InfoHub Logo

Sabaqtyń taqyryby: Ómir qymbatsyń sen maǵan!
Sabaqtyń maqsaty:
1. Ómirge degen beıimdilik, tabandylyq qarym - qatynasta bolýyn qalyptastyrý, ómirdiń qundylyǵyn sezindirý.
2. Túrli máseleler týraly psıhologıalyq bilim berý, olardyń aldyn alý.
3. Bir - birimen qarym - qatynas mashyǵyn qalyptastyrý.
4. Qaıyrymdylyqqa, bilimdilikke, adamgershilikke tárbıeleý.
Mindetteri:
- ómir jolynyń, óz aldyna qoıǵan ómirlik maqsat - murattary men jalpy adamgershilik qundylyqtardyń adam ómirindegi mańyzy týraly túsinik berý;
- oqýshylardy óz ómiriniń mánin túsine bilýge, rýhanı ósýge jáne jaqsy men jamannyń ara-jigin ajyrata otyryp, ómirlik aıqyndamasyn belgileı bilýge úıretý;
- oqýshylardy óz ómirine, óz sózi, oıy jáne áreketine muqıat bolýǵa tárbıeleý.
Sabaqtyń barysy:
Bir - birimizge degen meıirimmen, jyly sezimderimizdi oıatý úshin, jaqsylap bir erekshe amandasyp alaıyqshy.
Amandasý túrleri
Ol úshin, synyptyń ishin erkin aralap júremiz. « Bir - birlerińe jaqyndańdar» degende ózderińe jup tabasyzdar. Sodan keıin men, sizderge tapsyrma beremin. Bastaıyq!
Endi, bir - birlerińe qol almasyńdar, jaqyndasyńdar - aıaq - aıaǵymyzdy, qol qoldarymyzben, ıyq - ıyqtaryńyzben, bet - betterińizben, muryn - muryndaryńyzben amandastyramyz. (jaqsy, óte tamasha!)
Endeshe, osy jaqsy kóńil - kúıimizben ornymyzǵa jaıǵasaıyq.
Olaı bolsa, men búgingi sabaǵymdy Tumanbaı Moldaǵalıev aǵamyzdyń óleńimen ashqym kelip otyr. Al, sizderdiń mindetterińiz osy óleńde aqyn aǵamyz ne jaıly jyrlaǵan muqıat tyńdaý.
Adam kúlip qarsy alady tań nuryn,
Adam jyrlap jóneltedi ár kúnin.
Sál qaıǵyrsa, ol uǵyna túsedi,
Dúnıeniń keńdigi men tarlyǵyn.
Adam kúlip qarsy alady tań nuryn,
Adam jyrlap uzartady ár kúnin.
Sál qýansa, shyǵarady ol esten,
Dúnıeniń keńdigi men tarlyǵyn.
Osy óleńde ne jaıly jyrlaǵan?
Árıne, ómir jaıynda. Endeshe búgingi bizdiń sabaǵymyzdyń taqyryby «Ómir qymbatsyń sen maǵan!»- dep atalady. Sizder jaqsy ornalasqan ekensizder, endeshe 2 topqa bólineıik:
1) Ómir 2) Baqyt
Suraq:
Al, balalar «ómir» degen sózdi qalaı túsinesińder?
Ómirdiń máni nede?
Ómir adamǵa nesimen qymbat?
Al, baqytty qalaı túsinemiz?
Baqyt adamǵa ne úshin kerek?
Baqytqa jetý úshin adamǵa ne isteý kerek dep oılaısyńdar?
Qandaı adamdy «Basyna baq qonǵan» dep aıta alamyz?
«Ómir» men «Baqyttyń» aıyrmashylyǵy nede?
Endeshe sizder qalaı oılaısyzdar, jalpy baqytty dúkennen satyp alýǵa bola ma?
- Elestetińizdershi, búgin bizdiń dúkenge baqytty ákelipti. Ol bir qorapqa salynǵan.
- Ol qoraptyń syrt pishini, ıaǵnı túsi qandaı dep oılaısyńdar?
- Baqyttyń ıisi qandaı?
- Ol jyly ma, álde salqyn ba?
- Baqyttyń dybysy qandaı?
- Baqytty adamdy qalaı tanısyńdar?
- Ózderińiz qandaı ýaqytta baqytty bolasyńdar? Ol úshin ne kerek?
- Olaı bolsa, taqtaǵa qarap, oılanyńdar. Baqytty bolý úshin eń aldymen ne qajet?
Aqsha
Baqyt - Kompúter
Tátti kámpıt
Túsinýshilik
Baqyt árkimniń ózine, ómir súrgen ortasyna, jaǵdaıyna baılanysty.
Baqyt degenimiz - ómirdi óz ornynda, óz qalpynda shamasy kelgenshe úlgili ómir súrý, adal bolý, maıdalyqtan, ishtarlyqtan qashyq bolý. Ómirdiń kedir - budyr jerleri tolyp jatyr. Olar ár adym saıyn ushyrasady. Olardy ımenbeý, jasqanbaý, azamattyq mindetin adal atqarý men ar - namysty qorǵaý - ol da baqyttyń bir shyńy. Eshteńege moıymaı, ózińe senimdi bolsań, mine sol baqyt. Qıyndyqty jeńsen - baqyt.
«Baqyt»- ol adamnyń ishki dúnıesine baılanysty. Keıbir adamdar, baqytty tátti shokolad jep te sezinedi. Al, keıbireýleri sportpen shuǵyldanyp sezinedi. Ár adam ózine unaıtyn ispen shuǵyldansa, sonda baqytty bolady.
Olaı bolsa, óte jaqsy balalar. Ómir men baqyt jaıynda jaqsy biledi ekensińder. Olaı bolsa, bizge eki jasóspirim óz qıyndyqtarymen bóliskisi keledi eken, solardy tyńdap óz aqylymyzdy qosaıyq.
Qandaı keńes aıtasyńdar?
Ózim: Adam ózge turmaq, ózinen jasyrar oıy bolady. Árkimniń óz tilegi ózinde, qaıǵysy da qabyrǵasynyń astynda. Biraq adamnyń eń basty qasıetiniń ózi - týǵan kúninen bastap jalǵyzdyqpen kúresip, arpalysýy, izdenýi bolmaq. Áıtpese shyn mánindegi jalǵyzdyq túpsiz qara túnek, shyńyraý, aýyr júk. Sondyqtan adam balasy týa salyp aıqaılap jylap, qasyna adam jınaıdy, anasyn izdeıdi. Dos izdeıdi. Mahabbat izdeıdi. Qoǵamnan óz ornyn, tirshiliktiń maqsatyn izdeıdi. Ómirdiń ózi aq pen qaradan, aýyr men jeńilden turady. Barlyq qıyndyqty jeńsek - ómirdiń máni, adamnyń ulylyǵy bolmaq.
Endeshe, osy eki jasóspirim bizdiń keńesimizdi tyńdap, jaqsy maqsat qoıyp, ómirleri mándi de, maǵynaly bolady degen oıdamyz.
Balalar, bizdiń aqyn aǵalarymyz, qazirgi jas aqyndar osy «Ómir» men «Baqyt» jaıynda kóp jyrlaǵan. Qanekeı, kim bizge óleń shýmaqtaryn oqyp beredi?
Oqýshylar óz óleńderin oqıdy.
Múmkin óz oılaryńyzdy, gazet betine túsirersizder. Eki top óz gazetterin sýrettep nemese óz oılaryńdy jaqsylap óleń shýmaqtarymen keltiresizder me, erik ózderińde.
Ár top óz jasaǵan jumystaryn basqalarymyzǵa túsinikti bolý úshin taldap aıtyp berýlerińiz qajet.
Al, endi, olaı bolsa, biz sizdermen mynandaı oıyn oınap jibersek qalaı qaraısyzdar?
Oıyn «Túsin meni»
Maqsaty: bir oqýshy jazylǵan paraqtaǵy sózdi ymmen túsindiredi, al qalǵan oqýshy sony tabý kerek.

Baqyt óleńi oqylady. Kompúterden
Mine, ómir, baqyt degenniń ne ekenin manadan taldadyq olaı bolsa sizderdiń osydan ne túıgenderińizdi tyńdaǵym kelip tur.
Balalardyń oılaryn ashyq aıtýy.
Uran:
1 top. Biz ómirdi súıemiz!
2. top. Baqytty ómir súremiz!
Barlyǵy qosylyp. Biz bárimiz birgemiz!
Júrekten - júrekke. Bir - birlerine tilek aıtady
Búgingi sabaǵymdy qorytyndylaı kelgende: Bizden asqan baqytty jan joq ekenine kózimiz jetti. Sizder qalaı oılaısyzdar?
Biz baqyttymyz, sebebi biz táýelsiz memlekette ómir súremiz.
Qorytyndy: