InfoHub Logo

«Máńgilik El» 6 synyp
Sabaqtyń taqyryby: Qazaqstan - kópultty zaıyrly memleket
Sabaqtyń maqsaty: Jas urpaqty Otandy súıýge, elimizdiń rámizderin qasterleýge, baı - qýatty el ekendigin maqtan etýge, týǵan eline, jerine degen súıispenshiligin arttyrýǵa, beıbitshilikti nyǵaıtýǵa tárbıeleý.
Mindetteri:
• Tanymdyq oılaý qabiletterin arttyrý. Topta jumys jasaı otyryp, biriniń pikirin biri tyńdaı bilýge úıretý. Oı - órisin keńeıtý, aýyzsha sóıleý mádenıetin óristetý.
• Elin, jerin, salt - dástúrin qurmetteıtin jany taza, rýhy myqty azamat tárbıeleý. Tarıhymyzdy qurmetteýge baýlý.

Sabaqtyń túri: aralas sabaq
Ádis - tásilderi: sózdik, suraq - jaýap,
Oqytý quraldary: sózdik, kórnekilik, oqýlyq, Qazaqstan fızıkalyq kartasy.
Uıymdastyrý kezeńi:
*Oqýshylardy sabaqqa daıyndaý.
*Sálemdesý.
*Oqýshylardyń nazaryn sabaqqa burý.
*Úı tapsyrmasyn tekserý.

Bizdiń Otanymyz Qazaqstan Respýblıkasy. Ol kóne zamandardan bastalǵan tarıhy, asa baı el. Qazaq eli - erjúrek, dostyqqa adal, baýyrmal, qonaqjaı halyq. Yntymaǵy jarasqan kóptegen ult ókilderi turady. Memleketimiz kóp ultty bolyp sanalady. Olar: orystar, ózbekter, uıǵyrlar, kárister, grekter t. b ult ókilderi qazaq halqymen tatý - tátti ómir keshýde. Qazaqstanda ómir súrip jatqan árbir adam óz Otanyn janyndaı jaqsy kóredi, súıedi, kók baıraǵyn kókke kóterýdi maqtanysh tutady.
Qazaqstan – kópultty, ýnıtarly, táýelsiz memleket. Álem tanyǵan Otanymyzda júz otyz ult pen ulys ókilderi bir úıdiń balasyndaı dostyq pen tatýlyqta, jarasymdy birlikte qoıan - qoltyq ómir súrýde. Biz – yntymaǵy jarasqan elmiz. Qıyn - qystaý kezeńde taǵdyrlary tabystyrǵan halqymyz bir shańyraqtyń astynda sútteı uıyp otyr.
- Suraq – jaýap kezeńi
1. Qazaqstan Respýblıkasy qashan táýelsizdigin aldy?
(1991 j. 16 - jeltoqsanda)
2. Eń alǵashqy elbasy saılaýy qashan boldy?
(1991 jyly 1 jeltoqsanda - Prezıdenttiń saılaýy boldy)
3. 1 - jeltoqsan qandaı kún?
(Tuńǵysh Prezıdent kúni)
4. Qazaqstannyń jańa konstıtýsıasy qashan qabyldandy?
(1995 jyly 30 tamyzda)
- Qazaqta yrys qaıda barasyń dese?
- Yntymaǵy jarasqan elge baram degen naqyl sóz bar.
Elimiz jańa XXI ǵasyrǵa, jańa myńjyldyqqa adamzat úshin eń qymbat qazyna - ultaralyq tatýlyqty, konfesıaaralyq kelisimdi, ózara túsinistik pen qurmet sezimin, jarastyq pen kelisimdi - qasterlep saqtaı otyryp, qadam basty. Burynnan qalyptasqan dástúrli dostyqtyń baı tájirıbesi ulttyq tatýlyq pen kelisimniń ǵana halyqtardyń ekonomıkalyq teńdigi, saıası jáne mádenı damýyn, ózara dostyqty, ulttyq múddeler men ulttyq erekshelikterdi, tilderdiń bir - birine degen qurmetin qamtamasyz ete alatynyn kórsetti.
Elbasynyń, memleketimizdiń strategıalyq maqsattarynda ultaralyq tatýlyqtyń, halyqtardyń ózara túsinistigi men kelisimin nyǵaıta berý, olardy aldaǵy ýaqytta toptastyryp, jarastyra berý aıryqsha oryn aldy. Búgingi kúni qoǵamymyzdaǵy aýyzbirlik, turaqtylyq pen týysqandyq qarym - qatynas sonyń nátıjesi dep aıta alamyz. Búginde táýelsiz memleket atanyp, el - halyq bolyp qalyptasýdyń kúrdeli úderisterin bastan keshirip jatqan kezeńde ulttyq kelisimdi, dinaralyq tatýlyqty qamtamasyz etý búgingi kúnniń ózekti mindeti bolýy da sondyqtan.

Oı tolǵaý.(suraq qoıý arqyly oqýshylar pikirin tyńdaý)
Qazaq eli Táýelsizdikke qalaı qol jetkizdi?

Muǵalim: Táýelsizdik - eń basty qundylyǵymyz. Táýelsizdikke qantógissiz, beıbit túrde qol jetkizgennen keıin ǵana elimizdi álemniń órkenıetti memleketteriniń qataryna qosa aldyq. 23 jyl ishinde táýelsiz Qazaq elin qalyptastyryp, naryqtyń qıyn ótkelderinen aman ótkizip kelemiz. Osy kezeńde Qazaqstandy dúnıe dıdaryndaǵy eń myqty memleketter tanıtyndaı, syılaıtyndaı deńgeıge jetkizgen tuńǵysh Nursultan Nazarbaevtaı kóregen saıasatkerdiń eren eńbegin dál búgin jáne árqashanda aıtyp ótemiz.
Táýelsizdik kúni elimizdiń barlyq azamattary úshin orny erekshe mereke dep bilemiz, sebebi, osynaý júrekjardy qýanyshqa toly kúndi ata - babalarymyz ǵasyrlar boıy armandap, kútýmen ótti. Sen bilesińbe?
Jer sharynda bizden basqa qandaı kópultty memleketter bar?
Álemde kóp ultty elder basym. Ondaı halyqtyń kóbi (500den astam) Úndistanda turady. Olar 100 - den astam tilde sóıleıdi. Qytaıda 60 - taı ult ómir súredi. (barlyq Eýropada sonsha el bar) Reseıde 180 - nen astam ult bar. Dúnıe júzindegi eń kóp ultty memleketterdiń biri AQSH. Tek bir Nú - Iorktiń ózinde 177 ulttyń ókilderi turady.

Nursultan Ábishuly «Táýelsizdiktiń bizdiń bárimizge artar mindeti mol. Endi, eńseli el bolýdyń jolyna shyndap túsýimiz kerek. Áýletimizdiń asýy da, dáýletimizdiń tasýy da óz qolymyzda. Keń - baıtaq jerimizdiń baılyǵy osy dalanyń túpkilikti halqyna da, taǵdyr qosyp, birge ómir súrip jatqan ózge ult ókilderine de molynan jetedi. Tarıh kóshi uzaq. Asyqsaq ta, aptyqpaıyq. Qazaqstannyń kópultty halqynyń juldyzy joǵary bolatynyna, týǵan elimizde dáýletti de sáýletti ómir ornaıtynyna kámil senemin. Senimnen aıyrylmaıyq, baýyrlarym», - degen edi.
Qortyndy: Eń bastysy, ultaralyq tatýlyq arqasynda búginde el tynysh, jurt aman. Osy berekemiz buzylmaǵaı. Qazaqstanda turatyn barsha ult arasyndaǵy aınymas dostyqqa syzat túspese eken dep tileımiz. Táýelsizdigimizdiń tuǵyry bıik, halqymyzdyń eńsesi joǵary, egemendigimiz baıandy bolsyn!!!
Sabaqty bekitý:
1 Qazaq eli Táýelsizdikke qalaı qol jetkizdi?
2 Zaıyrlylyk degenimiz ne?

Úıge tapsyrma: Qosymsha málimetter jınatý

Jambyl oblysy,
Jýaly aýdany, B. Momyshuly aýyly
№ 29 Aleksandr Gersen orta mektebi Madıbekova B. A.

Qazaqstan - kópultty zaıyrly memleket. júkteý