Photo: Alexander Grigorian (https://www.pexels.com/@alex360) / Pexels
Dımash Qudaıbergen jańa halyqaralyq telejobasyn tanystyrdy
Dımash Qudaıbergen óziniń prodúserlik etetin «Voice Beyond Horizon» atty halyqaralyq telejobasynyń bastalatynyn jarıalady. Bul joba álemniń ár túkpirinen kelgen talanttardy biriktirip, úlken sahnaǵa shyǵýǵa múmkindik beredi.
Bul týraly Infohub.kz aqparat agenttigi habarlaıdy.
Jobanyń erekshelikteri
Dımashtyń aıtýynsha, jobaǵa bir kúnniń ishinde 40 myń adam tirkelip, úlken qoldaý tapty. Ánshi óziniń Instagram paraqshasynda bul jańalyqty bólisip, kórermenderge alǵysyn bildirdi.
“Assalaýmaǵaleıkým, aǵaıyn! Bir kúnde baıqaýymyzǵa 40 000 adam tirkeldi — qoldaýlaryńyzǵa myń alǵys! Alǵashqy týrdy bárimiz birge, úlken ekrannan tamashalasaq deımin: kirý tegin. Qaı zal nemese arena yńǵaıly? Usynys qaldyryńyzdar, erteń keshke ornyn habarlaımyz. @voicebeyondhorizon”, - dep jazdy Dımash Qudaıbergen.
Jobanyń kórsetilimi
Halyqaralyq mýzykalyq shoý 5 aqpannan bastap ár beısenbi saǵat 22:00-de Qytaıdaǵy Hunan TV telearnasynda jáne Mango TV onlaın platformasynda kórsetiledi. Qazaqstanda baǵdarlama Qazaqstan ulttyq arnasynan kórsetiledi.
Joba Qazaqstannyń alty óńirinde túsirilip, eldiń tabıǵı sulýlyǵy men týrısik áleýetin álemge tanytýdy maqsat etedi. Qatysýshylar qatarynda Qazaqstan, Qytaı, Qyrǵyzstan, Italıa, Malaızıa jáne Serbıa elderiniń ónerpazdary bar.
-
Taldykorǵanda propan tıelgen eki vagon aýdarylyp, qutqarýshylar oqıǵa ornynda jumys istep jatyr. Gazdyń aǵyp ketýi tirkelmegen.
-
Almatylyq Marlen esimdi qazaq balet sheberi AQSH-taǵy mansabyn qalaı qurǵanyn aıtyp berdi.
