InfoHub Logo

Qazaq ádebıeti páninen 7 synypqa arnalǵan sabaq jospary
1 Sabaqtyń taqyryby: Q. Amanjolov «Ózim týraly»
2 Jalpy maqsattar: Qasym Amanjolov ómiri men shyǵarmashylyǵy týraly túsinik berý, poezıasynyń ereksheligin tanytý, óleńniń mán - maǵynasyn ashý, ıdeıasyn tanytý.
Dúnıetanymyn keńeıtý, ózindik zertteý arqyly oı qorytýǵa daǵdylandyrý
Pánge degen qyzyǵýshylyǵyn, belsendiligin arttyrý. Óleń qudiretin tanytý.
3 Oqytýdyń nátıjesi: - Qasym Amanjolov týraly jalpy málimet biledi jalpylama málimet biledi;
- «Ózim týraly» óleńiniń taqyrybyn, ıdeıasyn, keıipkerin, tolǵanys pen tebirenisin tanıdy;
- Oqýshylardyń shyǵarmashylyq oıy damıdy.
4 Negizgi derek kózderi: AKT, poster, marker men stıkerler, oqýlyq, juldyzshalar
Kirispe
Muǵalimniń is - áreketi
Amandasý, oqýshylardyń nazaryn sabaqqa aýdarý. Trenıń oqýshylar bir - birine tilekter aıtady

Úı tapsyrmasyn suraý
(Bilý kezeńi boıynsha) - Úıge berilgen tapsyrma boıynsha alǵan bilimderin tekserý. (úı tapsyrmasyn oryndamaǵan oqýshyǵa kómek baǵdar beriledi)
Isa Baızaqov
“Quralaı sulý” poemasy
Sandyqtan suraqtar alyp jaýap berý
İİ topqa da ortaq suraq
1. “Quralaı sulý” poemasyndaǵy oqıǵa qaı hannyń tusynda boldy?
2. “Quralaı sulý” poemasyndaǵy keıipkerlerdi ata?
3. “Quralaı sulý kimniń qyzy, ol nege qazaq jerine qashpaq boldy?
4. Ol kezdegi qalmaq hany kim boldy?
5. Kelden batyr kim? Ol nege armany oryndalmaǵanyna ókindi?
6. Quralaı neden qaza boldy?

Topqa bólý
Bul kezeńde balalar topqa bólinedi. Eki topqa birinshi top «Aqsaq Temir» toby, ekinshi top «Hafız» toby.

Jańa sabaqqa daıyndyq
Oqýshylardyń jańa sabaq týraly oılaryn damytý úshin, ınteraktıvti taqtanyń kómegine súıene otyryp Qasym Amanjolovtyń foto sýretin kórsetý
- balalar myna fotodan kimdi kórip turmyz, bul beıne bizge tanys pa? Balalar beınedegi tulǵanyń aty - jóni, kásibi, shyǵarmalary jóninde túsinik aıtý. Ózim týraly óleńin mánerlep oqyp úntaspadan tyńdaý

Túsiný kezeńi
Muǵalim: Balalar búgingi sabaǵymyz Qasym Amanjolovtyń ómiri jáne «Ózim týraly» óleńin ótemiz.
Qasym Raqymjanuly Amanjolov 1911 jyly Qaraǵandy oblysy, Qarqaraly aýdanynda Qyzylaraı degen jerde dúnıege kelgen. Jasynan joqshylyqty, jetimdikti kórip ósedi. Semeı mal dárigerlik tehnıkýmyn bitirgen. 1931 jyly Lenıngradqa baryp Orman sharýashylyǵy ınstıtýtyna túsedi. Biraq densaýlyǵyna baılanysty oqı almaıdy. 1931 - 41 j «Lenınshil jas», Oral obl. «Ekpindi qurylys» redaksıalarynda Oral oblystyq teatrynda jumys istegen. Uly Otan soǵysyna qatysqan. 1946 jylǵa deıin ásker qatarynda boldy. Áskerden oralǵan soń, biraz jyldar «Ádebıet jáne óner» jýrnalynyń bólim bastyǵy qyzmetterin atqardy. Tuńǵysh óleńi Oraldyń «Ekpindi qurylys» gazetinde basyldy. Tuńǵysh jınaǵy «Ómir syry» 1938 jyly jaryq kórdi. Osydan bylaı qaraı aqyn qalamynan halyq ómiri, ózi ómir keshken zamany túıdek - túıdek jyr joldaryna órilip otyrady. Aqyn 1947 jyldan bastap syrqatqa shaldyǵady. Sonyń ózinde sol jyly on shaqty óleń jazyp, «Bizdiń dastan» «Maskarad» dramasyn, A. Tvardovskııdiń «Vaselıı Terkın» poemasyn qazaq tilinde sóıletti. 1948 jyly «Daýyl» atty jınaǵy jaryq kóredi. 1945 jyly áıgili «Ózim týraly» tolǵaýyn aıaqtaıdy.
Qasym Amanjolov uzaqqa sozylǵan naýqastan 1955 jylǵy qańtardyń 17 - de qaıtys bolady.

Shyǵarmalary
İ top: Óleńder jınaǵy, poemalaryn jazady
İİ top: Aýdarmalary men saz ánderin jazady

Sergitý sáti
Oqýshylarǵa ınteraktıvti taqtadan vıdeo rolık qoıyp beremin, oqýshylar sol kórinispen jattyǵý jasap shyǵady.

Ózim týraly óleńin úntaspadan tyńdaý
Ádebıet teorıasy
Lırıka degenimiz ne? Lırıka degenimiz - aqynnyń ishki jan - dúnıesiniń sezim kúshimen tebirene tolqýy, óz basynyń kóńil – kúıi, kúıinish - súıinishi
Lırıkanyń túrlerine toqtalý:
1. Fılosofıalyq lırıka
2. Saıası lırıka
3. Mahabbat lırıkasy
4. Tabıǵat lırıkasy
İ top:
Lırıkanyń túri:
Óleńniń taqyryby:
Óleńniń ıdeıasy:
İİ top:
Bul óleńde keıipker kim?
Qandaı aqyn?
Qandaı jan?
Kimderge senedi?
Óleńde aqyn ne týraly aıtady?