InfoHub Logo

Atyraý qalasy, Jańatalap selosy
Jambyl orta mektebiniń mektepaldy
synybynyń muǵalimi: Qusaıynova Janna Hamýqyzy

Bilim salasy: Tanym
Uıymdastyrylǵan oqý is - áreketi: Ekologıa
Taqyryby: Qys. Qustardyń qysqy tirshiligi.
Maqsattary:
a) bilimdiligi: Qys mezgiliniń erekshelikterimen tanystyrý. Qustardyń paıdasy týraly maǵlumat berý. Qustar týraly oı - óristerin damytý.
á) damytýshylyǵy: Ozyq tehnologıalardyń ádisterin, jabdyqtaryn qoldana otyryp, balalardyń oı - órisin, dúnıetanymyn, kórý, shyǵarmashylyq qabiletterin, sózdik qoryn, belsendiligin, qyzyǵýshylyǵyn, qıalyn, tilin damytý. Qys kezindegi qustardyń tirshiligi týraly áńgimeletý arqyly balalardyń qamqorlyq jasaýǵa degen belsendilikterin arttyrý.
b) tárbıeligi: Otanyn, jerin, ormanyn, kólin, qustaryn, tabıǵatyn súıýge, aıalaýǵa tárbıeleý. Balalardy ásemdikti, ádemilikti kóre bilýge, tabıǵatty qorǵap aıalaýǵa úıretý.
Sózdik jumys: Jem, nan qoqymdary, keptirilgen jemister, úıshikter.
Kórnekiligi: taqyryptyq mazmunyna baılanysty beıneli jáne zattyq sýretter, jemshashar jáne onyń ústine ázirlengen qustar dastarhany.
Ádis - tásili: suraq - jaýap, túsindirý, sózjumbaq, taqpaq, oıyn, kórsetý.

Yntalandyrý. Sezimderin oıatý
Balalardy dóńgelendirip turǵyzyp, tómendegi óleń joldaryn aıtady.
Tabıǵat bizdiń anamyz,
Tabıǵatqa balamyz.
Iilip sálem beremiz,
Biz ádepti balamyz.

İzdenister Uıymdastyrý
1. Qys mezgiliniń erekshelikterin áńgimeleıdi.
- Jyldyń qaı mezgili?
- Qys mezgiliniń qaı aıy?
- Qysta tabıǵatta qandaı qubylystar bolady?
Jaýyp turǵan qarlar artyndaǵy suraqtarǵa jaýap bereıik.
- Biz nemen dem alamyz?
- Neni basyp júremiz?
- Tirshiliktiń nári ne?
- Jerge jaryq pen jylý syılaıtyn ne?
- Osynyń bárin bir sózben qalaı ataımyz?
T. Moldaǵalıevtiń «Qys» týraly óleń oqıdy.
Beıne sújetti tamashalaý.

2. «Qustar qalaı qystaıdy?» ertegisin oqý arqyly qustardyń qysqy tirshiligimen tanystyrý. Qustardyń qysqy tirshiligi beınelengen sýretter arqyly balalarǵa qustardyń tirshiligi jóninde túsinik berý. Qys mezgilindegi qustardyń azyǵy, olardyń nemen qorektenetinin áńgimelesý. Adamdardyń qustarǵa jasaıtyn kómekteri týraly maǵlumat beredi.

3. Sergitý jattyǵýyn oryndatý
Kúnde aspanǵa qaraımyz,
Qaıtqan qusty sanaımyz.
Úshburysh bop tyrnalar,
Kók júzinde syrǵanar.

Jumbaq
Qonyp alǵa jarǵa,
Qarqyldaıdy qarǵa (Qarǵa)
Ǵajaıyp sát «Qarǵa» keledi.
Balalarǵa qarǵaǵa taqpaqtar aıtyp beredi.
Qarǵa tapsyrmasy:
1. Meniń qysqy dostarymnyń attaryn atap býynǵa bólip berińdershi?
2. Sózjumbaqty sheship berińdershi?
3. Qustar daýysyn tyńdaıyq, nelikten ártúrli saıraıdy? Qustardyń saıraǵanynan neni sezindik?
«Sáıkesin tap» oıyny

4.»Qustar» dıdaktıkalyq oıyny:
Sharty: sýretter boıynsha qustardy eki topqa toptastyrý.
Jyl qustary jáne otyryqshy qustar.
- Qustar bolmaı qalsa ne bolady?
- Al, ondaı bolmas úshin ne isteýimiz kerek?
- Qustarǵa kómek jasaýymyz kerek.
Jyly jaqqa ushpaıtyn,
Bizdiń jaqta qystaıtyn.
Qustar júrse jýyqta,
Jem shashýdy umytpa! – dep, búgingi qarǵa dosymyzǵa jem shashardy dostarymen birge «Qustar dastarhanyna shaqyraıyq!»
5. Sabaqty qorytyndylaý.
Balalardyń bilimderin bekitý úshin tómendegideı suraqtar qoıylady. 1. Bizdiń ólkemizde qandaı qustar qystap qalady?
2. Olardyń tirshiligi týraly áńgimele?
3. Qystap qalatyn qustarǵa adamdar qandaı kómek kórsetedi?

Tolyq nusqasyn júkteý