InfoHub Logo

Sabaqtyń taqyryby: Ormandaǵy oqıǵa
Sabaqtyń maqsattary men kútiletin nátıjeler:
1. Oqýshylar ertegi mazmunymen tanysa otyryp, óz oılaryn, pikirlerin erkin aıtýǵa úırenedi.
2. Oqýshylardyń aýyzsha sóıleýin, túsinip oqýyn, óz oıyn júıeli aıta bilýin, shyǵarmany taldaı alý jáne shyǵarmashylyqqa damytý.
3. Oqýshylar «Ormandaǵy oqıǵa» ertegisiniń mazmunymen tanysa otyryp, ertegidegi negizgi oıdy ashýǵa mashyqtanady.
Sabaqtyń túri: aralas sabaq.
Qoldanatyn ádis - tásilder: suraq - jaýap, áńgimelesý, taldaý.

Sabaqtyń barysy:
İ. Uıymdastyrý kezeńi.

İİ. Úı jumysyn tekserý.
Suraq - jaýap
- Qandaı el jaıly aıtylǵan?
- Qandaı oqıǵa boldy?
- Olar qandaı buıryq shyǵardy?
- Dushpannyń qandaı esebi boldy?
- Ana qandaı sheshim qabyldady?
Ár toptan bir - bir oqýshydan A. Seıdimbektiń «Áıel - Ana» atty ertegisi boıynsha er azamattardy qutqarý joly týraly jazǵan esselerin oqytý.

İİİ. Jańa sabaq.
Kirispe.
- Biz qandaı shyǵarma oqydyq?
- Ádebı ertegi degen ne?
Jańa sabaqtyń maqsatymen tanystyrý.
Avtor jaıly qysqasha derek.
Q. Jarmaǵambetov (1918 - 1974) Qostanaı oblysynda dúnıege kelgen. 1941 jyly Qazaqtyń Abaı atyndaǵy pedagogıka ınstıtýtyn bitirgen. «Ara» jýrnalynyń bas redaktory bolǵan. Onyń «Balladalar», «Muǵalıma», «Dáýren», «Syrly tal» atty shyǵarmalary bar. Sondaı - aq, ol Á. Qashaýbaev ómiri týraly “Ánshi azamat” povesin jazdy.
Oqýshylardyń jańa taqyrypty ótken taqyryppen ushtastyrýyn jáne olardyń belsendiligin arttyrý.
Ań - qustar, jan - janýarlar qandaı ortada ómir súredi? Ormanda qandaı aǵashtar ósedi? Bizge mol aýa berip turǵan túrli aǵashtar, atap aıtar bolsaq: emen, aqqaıyń, qaraǵash, shynar, qaraǵaı, kókterek, shyrsha, samyrsyn t. b. jáne arystan, aıý, qoıan, qasqyr, túlki barys pen sileýsin, qarshyǵa, qyrǵı, búrkit jáne bóktergi sıaqty ań - qustardyń attary atalyp olardyń tabıǵatqa keltirer paıdasy týraly oqýshylar óz oılaryn ortaǵa saldy.
Aǵashtar týraly málimet berý.

«Boljaý» strategıasy. Oqýlyqpen jumys.
– Qazir sizder «Ormandaǵy oqıǵa» mátinin oqısyzdar. Bul áńgimede sizderge tanys, osyǵan deıin qoldanylǵan barlyq sózder kezdesedi. Sizder bul ertegini birneshe úzilispen oqısyzdar. Iaǵnı men toqtatqanǵa deıin oqısyzdar. Sodan keıin sol oqylǵan bólik boıynsha talqylaý júrgizemiz. Sondyqtan ár sóılemdi zer salyp oqý kerek. Sonymen birinshi bólikti bastaımyz (bir oqýshy oqıdy, qalǵandary qol júgirtip qarap otyrady) Toqtatamyn, talqylaý:
– Bul bólikten ne túsindińizder?
– Ertegi nemen jalǵasýy múmkin?
– Tobylǵynyń sózi qaıyńǵa qalaı áser etedi dep oılaısyzdar?
– Al, endi ekinshi bólikti oqımyz. Toqtatamyn, talqylaý:
– Bul bólikte ne delingen?
– Aldyńǵy sizderdiń aıtqan boljamdaryńyzben sáıkes keldi me?
– Endi ne bolady dep oılaısyzdar? Bul ertegi nemen aıaqtalýy múmkin?
– Al, endi úshinshi bólikti oqımyz. Toqtatamyn, talqylaý:
– Bul bólikte ne delingen?
– Aldyńǵy sizderdiń aıtqan boljamdaryńyzben sáıkes keldi me?
– Eki aǵashtyń bir birimen renjisýine ne sebep boldy?
– Qaıyń men Qaraaǵashtyń qatty ashýlanýyna Tobylǵynyń qandaı sózderi áser etti dep oılaısyń?
– Qaraaǵashtyń qylyǵy kóz aldyńa qandaı adamdy elestetti?
– Áńgimeniń qaı jeri sizderge áser etti?
– Qandaı sózder qıyn boldy?

Mátin bólikteri:
1. Tobylǵynyń Aq qaıyńdy shaǵystyrýy.
2. Tobylǵynyń Qaraaǵashqa barýy.
3. Eki dostyń janjaldasýy.
4. Tobylǵynyń ormannan alastatylýy.
Ormandaǵy oqıǵa júkteý