InfoHub Logo

2026 jyly sán áleminde jańa trendter paıda boldy. Endi kıim tek ádemilik úshin emes, ózindik mán-maǵynasy bar bolýy kerek. Bul jylda sángerler jarqyn túster men erkin sılýetterdi usynady. Nege biz endi minsizdikke umtylmaımyz jáne podıýmdaǵy trendterdi Astana men Almatynyń kóshelerine qalaı beıimdeýge bolady?

Bul týraly Infohub.kz aqparat agenttigi habarlaıdy.

"Idealdyq" dáýiriniń sońy

Buryn kıimdi "ádemi me, joq pa" dep baǵalasaq, qazir onyń máni mańyzdyraq. Astanalyq stılıs Dara Satjannyń aıtýynsha, adamdar áleýmettik jelilerdegi minsiz beınelerden sharshaǵan.

"2026 jyly sán syrtqy estetıkadan ishki mánge aýysady, biraq ádemilikten bas tartpaıdy. Ádemilik - maqsat emes, tek ózindik pikir bildirýdiń bir túri. Eger buryn beıne "unaıdy/unamaıdy" deńgeıinde baǵalansa, qazir kıim jeke tulǵanyń jalǵasy bolyp tabylady", - dedi ol.

Tústerdiń qaıta oralýy

2026 jyly sán áleminde túster basty orynǵa shyǵady. Stılıstiń aıtýynsha, uzaq ýaqyt boıy tynysh tústerden keıin, sán emosıonaldyqqa bet burady.

"Túster qaıtadan basty orynǵa shyǵyp, beıneniń kóńil-kúıin qalyptastyrady. Saqtyqpen úılesken tústerdiń ornyna batyl, qanyq dýetter men kóp tústi kompozısıalar keledi", - dep túsindirdi ol.

Faktýralar men stılderdiń aralasýy

Daranyń aıtýynsha, búgingi sánde batyldyq tek tústermen ǵana emes, faktýralarmen de kórinedi. Dızaınerler bir tekstýranyń ústemdiginen bas tartyp, ártúrli materıaldardy úılestiredi.

"Dızaınerler qazir ártúrli materıaldardy úılestirýde: meh, krýjevo, bylǵary jáne trıkotaj bir-birimen tamasha úılesedi. Mundaı kontrasttar vızýaldy qyzyqty jáne oılastyrylǵan beıneler jasaıdy", - dep atap ótti stılıs.

2026 jyldyń must-have zattary

Jeke stılıs Alına Togızbaeva 2026 jyly nazar aýdarýǵa turarlyq birneshe zattardy atady. Olardyń keıbiri jeke stılge úılesýi múmkin.

"Gýsarlyq jaket, shyǵys túımeleri bar jaketter, jińishke jibek kóılekter, barrel leg djınsy jáne orta uzyndyqtaǵy ıýbkalar - osy zattar 2026 jyldyń sáninde mańyzdy oryn alady", - dep bólisti Alına.

Aksesýarlar - jańa ortalyq

2026 jyly aksesýarlar beıneniń negizgi elementine aınalady. Olar beıneniń kóńil-kúıin qalyptastyryp, ony tolyqtyrady.

"Aksesýarlar beıneni tolyqtyryp qana qoımaı, ony qalyptastyrady. Úlken kózildirikter, XXL sómkeler, meh sharftar men keń beldikter trendte", - dedi stılıs.