InfoHub Logo

Astanadaǵy jýrnalıser aleıasynda ornalasqan qazaq ádebıetiniń úsh alyp tulǵasy – Sáken Seıfýllın, Beıimbet Maılın jáne İlıas Jansúgirovtiń músinderine jas qyzdardyń biriniń «mingeni» jelide qyzý talqyǵa tústi.

Bul týraly Infohub.kz aqparat agenttigi habarlaıdy.

Oqıǵa kýási bolǵan jýrnalıs Dúısenáli Álimaqynnyń aıtýynsha, jas qyzdardyń biri Beıimbet Maılınniń músininiń moınyna shyǵyp, aıaqtaryn salaqtatqan.

Ádepsizdik pen nadandyq

Jýrnalıs jastardyń bul áreketin vıdeoǵa túsirip, áleýmettik jelide bólisken. Ol óz jazbasynda: «Qalamgerler aleıasynda demalyp otyr edim. Kenetten mynadaı keleńsiz iske kýáger boldym. Ashý qysyp qasyna jetip baryp «bul tulǵalardyń kim ekenin bilesińder me?» desem, kózderi adyraıyp, «chto, chto» deýden ary aspady. Esh uıalý, keshirim suraý joq. Bul basyný ma álde nadandyq pa?» dep jazdy.

Beınejazba jelide taraǵannan keıin kópshilik qyzdardyń áreketin qatty synǵa alyp, olarǵa tıisti shara qoldanýdy talap etti. Jeli qoldanýshylary muny qazaq halqynyń mádenıeti men tarıhyna kórsetilgen qurmetsizdik dep baǵalady.

Quqyq qorǵaý organdaryna júginý

Astana qalalyq polısıa departamentiniń baspasóz qyzmeti bul jaǵdaıǵa qatysty pikir bildirýge ýáde berdi. Oqıǵanyń mán-jaıy anyqtalyp, kináliler jaýapqa tartylýy múmkin.

Bul oqıǵa qoǵamda mádenı qundylyqtardy dáripteý men jastar arasynda rýhanı tárbıe máselesin qaıta kóterdi.