tengrinews.kz
Ekibastuzdy «Apokalıpsıs» jaılady: Shańdy daýyl qalany kúńgirt túske bóledi
Ekibastuz qalasy 26 sáýir kúni kúshti jel men shańdy daýyldyń astynda qaldy. Oqıǵa kýágerleriniń aıtýynsha, daýyl qalany birneshe mınýtqa kúńgirt túske bólep, keı jerlerde qatty jańbyr jaýǵan.
Bul týraly Infohub.kz aqparat agenttigi habarlaıdy.
Qala ákimi Aıan Beısekınniń rastaýynsha, tabıǵat apatynan keıin ártúrli zaqymdar oryn alǵan. Keıbir jerlerde aǵashtar qulap, aıaldama pavılondary men ǵımarat shatyrlary ushyp ketken. Elektr jelileri de zaqymdalǵan.
Tótenshe jaǵdaıdyń saldaryn joıý jumystary júrgizilýde
«Jekelegen jerlerde jelilerde qysqa merzimdi úzilister boldy, birneshe jerden aıaldama pavılondary men ǵımarat shatyrlary ushyp ketti, kólikter zaqymdaldy. Barlyq komýnaldyq qyzmetter jumyldyrylyp, qajetti sharalar qabyldanýda», - dedi ákim qala boıynsha tekserý kezinde.
Ákimniń aıtýynsha, jel áli de saqtalyp, jaqyn arada kúsheıýi múmkin. Turǵyndarǵa úıden shyqpaı, saqtyq sharalaryn saqtaýǵa keńes berildi. Tabıǵat apatynan qaza tapqandar men zardap shekkender joq.
Pavlodar oblysynda da daýyl boldy
Ekibastuzǵa jaqyn mańdaǵy Pavlodar qalasynda da shańdy daýyl men jańbyr tirkeldi. Ázirge eshqandaı zaqym týraly habarlanǵan joq. Alaıda, Pavlodar oblysynda daýyl týraly eskertý jarıalanǵan. Sınoptıkterdiń boljamy boıynsha, jeldiń ekpini sekýndyna 30 metrge deıin jetýi múmkin.
Aqtoǵaı aýylynyń turǵyny daýyl kezinde jaraqat aldy. Oblystyq densaýlyq saqtaý basqarmasynyń málimetinshe, 1985 jyly týǵan áıel aýrýhanaǵa jatqyzyldy. Ol shatyrdan ushyp kelgen temir paraǵynyń soqqysynan jaraqat alǵan.
-
Izvestnyı peves Meırambek Besbaev vyrazıl glýbokýıý prıznatelnostpoklonnıkam, posetıvshım ıýbıleınye konserty grýppy «MýzART».
-
A powerful dust storm and strong winds caused significant damage in Ekibastuz, leading to power outages and structural damage. Authorities are working to restore services.
