instagram.com/pavlov_pablo_/
«Men – qazaqpyn»: Jeńiske jetken boksshy qarsylasyna ulttyq ereksheligin eskertti
Qazaqstandyq boksshy Evgenıı Pavlov AQSH-tan kelgen qarsylasy Antonıo Danton El-mladshıımen bolǵan dıalogyn jarıalady. Onda ol óziniń ultyn qatelesken amerıkalyqqa durystap aıtty.
Bul týraly Infohub.kz aqparat agenttigi habarlaıdy.
Evgenıı Pavlov pen Antonıo Eldiń jekpe-jegi Baltımorda (AQSH) ótti. Alty raýndqa sozylǵan kezdesýde qazaqstandyq boksshy upaı sanymen basymdylyq tanytyp, jeńiske jetti. Alaıda, jekpe-jekten keıin jeńilgen amerıkalyq áleýmettik jelide ázildep jazǵan post jarıalap, oǵan Pavlovtyń jaýaby qysqa ári nusqa boldy.
Qarsylasynyń qateligin túzetti
Antonıo El jeńilisten keıin óziniń Instagram paraqshasynda: «Men shynymen bir oryspen judyryqtastym, biraq ólgen joqpyn», - dep jazdy. Buǵan Evgenıı Pavlov: «Men orys emespin. Men – qazaqpyn, baýyrym», - dep jaýap berdi. Amerıkalyq boksshy dereý qateligin moıyndap: «O, keshirińiz, dostym», - dep jaýap qaıtardy.
Aıta keteıik, 26 jastaǵy qazaqstandyq boksshy 2020 jyly kásipqoı bokstaǵy mansabyn bastaǵan. Osy ýaqytqa deıin ol qatarynan 11 ret jeńiske jetken, onyń segizi merziminen buryn nokaýtpen aıaqtalǵan.
Qyzyǵy, El-mladshıımen kezdesýge deıin Pavlov úsh jyldan astam ýaqyt boıy rıngke shyqpaǵan.
-
Atyraýda blogerler Erbolat Janabylov pen Elmıra Tólegenovaǵa qatysty sot úkimi jarıalandy. Erbolat Janabylov eki jylǵa shartty túrde bas bostandyǵynan aıyrylsa, áıeliniń jazasy eki jylǵa keıinge shegerildi.
-
Qazgıdromet mamandary 28-30 sáýirge arnalǵan aýa raıy boljamyn jarıalady. Eldiń keıbir aımaqtarynda jańbyr men naızaǵaı, al basqalarynda kún kúrt jylynady.
