InfoHub Logo

Balabaqsha tárbıeshisi Janar Ashaevna

Qorshaǵan ortamen tanysý
Bilim berý salasy: «Tanym»
Taqyryby: «Qys keldi» kompleksti sabaq.
Maqsaty: Balalarǵa qys mezgili týraly maǵlumat berý. Jyl mezgilderi jaıly bilimderin tolyqtyrý. Qys mezgiline degen qyzyǵýshylyǵyn arttyrý. Jańa sózdermen sózdik qoryn molaıtý. Jumbaqtar, óleńder, taqpaqtar arqyly tilderin ustartý. Ár mezgildiń ózindik erekshelikterin súıe bilýge tárbıeleý.
Ádis – tásilder: áńgimelesý, qys týraly óleń oqý, jumbaq jasyrý, suraq - jaýap.
Sózdik jumys: ulpa qar, qyraý, aıaz, boran.
Kórnekilikter: jyl mezgilderiniń sýretteri,
Kerek quraldar: qys mezgiliniń sýreti, shyny ydys, qar, jelim, súrtkish, maqta.
Psıhojattyǵý: «Amandasý - sálemdesý»
Qaıyrly tań, aspan!
Qaıyrly tań, kún!
Qaıyrly tań, jer!
Qaıyrly tań, balalar!
Endi balalar bir - birimizge qarap, jyly júzben jymıyp, jaqsy kóńil - kúı syılaımyz.

Sabaq barysy:
Dıdaktıkalyq oıyn: «Bul qaı kezde bolady?»
Qar toń erip,
Sý kóbeıip,
Saı - salaǵa aǵady.
Búrshik shashyp,
Japyraq ashyp,
Gúl, báısheshek basady. /Kóktem/

Órik, alma,
Jıdek, júzim pisedi.
Qaýyn, qarbyz,
Qıar, sábiz.
Dúkenderge túsedi. /Jaz/

Bulttar tónip,
Jerge tógip,
Dymqyl tuman basady.
Shóp sarǵaıyp,
Óńi taıyp,
Dala sury qashady. /Kúz/

Aıaz qysyp,
Órnek syzyp,
Terezeni torlaıdy.
Qarǵa ombyǵyp,
Bet dombyǵyp,
Syrǵanap balalar oınaıdy. /Qys/

Tańǵajaıyp sát: Topqa pochtashy hat alyp keldi. (qys sýretin)
- Balalar, qazir men senderge óleń oqyp beremin.
« Qys» Avtor: Abaı Qunanbaev
Aq kıimdi, deneli, aq saqaldy,
Soqyr, mylqaý tanymas tiri jandy.
Ústi - basy aq qyraý, túsi sýyq,
Basqan jeri syqyrlap kelip qaldy.

Qys mezgiliniń sýretin qarastyrý.
Qys keldi. Aınalanyń bári appaq. Kún sýyq, aıaz. Aǵashtardyń butaqtaryn qyraý basqan. Qysta kún qysqarady, tún uzarady. Úıdiń murjasynan tútin shyǵyp jatyr. Balalar qysta shana, shańǵy, kónkı tepkendi jaqsy kóredi. Keıbir balalar jotadan tómen qaraı shanamen syrǵanap keledi. Balalar qardan aqqala jasady. Qystap qalǵan qustar butaqtarǵa qonyp otyr. Balalar istegen jumystaryna qýandy.

Qarmen tájirıbe jasaý.
Balalar qardy ustap kóredi. Qar túsi aq, sýyq bolady. Qardy shyny ydysqa salyp qoıamyz. Sabaqtyn sonynda kóremiz.

Sergitý sáti:

Suraq - jaýap:
- Qazir jyldyń qaı mezgili dep oılaısyńdar?
- Iá, durys, qys mezgili.
- Qystyń qandaı erekshe belgilerin bilesińder?
- Qysta qar, boran, aıaz, kún sýyq bolady.
- Qysta balalar ne tebedi?
- Qysta balalar shana, shańǵy, kónkı tebedi.
- Qys mezgili senderge unaı ma?

Jumbaqtar jasyrý:
Qysta ǵana bolady,
ustasań qolyń tońady. (qar)

Tisi joq tistep alady,
Qoly joq sýret salady. (aıaz)

Tájirıbe jasaǵan qarymyzdy baqylaý. Qar erip, sýǵa aınaldy. Qar jyly jerde erip ketedi.

Balalarǵa daıyn kógildir qaǵazǵa «Qar jaýyp tur» japsyrýdy usynamyz.
Balalar qardy maqta arqyly japsyrady.
Qaýipsizdik erejesin esterinde saqtaıdy.
Balalar japsyrý jumysyn mýzykalyq áýen arqyly oryndaıdy.
Jasaǵan jumystaryn taqtaǵa ilemiz.
Sabaqqa barlyqtaryn belsendi qatystyńdar.
Balalardy maqtaý, madaqtaý.