InfoHub Logo

Bilim berý salasy: Qatynas. Áleýmettik sala.
Bilim kózderi: Qorshaǵan dúnıemen tanystyrý.
Taqyryby: Kıiz úı jabdyqtary.
Bólimi: Aınala qorshaǵan orta.
Maqsaty: 1. Kıiz úı jabdyqtarymen tanystyrý.
2. Kıiz úıdi aýa raıynyń qandaı jaǵdaıynda da paıdalanýǵa bolatyndyǵyn, kıiz úı jabdyqtary týraly aıtyp, balalardyń este saqtaı bilý qabiletterin damytý.
3. Atadan - balaǵa mura bolyp kele jatqan ulttyq qundylyqtarymyzdy saqtaýǵa baýlý.
Kórnekiligi: sýretter, oıyndar

İs - áreket satysy
Tárbıeshi is - áreketi
Motıvasıalyq – qozǵaýshy
- Balalar, shattyq sheńberine jınalaıyq! Barlyǵymyz jaqsy kóńil – kúıde bir - birimizge tilegimizdi aıtaıyq! Bir - birimizge kúlkimizdi syılaıyq!

Shattyq sheńberi
Qane, qane, turaıyq,
Úlken sheńber quraıyq.
Tursaq endi sheńberge,
Alaqandy uraıyq.
Oń jaqtaǵy balaǵa,
Sol jaqtaǵy balaǵa,
Shapalaqta shapalaq. (2 ret)

Sanamaq aıtý.
Bir degenim – baqan,
Aǵashty shapqan atam.
Eki degenim – esik,
Kózderi bar tesik.
Úsh degenim – úzik,
Dódege basqan tizip.
Tórt degenim – túndik,
Túndikti ońnan túrdik.
Bes degenim – basqur,
Kerege basyn bastyr.

Suraq – jaýap.
- Biz ne týraly sanamaq aıttyq?

- Kıiz úı jabdyqtaryn aıtaıyqshy.
- Durys aıtasyńdar, balalar! Kıiz úı – kerege, ýyq, shańyraqtan – turady.
- Olardy bir sózben ne dep ataıdy?

Uıymdastyrýshylyq - izdenýshilik
Maqal – mátel.
- Sonda balalar, úıdiń kórki ne eken?
- Durys aıtasyńdar, sandyq. Olaı bolsa qazir biz sandyq oıynyn oınaımyz.
Balalardy berilgen tapsyrmany oılana otyryp sheshýde tapqyrlyqqa, shapshańdyqqa baýlý. Oıyn shartyn túsinip, ondaǵy maqal - mátel, jumbaq, jańyltpashtardy durys, anyq aıtýǵa úıretý. Sózdik qoryn molaıtyp, tapsyrmany oryndaýda dostyq, joldastyqqa tárbıeleý.
Sandyq, túrli tústi asyqtar, tapsyrmalar jazylǵan hatqalta.
Oıyn sharty:
Qyzyl, jasyl, sary túske boıalǵan asyqtar sandyq ishinde jatady. Ártúrli tapsyrmalar bolady.
Jasyl asyq alǵan bala jumbaq jasyrady, sheshkizedi.
Sary asyq alǵan bala maqal - mátel aıtady.
Qyzyl asyq alǵan bala taqpaq, óleń oqıdy.