InfoHub Logo

Astanada belgili bloger Erbolat Janabylovqa qatysty sot úkimi jarıalandy. Sot otyrysynda sýdıa Ádilbek Baımahanov blogerdi kináli dep tanyp, oǵan shartty túrde 2 jyl bas bostandyǵynan aıyrý jazasyn kesti. Sonymen qatar, onyń múlki tárkilendi.

Bul týraly Infohub.kz aqparat agenttigi habarlaıdy.

Janabylovtardyń isi: Ne boldy?

Erbolat Janabylov pen onyń áıeli Elmıra Tólegenovaǵa «Zańsyz kásipkerlik» jáne «Qylmystyq jolmen alynǵan aqshany nemese ózge de múlikti zańdastyrý» baptary boıynsha aıyp taǵylǵan edi. Bastapqyda prokýror ekeýine de 4 jyldan bas bostandyǵynan aıyrýdy suraǵan bolatyn. Alaıda, keıinnen aıyptaýshy tarap kelisimge kelip, jeńildetilgen jaza taǵaıyndaýdy usyndy.

Áıeline de jaza kesildi

Elmıra Tólegenovaǵa da 2 jyl bas bostandyǵynan aıyrý jazasy kesildi. Alaıda, onyń kishi jastaǵy balalary bar ekeni eskerilip, jazany óteý merzimi 2 jylǵa keıinge shegerildi. Bul onyń jazasy naqty bolyp qalatynyn, biraq dereý kolonıaǵa jiberilmeıtinin bildiredi.

Sot prosesi qalaı ótti?

İs boıynsha sot otyrysy 16 naýryzda Astanada bastaldy. Janabylovtar jubaıy jýrnalıserdiń sot zalynda sýretke túsirýine jáne beınejazba jasaýyna qarsylyq bildirgen. Blogerlerdiń advokaty isti prokýrorǵa qaıtarý týraly ótinishhat bergenimen, sot ony qanaǵattandyrmady. Tergeý málimetteri boıynsha, blogerlerdiń jobalaryna jalpy somasy 247 mıllıon teńgeden astam qarajat túsken.