InfoHub Logo

Aýzymen qus tistegen, tilimen túıin túıgen, oraq tildi Ómirbaı babamyz 1768 jyly Jalaǵash aýdanyna qarasty Aqshyǵanaq eldi mekeninde dúnıege kelipti. Baıqon bı: "Balań oı men tilge baı bolar, úsh júzge dańqy jeter, bul baǵy ózimen keter” degendeı, kezinde Ómirbaı úsh júzge tanymal tekti tulǵa bolǵan. Ol el basyna kún týǵan shaqta elshilik jasaǵan, aǵaıyn arasyndaǵy daý-janjalǵa tórelik aıtyp, el-halyqtyń birligine etene aralasqan. Ómirbaıdyń segiz jasar kezi bolsa kerek. Kezindegi Aqshyǵanaq aýylyndaǵy bir kisiniń balasy turmaı, shetineı bergen soń aýyl aqsaqaldaryn jınap as beredi. As ishilip bolǵan soń úı ıeleri aqsaqaldardan bata suraıdy. Úlkender jaǵy bir-birine silteme jasap, bata bere almasa kerek. Sonda esik tabaldyryǵyna taıaý turǵan Ómirbaı bala: "Úlken kisiler jańyldy, jańylmasa, ne qyldy. Tórden izdegen batańyz, bosaǵadan tabyldy. Osy bergen qudaıyń, Haqtan bolsyn qabyldy, Qudaı ashsyn baǵyńdy, aýmın” deıdi ǵoı. Balanyń batasynan keıin álgi kisini Qudaı qoldap, perzentti bolypty. Osydan keıin-aq Ómirbaıdyń tasy taýǵa órlep, el-halyqqa tanyla bastaıdy.

Zamanynda Kenesary han batyr Baıqadam men shálkem-shalys kelip, zyndanǵa saldyrady. Sonda Kenesaryǵa elshilikke Ómirbaı kelipti. Aımaqqa aty málim — Ómirbaıdy Kenesary qushaq jaıa qarsy alyp, barlyq jón-joralǵyny jasaıdy. Dastarqanǵa as kelip, Ómirbaı bıge bas tartylyp jatqanda ol tabaqshylarǵa "qoıa tur” degendeı ıshara jasap:

— Keneke, dańqyń alty Alashqa tanymal qol bastaǵan batyrsyń, el bastaǵan kósemsiń. Ata saltymyzda aǵanyń aldyna túskendi kórip pe ediń? Men aǵam Baıqadam turǵanda bas ustamaımyn, — degen eken.

Ataly sózge toqtaǵan Kenesary han Baıqadam batyrdy zyndannan aldyryp, Ómirbaı sheshenmen tabystyrǵan kórinedi.

Oqýǵa keńes beremiz:

Kenesary — Naýryzbaı

Aǵybaı batyr

---