InfoHub Logo

Qazaqstan men Túrkıa agroónerkásip kesheni men aýyl sharýashylyǵy salasyndaǵy seriktestikti jandandyrýy tıis. Bul týraly Qazaqstan Prezıdenti Qasym-Jomart Toqaev Qazaq-túrik bıznes forýmynda málimdedi.

Bul týraly Infohub.kz aqparat agenttigi habarlaıdy.

Qazaqstannyń agrarlyq áleýeti

Memleket basshysy Qazaqstannyń egistik jerler boıynsha álemde altynshy orynda ekenin, sondaı-aq astyq eksporttaýshylardyń ondyǵyna kiretinin eske saldy. Ótken jyly elimizdiń agrarshylary 27 mıllıon tonna astyq jınaǵan. Sońǵy bes jylda aýyl sharýashylyǵy ónimderiniń eksporty 1,8 esege artty. Qazaqstan Azyq-túlik qaýipsizdiginiń jahandyq ındeksinde 32-orynda tur.

Túrkıamen yntymaqtastyq jobalary

2025 jylǵa qaraı AÓK salasyndaǵy ekijaqty taýar aınalymy 25 paıyzǵa ulǵaıdy, bul áleýetti odan ári arttyrýǵa múmkindik beredi. Mysaly, Tiryaki Holding kompanıasy elordada dándi daqyldardy tereń óńdeý zaýytyn salýdy josparlap otyr. İskefe kompanıasy jelatın óndiretin kásiporyn ashýdy kózdese, Alarko Holding Shymkentte jylyjaı keshenin salýǵa nıetti.

Bul jobalar otandyq óńdeý ónerkásibiniń ósýin yntalandyryp, eksporttyq áleýetti arttyrýǵa baǵyttalǵan.

Veterınarıa jáne halal et eksporty

Sondaı-aq, zamanaýı aýyl sharýashylyǵy tehnologıalaryn engizý jáne sýarý júıelerin damytý basymdyqtar qataryna kiredi. Veterınarıa jáne fıtosanıtarıa salasynda da yntymaqtastyq josparlanǵan. Qazaqstan tarapynan Túrkıaǵa «halal» standartyna sáıkes keletin et ónimderin eksporttaýǵa daıyn ekendigi málimdeldi.