InfoHub Logo

Qazaq tili
Sabaqtyń taqyryby: Mátin
Sabaqtyń maqsaty:
1. Mátin týraly túsinik berý. Jeke sóılemder men mátindi bir-birinen ajyrata bilýge úıretý. Mátinniń taqyryby men ondaǵy negizgi oıdy anyqtatý.
2. Jańa tehnologıa elementterin paıdalana otyryp, qyzyǵýshylyq, shyǵarmashylyq qabiletin damytý.
3. Ózara yntymaqtastyqqa qaıyrymdylyqqa, jyldamdyqqa, alǵyrlyqqa tárbıeleý.
Sabaqtyń kórnekiligi: sújetti sýret, slaıd
Sabaqtyń túri: saıahat sabaq
Sabaqtyń ádisi: túsindirý, suraq-jaýap, oı qozǵaý, taldaý.
Pánaralyq baılanys: ana tili, matematıka

Sabaqtyń barysy:

İ Uıymdastyrý
a) sálemdesý
á) túgendeý
b) oqýshylardyń nazaryn sabaqqa aýdarý
v) psıhologıalyq daıyndyq
İİ Úı tapsyrmasyn tekserý
154-jattyǵý

İİİ Ótkendi pysyqtaý
«Qyzyl telpek» ertegisine saıahat. Qasqyrdyń tapsyrmasyn oryndaý. Sandardyń ornalasý retin anyqtap, suraqtarǵa jaýap berý.
İV Jańa sabaq
«Maqta qyz» ertegisine saıahat. Maqta qyzdyń tapsyrmasy arqyly jańa sabaqtyń taqyrybyn ashý.
Shıfrogramma
32 (3ond 2birl )- maımyl M
h-4=5 (teńdeý) – átesh Á
36-6 (sandy órnek, mánin tabý) tyshqan T
1 saǵ=? mın (60 mın) túlki İ
1 dm=? sm (10 sm) qoıan N

Jańa sabaqtyń maqsatyn habarlaý. 156-jattyǵý arqyly jańa sabaqty túsindirý. Birinshi jáne ekinshi baǵandaǵy sóılemder bir-birimen salystyrylyp oqylady.
- Birinshi baǵandaǵy sóılemder kim, ne týraly?
- Ara, oqýshy, apa týraly.
- Ekinshi baǵandaǵy she?
- Ara týraly.
- Ekinshi baǵandaǵy sóılemderdiń ornyn aýystyryp kóreıikshi. «Baldy omartaǵa jınaıdy. Ol gúl shyrynymen qorektenedi», - dep, sóılemderdiń ornyn aýystyrsaq, áńgimeniń ne týraly aıtylyp turǵanyn bilemiz be?
- Joq. Áńgime ne týraly ekendigi belgisiz.
- Endeshe, ekinshi baǵandaǵy sóılemder bir-birimen ózara baılanysta qurylǵan. Úsh sóılem de bir ǵana ara týraly. Ol sóılemderdiń ornyn aýystyrýǵa bolmaıdy. Mundaı ózara baılanysty sóılemderdiń tobyn mátin deımiz. Mátinniń taqyryby bolady. Mátinge at qoıýǵa bolady.

V Oqýlyqpen jumys
«Baýyrsaq» ertegisine saıahat. Túlkiniń tapsyrmasyn oryndaý. 157-jattyǵýdy oryndaý. Toppen jumys júrgizý. Ár qatarǵa mátindi bólip oqytý, taldatý. Toptastyrý strategıasy boıynsha buǵyǵa qysqasha sıpattama berý.
Buǵy

Vİ Sergitý sáti
Vİİ Dáptermen jumys
«Shalqan» ertegisine saıahat. 158-jattyǵýdy oryndaý arqyly ertegidegi shalqandy julýǵa kómektesý barysynda shyǵarmashylyq jumys júrgizý. Sýretke qarap áńgime qurastyrý. Áńgimege at qoıý.

Vİİİ Sabaqty bekitý
«Kún, Aı jáne Átesh» ertegisine saıahat. Testpen jumys.
1. Mátin degenimiz ne?
A) Uzaq bir sóılemdi mátin deımiz.
Á) Eki ne odan da kóp ózara baılanysqan sóılem.
2. Mátinge ne qoıýǵa bolady?
A) útir
Á) at
3. Mátinge at qoıyńdar.
Barys - óte saq jáne epti jyrtqysh. Túsi kókshil sur, qara teńbildi shubar bolady. Barys kóbinese basyn máńgi qar basqan bıik taýlarda mekendeıdi.
A) barys
Á) taý
4. Mátinniń taqyryby bola ma?
A) bolady
Á) bolmaıdy
Juptyq jumys. Oqýshylar test kiltterine qarap otyryp bir-biriniń jaýaptaryn tekseredi.
Testtiń kilti.
1. Á
2. Á
3. A
4. A
İX Oqýshylardy baǵalaý.
Oqýshylardy jınaǵan upaı sanyna qaraı baǵalap shyǵý.

X Qorytyndy.
- Balalar, biz qaı elge saıahat jasadyq? Ol elderden ne úırendik, ne bildik?
Xİ Úıge tapsyrma
«Qysqy oıyn» taqyrybyna áńgime jazyp kelý