InfoHub Logo

Almaty oblysy, Uıǵyr aýdanyndaǵy «Ulan Hot Spring Resort» demalys aımaǵynda adam aıtqysyz qorlyq pen qatygezdikpen kisi óltirý deregi tirkeldi. Marqumnyń týystarynyń aıtýynsha, 29 jastaǵy jigitti jumys istegen áriptesteri tún boıy qınap, sońynda tirideı jerge kómgen.

Bul týraly Infohub.kz aqparat agenttigi habarlaıdy.

Oqıǵa 23 mamyr kúni bolǵan. Jigit jumysqa ketip, qaıtyp oralmaǵan. Birneshe kún izdegennen keıin, 27 mamyrda onyń máıiti jumys ornyna jaqyn jerden tabylady. Týystarynyń aıtýynsha, ony úsh adam birigip, taspen uryp, qınaǵan. Tipti, ol tolyq jan tapsyrmaǵan kezde, tirideı jerge kómgen.

Qatygezdiktiń sebebi nede?

Qaıǵyly oqıǵanyń naqty sebepteri áli anyqtalmaǵan. Alaıda, marqumnyń týystary bul árekettiń artynda qandaı da bir janjal nemese óshpendilik baryna senimdi. Olar 29 jastaǵy jigittiń ómiriniń sońǵy saǵattarynda qandaı aýyr azapty bastan keshkenin oılap, esterinen tana jazdaǵan.

Ádildik talaby

Marqumnyń otbasy qazirgi ýaqytta tek bir nárseni talap etedi – ádildikti. Olar oqıǵanyń mán-jaıyn tolyq anyqtap, kinálilerdiń barlyǵyn jaýapqa tartýdy suraıdy. Týystary qoǵamdy bul qaıǵyǵa beı-jaı qaramaýǵa, istiń ashyq ári ádil tergelýine kómek berýge shaqyrady.

«Bizdiń baýyrymyzdyń ómiriniń sońǵy sátterinde kórgen azaby bizge úlken aýyrlyq ákeldi. Ol ómir súrýge laıyq edi, mundaı sumdyq jaǵdaıda qaza tabýǵa emes. Biz ádildik úshin kúresemiz», – deıdi marqumnyń týysy Aqbota Abdrahmanova.

Qazirgi tańda Almaty oblystyq polısıa departamenti bul iske qatysty tergeýdi bastap ketti. Agenttik bul jaǵdaıdyń anyq-qanyǵyn anyqtap, qosymsha aqparat berip otyrady.