bıi: Aqnıet, Rýslan, Raıymbek, Nurbek
Raıymbek:
Jańa jylda aldaǵy,
Kóńil ósip kóbeısin.
Ortaq oıy armany,
Jaqsy dostar kóbeısin.
Júrg: Aıaz ata siz bilesiz be bizdiń balalarymyzdyń taǵy bir ónerin tamashalańyz.
Hor: Hello good morning
Bım: Al, qazir arenada kóńildi kúshikterdi ortaǵa shaqyramyz.
Kúshikter bıi: Nurshat, Nursultan, Sáýle, Baǵjan, Nurlybı
Nurshat:
Jańa jylym jol bolsyn,
Basqan qadam oń bolsyn.
Tórlet, tórlet jańa jyl,
Bizge qutty jyl bolsyn.
Nursultan:
Jańa jyldyń jas ulany,
Biz shyrshany qarsy alǵan.
Tamashaǵa asyǵady,
Qala, dala án salǵan.
Sáýle:
Jasyl jelek jamylǵan,
Asyl monshaq taǵylǵan.
Mine sulý shyrshamyz,
Kópten kútip saǵynǵan.
Baǵjan:
Jańa jyl, jańa jyl,
Jańa jylǵa jańa jyr.
Jasyl shyrsha janynda,
Bılep barlyq bala júr.
Nurlybı:
Appaq tonǵa oranyp,
Bazarlyq mol alyp.
Keldi alys sapardan,
Aıaz ata oralyp.

Qyzylorda oblysy
Qazaly aýdany Áıteke bı kenti
№ 11 «Balapan» balabaqshasy
«Balapan» tobynyń İİ sanatty tárbıeshisi
Eshmahan Aınur Saqtaǵanqyzy
«Kóńildi jańa jyl» erteńgilik júkteý