InfoHub Logo

Ádebıet 7 synyp
Sabaqtyń taqyryby: Qasym Amanjolov «Ózim týraly óleń»
Sabaqtyń maqsaty.
1. Bilimdilik. Q. Amanjolov ómiri men shyǵarmashylyǵy týraly túsinik berý, poezıasynyń ereksheligin tanytý, óleńniń mán - maǵynasyn ashý, ıdeıasyn tanytý.
2. Damytýshylyq. Dúnıetanymyn keńeıtý, ózindik zertteý arqyly oı qorytýǵa daǵdylandyrý;
3. Tárbıelik. Pánge degen qyzyǵýshylyǵyn, belsendiligin arttyrý. Óleń qudiretin tanytý.

Sabaqtyń tıpi: jańa bilimdi meńgertý
Sabaqtyń túri: oqyta úırený
Ádis - tásili: problemalyq izdenis, kórnekilik, taldaý, jeke oqýshymen jumys
Kórnekiligi: elektrondy oqýlyq, slaıd
Pánaralyq baılanys: tarıh, geografıa

Sabaqtyń barysy.
1. Uıymdastyrý
Oqýshylarmen amandasyp, túgendeý.
2. Úı tapsyrmasyn tekserý.
«Ana mahabbaty» esse jazý.
3. Ótken taqyrypty pysyqtaý.

«Zerek oqýshy»
1. «Ananyń anasy» áńgimesi shyǵarmasynyń ıdeıasy?
2. Saıatshy Orazdyń qasıetteri qandaı edi?
3. «Esil boıynda» shyǵarmasy qaı shyǵarmadan alynǵan?
4. Ańyz degenimiz ne?
5. M. Áýezovtyń ómir súrgen jyldary?
6. Qazaq poezıasyndaǵy uıqas túrlerin ata.
4. Sabaqtyń maqsatyn qoıý.
Kún retin, jańa sabaq taqyrybyn habarlaý.

1. Jańa sabaq.
Beınetaspadan aqyn Qasym Amanjolov týraly ómirderek kórsetý.
Qasym Raqymjanuly Amanjolov 1911 jyly Qaraǵandy oblysy, Qarqaraly aýdanynda Qyzylaraı degen jerde dúnıege kelgen. Jasynan joqshylyqty, jetimdikti kórip ósedi. Semeı mal dárigerlik tehnıkýmyn bitirgen. 1931 jyly Lenıngradqa baryp Orman sharýashylyǵy ınstıtýtyna túsedi. Biraq densaýlyǵyna baılanysty oqı almaıdy. 1931 - 41 j «Lenınshil jas», Oral obl. «Ekpindi qurylys» redaksıalarynda Oral oblystyq teatrynda jumys istegen. Uly Otan soǵysyna qatysqan. 1946 jylǵa deıin ásker qatarynda boldy. Áskerden oralǵan soń, biraz jyldar «Ádebıet jáne óner» jýrnalynyń bólim bastyǵy qyzmetterin atqardy. Tuńǵysh óleńi Oraldyń «Ekpindi qurylys» gazetinde basyldy. Tuńǵysh jınaǵy «Ómir syry» 1938 jyly jaryq kórdi. Osydan bylaı qaraı aqyn qalamynan halyq ómiri, ózi ómir keshken zamany túıdek - túıdek jyr joldaryna órilip otyrady. Aqynnyń kórkemdik sapasy asa bıik týyndylarynyń qataryna «Aqyn», «Birinshi maı», «Joldas marshal», «Jalǵyz jalaý», «Dúnıege jar», «oramal» tárizdi óleńderi jatady. Onyń «Aqyn ólimi týraly ańyz», «Qupıa qyz», «Bıkesh», «Jambyl toıynda», «Boran», «Bizdiń dastan» tárizdi úlken epıkalyq poemalary bar.

Onyń ánin ózi shyǵarǵan «Darıǵa sol qyz», «Týǵan jer», «Ózim týraly» shyǵarmalary halyqtyń súıikti ánine aınalǵan.
A. S. Pýshkınniń «Poltava», Nızamıdiń «Láıli - Májnún», Lermontovtyń «Maskarad» poemalaryn aýdarǵan.
Qasym poezıasy Otandy, týǵan jerdi súıýge, qasterleýge úndeıdi.

Mátinmen jumys.
Óleńdi mánerlep oqý.
Oqýshylarǵa mánerlep oqytý. Mánerlep oqý daǵdysyna mán berý.
Abaıdyń «Ólse óler tabıǵat, adam ólmes» degen oıymen Qasymnyń óleńindegi qaı jol úndesedi?
Shań basqan arhıvterden tabylarmyz» degen M. Maqataev óleńi qaı joldarmen úndesedi?

1. Aqyn óziniń boıyndaǵy adamı qasıetterin qaı joldar arqyly sıpattaıdy?
2. Aqynnyń óleń týraly oıy qandaı?
3. Óleńniń oı qazyǵyn beretin shýmaqty tap.
4. Óleń bir - birimen jalǵasqan neshe bólikten turady? Ár bólikke at qoı.
5. Óleńdegi lırıkalyq qaharman kim?
Óleń qurylysyna taldatý.
Óleńge satylaı kompleksti taldaý júrgizý.

6. Bilimdi bekitý.
Aqynnyń adal, shynshyl minezi ózimen birge ólgen joq, tamasha óleńderinde júr.
(T. Ahtanov)
Modýldik tehnologıanyń «Qar laqtyrý» ádisi boıynsha oqýshylarǵa bir - birine suraq qoıǵyzý.
Qasymǵa asosıasıa jasańdar.

7. Úı tapsyrmasy.
Óleńdi jattaý.
1. Baǵalaý.
Refleksıa kezeńi.
Balalar, búgingi sabaq unady ma?
Unasa, óz lebizderińdi kóńil kúıdi bildiretin sýrettermen (smaılıktermen) kórsetińder.