InfoHub Logo

Qoldanbaly qolóner
Maqsaty: Balalardy qolónerdiń ár alýan túrlerimen tanystyrý. Jas jetkinshekter ulttyq óner onyń ishinde oıý - órnek erekshelikterin sezine bilý qabiletiniń qalyptasýyna yqpal jasaý.
Tárbıe saǵatynyń jospary: İ - Bólim «Ónerli órge júzeli».
Kirispe. Qolónerdiń shyǵý tarıhy
İİ - Bólim «Qolónerdiń qyr - syrlary»
Suraq - jaýap saıysy.
İİİ - Bólim «Segiz qyrly bir syrly»
Toppen jumys.
İV - Bólim «Óner aldy qyzyl til»
Maqal - mátelder saıysy.
V - Bólim Óner galereıasy.
Oqýshylar shyǵarmalaryn taldaý.

Kirispe. Qazaqtyń sándik qoldanbaly óneri kórkem ónerkásiptiń damýyna, maman sýretshiler men halyq sheberleriniń qyzmetine zor yqpal etti jáne kórshiles jatqan halyqtar mádenıetiniń ozyq úlgilerin boıyna sińirip, únemi jańaryp otyrady.
Qoldanbaly óner dep estetıkalyq sapalarǵa ıe óziniń ádemiligimen adam kózin qýantatyn praktıkalyq paıdaly zattar jasaýdy aıtady.
Qazirgi zamanǵy sýretshiler halyq dástúrlerin oı eleginen qaıta ótkizip, shyǵarmashylyqpen qaıta óńdeı otyryp, olardy jańa materıaldarǵa plasık rezeńkemen jumysqa beıimdeıdi. Sándik qoldanbaly ónerdiń túrleri: keramıka, áınek(ydystar, qumyra, qurylys detaldary, mozaıkalar) kórkem oımysh(aǵash, tas, súıek, plasmassa), metaldan jasalǵan kórkemdik buıymdar(zergerlik buıymdar, ústel ústi músinderi, jaryq beretin quraldar, t. b) jıhazdar, tekstıl(mata, kilem, t. b)
Oqýshylardy úsh topqa bólý: «Zergerler», «Sheberler», «Sýretshiler»

İİ - Bólim..
Árbir saıysta durys jaýapqa bir oıýdan(upaı) beriledi, saıys sońynda upaı sanalady.
«Qolónerdiń qyr - syrlary» Suraq - jaýap saıysy.
1. Qolóneri degenimiz ne?
2. Zerger degenimiz kim?
3. İsmer degenimiz kim?
4. Oıý - órnekter erekshelikterine qaraı neshe topqa bólinedi?
5. Oıý - órnek túrlerin ata?
6. «Qoshqar múıiz» órnektiń qaı túrine jatady?

İİİ - Bólim.
«Segiz qyrly bir syrly» Toppen jumys.
«Zergerler» tobyna tapsyrma:
1. Berilgen oıýlardy qandaı fıgýralarǵa ornalastyrýǵa bolady?
2. Myna oıýlar qalaı atalady?(daıyn oıýlardy kórsetý)
3. Sandyqtyń betin órnekteńder.

«Sheberler» tobyna tapsyrma:
1. Pano jasańdar.
2. Panoǵa at qoıyńdar.
3. Pano týraly áńgime qurańdar.

«Sýretshiler» tobyna tapsyrma: 1. Oıý - órnektiń ishin boıańdar.
2. Tumarsha oıýyn qıyp jasańdar.
3. Ulttyq natúrmort salyńdar.

İV - Bólim.
«Óner aldy qyzyl til» Maqal - mátelder saıysy.
Qaı top kóp maqal biledi?
1. Jigit bir syrly,
Segiz qyrly bolsyn.
2. Óner taýsylmas azyq, jutamas baılyq.
3. Ustaly el ozar,
Ustasyz el tozar.
4. Óner erdiń qanaty.
5. Ónerli bala súıkimdi.
6. Sheberdiń qoly kópke ortaq.
7. Ónerliniń qoly altyn,
Óleńshiniń sózi altyn.

V - Bólim.
«Óner galereıasy» Oqýshylar shyǵarmalaryn taldaý.
Ár toptan bir baladan shyǵyp, óziniń úıde daıyndap ákelgen sýreti jaıly sóıleıdi.
Saıys sońynda upaıǵa berilgen oıýlaryn sanap, jeńgen top marapattalady.