InfoHub Logo

Sabaqtyń taqyryby: «Mýzyka jáne tabıǵattyń kóńil kúıi»
«Saryarqa». Qurmanǵazy – tyńdaý.
«Keń dala». I. Núsipbaev – úırený.
Sabaqtyń maqsaty: Jańa taqyrypty meńgerýge qajetti daǵdy deńgeıin anyqtaý. Mýzykalyq shyǵarmalar negizinde qorshaǵan orta, tabıǵat týraly oı - pikirin anyqtaý. Balalardy ádemilikke, ásemdikke, tabıǵatty qorǵaýǵa tárbıeleý.
Sabaqtyń mindeti:
1. Mýzykanyń mazmunyn túsinýge, qorytyndy jasaýǵa baǵyttaý.
2. Mýzykalyq saýattylyqtaryn arttyrý.
3. Týǵan jerdiń, elimizdiń keńdigin, sulý tabıǵatyn, baıtaq dalasyn, bıik taýlaryn, móldir sýlaryn bala júregimen sezip, ony tanyp bilýge, qadirleýge, aıalaýǵa tárbıeleý, baýlý.
Sabaqtyń barysy: Oqýlyqpen jumys:
«Mýzyka jáne tabıǵattyń kóńil kúıi» taqyryby oqylady.
Taqyryp mazmunyna sáıkes beıneli kartınalar kórsetip, Chaıkovskııdiń «Jyl mezgilderi» shyǵarmasynan úzindiler tyńdaýǵa bolady.
Taqtada ilýli turǵan tabıǵattyń kórinisi, alma baǵy, bıik taý, aǵyp jatqan ózen, tórt túliktiń sýretteri, dalada jumys istep júrgen adamdar, t. b. túrli tústi sýret boıynsha balalar oılaryn ortaǵa salady.

Qurmanǵazy Saǵyrbaıuly – qazaqtyń kúıshi kompozıtory, aspaptyq mýzykanyń (kúıdiń) klassıgi. Qurmanǵazynyń búkil ómiri men óneri áleýmettik ádiletsizdik pen qanaýshylyqqa, ozbyrlyqqa qarsy kúres jolynda ótti. Bı - bolystar men baılardyń qýdalaýy, túrmege qamatýy Qurmanǵazyny qajyta almady. Dombyrasyn qarý etip, qıyndyqtarǵa qarsy kúresti.
Mýzyka tyńdaý: Qurmanǵazynyń «Saryarqasy» tek kúı formasynyń sheginde qalyp qoımaıtyn shyǵarma. Oı jaı ǵana keń de jazyq dalanyń sýreti emes. «Saryarqa» - erkindik izdegeni halyqtyń jan dúnıesi, tulǵasy. Tyńdaǵan bette kóz aldyńa qazaqtyń sary dalasy, shejiresi, tarıhy, qazaq ultynyń ómiri, tirshiligi keledi.
Suraqtarǵa jaýap berý:
- «Saryarqa» kúıin buryn estidiń be?
- Kúıdi tyńdaǵanda qandaı áser aldyń?
Daýys jattyǵýy:
Daýys jattyǵýy kezinde dıksıa taza bolý úshin, daýysty dybystardy sozyp aıtýdy, kerisinshe, daýyssyz dybystardy barynsha qysqa oryndaýdy talap etý kerek.
Án balalardyń úırenýine jeńil, daýys dıapazonyna laıyq jazylǵan, ádemi kúıler tyńdaǵannan keıin, ándi úırený balalarǵa qıyndyq týǵyzbaıdy.
Án úırený: I. Núsipbaevtyń «Keń dala» áni kóńildi, sergek, shat sezimmen oryndalady. Ánniń mazmuny qarapaıym sózdermen jazylǵan, balaǵa úırenýge, jattaýǵa jeńil. Oqýlyqtaǵy sýret boıynsha áńgime uıymdastyryp, oqýshylarǵa týǵan aýylyn, onyń ásem tabıǵatyn, jasyl jaılaýyn eske túsirip, ony ánmen jetkizýge yntalandyramyz. Ánniń yrǵaǵyn oqýlyqta berilgen sýret boıynsha, aspaptardy uryp oınatyp, is - qımylmen sabaqqa baýlı alsaq, ol eki arada baılanys damı túsedi. Sondyqtan súıemeldeýsiz, ózine yńǵaıly daýys máneri men qımyldy ózderi oılap tabady.
«Oıqozǵaý» suraq - jaýap saıysy.
1. Án saǵan unady ma?
2. Án qalaı oryndaldy?
3. Sen jazda aýylǵa ata - ájeńe qydyryp bardyń ba?
4. Seniń kóńil kúıiń qalaı boldy?
5. Sýretke qandaı at qoıar ediń?
Sergitý sáti:
Qozǵalyssyz ómir joq.
Bı súımeıtin bala joq.
«Saryarqa» kúıine «Jorǵa» bıi.
Shyǵarmashylyq jumys:
Mýzyka tyńdaı otyryp, tabıǵat beınesin sýretteý.
Sabaq sońynda kóńildi mýzyka oınatyp qoıyp, ózderiniń qalaýy boıynsha ártúrli gúldiń sýretin salǵyzamyz. Oqýshylardyń salǵan sýretteri baǵalanyp, oıqozǵaý suraqtary qoıylady.
Qorytý:
Mýzykalyq shyǵarmanyń mazmuny boıynsha jumys.
- Sýretke neniń beınesin saldyń?
- Tabıǵat beınesin qandaı boıaýlarmen boıadyń?
- Sýret salýǵa mýzyka qalaı áser etti?
- Tabıǵat týraly mýzyka qandaı bolýy kerek?
- Tabıǵat pen mýzykany bólip tastaýǵa bola ma?