InfoHub Logo

7 - synyp
«Úshburysh» álemine saıahat

Maqsaty: 1. Úshburyshtyń qasıetterin qoldanyp, úshburyshtardy toptastyra bilý;
2. Usynǵan algorıtmdi qoldanyp zertteý jumystaryn júrgizý qabiletterin arttyrý;
3. Geometrıalyq ıntýısıalaryn damytý, pánge degen qyzyǵýshylyǵyn arttyrý.
Kórnekiligi: kompúter, ınteraktıvti taqta, túrli - tústi taıaqshalar, úlestirmeli materıal.

Sabaq jospary: 1. Uıymdastyrý kezeńi. (2 mın)
2. Jańa sabaqty qabyldaýǵa daıyndyq. (3 mın)
3. Praktıkalyq tapsyrma (zertteý jumysy) (15 mın)
4. Bilimderin bekitý kezeńi.(12 mın)
5. Úı jumysy. (3 mın)
6. Qorytyndy.(3 mın)
7. Refleksıa. (4 mın)
8. Rezerv.(3 mın)

İ. Uıymdastyrý.
Sabaqtyń taqyryby jáne maqsattarymen tanystyrý.
Muǵalim: Biz búgin «Úshburyshtar» álemine saıahat jasaımyz. Bul álemde óziniń «trıangl» degen valútasy bar eken. Sender árbir durys jaýap úshin 1 trıangl alasyńdar. Sabaq sońynda kim 7 trıangl jınasa sol oqýshy «óte jaqsy» degen baǵaǵa ıe bolady. Toptarǵa bólinip saıahatqa attanamyz. Ol úshin qysqasha suraq - jaýap ótkizeıik.

İİ. Jańa sabaqty qabyldaýǵa daıyndyq.
♦ Ótken sabaqta biz qandaı fıgýra týraly sóılestik?
(Úshburysh) Slaıd №1
♦ Qandaı qasıetteri boıynsha úshburyshtar toptarǵa bólinedi? (buryshtaryna qatysty)
♦ Osy topqa qandaı úshburyshtar kiredi? (tik buryshty, súıir buryshty, doǵal buryshty)

Úshburyshtar buryshyna qatysty
↓
● doǵal buryshty
● súıir buryshty
● tik buryshty

♦ Qandaı úshburyshty tikburyshty úshburysh dep ataımyz? (eger bir buryshy tik bolsa)
♦ Qandaı úshburyshty doǵal buryshty úshburysh dep ataımyz? (eger bir buryshy doǵal bolsa)
♦ Qandaı úshburyshty súıir buryshty úshburysh dep ataımyz? (eger barlyq buryshtary súıir bolsa)

İİİ. Praktıkalyq tapsyrma (zertteý jumysy).
- Úshburyshtardyń ekinshi tobymen tanys bolaıyq.
Senderdiń aldaryńda ártúrli úshburyshtary salynǵan kartochkalar.

- Myna algorıtmdi oryndańdar:
1. Bir kartochkany al.
2. Úshburyshtyń qabyrǵalaryn ólshe.
3. Ólshemderin dápterge jaz.
4. Barlyq úshburyshtarǵa 1 - 3 komandalardy orynda.
5. Qorytyndy jasa. Qyzyqty ne kórdiń?
- Osy úshburyshtardyń attaryn atap kóreıik?
1. Barlyq qabyrǵalary teń úshburyshtardy qalaı ataýǵa bolady? (teńqabyrǵaly)
2. Qabyrǵalary ártúrli úshburyshtardy qalaı ataýǵa bolady? (ártúrli qabyrǵaly)
3. Eki qabyrǵasy teń úshburyshty qalaı ataýǵa bolady? (teńbúıirli)