InfoHub Logo

Qazaqstannyń 16 óńirinde aýa raıy kúrt nasharlaıdy. Sınoptıkter 13 sáýirge arnalǵan daýyldy eskertýler jarıalady. Eldiń kóptegen aımaqtarynda jańbyr, naızaǵaı, qatty jel men tuman kútiledi.

Bul týraly Infohub.kz aqparat agenttigi habarlaıdy.

Abaı oblysy

Túnde jáne tańerteń oblystyń soltústiginde tuman bolady. Ońtústik-batystan soǵatyn jel soltústik-batysqa aýysady. Kúndiz oblystyń soltústik, ortalyq bólikterinde jeldiń ekpini sekýndyna 15-20 metrge jetedi. Ońtústik bóliginde órt qaýpi joǵary kúıinde qalady.

Aqmola oblysy

Oblystyń batysy men soltústiginde tuman kútiledi. Ońtústik-batystan soǵatyn jel soltústik-shyǵysqa aýysady. Kúndiz oblystyń shyǵys bóliginde jeldiń ekpini sekýndyna 15-18 metrge jetedi.

Aqtóbe oblysy

Túnde jáne tańerteń oblystyń soltústik-batysynda shaǵyn jańbyr, naızaǵaı bolady. Ońtústik-shyǵystan soǵatyn jel kúndiz oblystyń batys, ońtústik, ortalyq bólikterinde sekýndyna 15-18 metrge deıin kúsheıedi.

Almaty oblysy

Kúndiz taýly jáne taý bókterindegi aýdandarda shaǵyn jańbyr, naızaǵaı kútiledi. Oblystyń soltústik, batys, ortalyq bólikterinde, sondaı-aq Konaev qalasynda órt qaýpi joǵary. Almaty qalasynyń Medeý jáne Bostandyq aýdandarynyń taýly aımaqtarynda kúndiz shaǵyn jańbyr, naızaǵaı bolýy múmkin.

Atyraý oblysy

Oblystyń batys, soltústik, ońtústik bólikterinde jańbyr, naızaǵaı bolady. Kúndiz batys bóliginde jańbyrdyń qarqyndylyǵy artady, burshaq jaýýy múmkin. Túnde jáne tańerteń batys, soltústik, ońtústik bólikterinde tuman kútiledi. Ońtústik-shyǵystan soǵatyn jel batys pen ońtústikte sekýndyna 15-20 metrge deıin jetedi. Atyraý qalasynda 13 sáýirde jańbyr, naızaǵaı, túnde jáne tańerteń tuman bolady.

Shyǵys Qazaqstan oblysy

Túnde jáne tańerteń oblystyń soltústiginde tuman boljanady. Ońtústik-shyǵystan soǵatyn jel soltústik-batysqa aýysady. Kúndiz soltústik, shyǵys bólikterinde jeldiń ekpini sekýndyna 15-20 metrge jetedi.

Jambyl oblysy

Kúndiz taýly aýdandarda jańbyr, naızaǵaı kútiledi. Ońtústik jáne taýly aýdandarda tuman bolady. Soltústik-shyǵystan soǵatyn jel ońtústik-batys, soltústik-shyǵys jáne taýly aýdandarda sekýndyna 15-20 metrge jetedi. Batys jáne ońtústik-shyǵys bólikterinde órt qaýpi joǵary.

Jetisý oblysy

Alakól kólderi mańynda soltústik-shyǵys jel soǵady, ekpini sekýndyna 30 metrge jetýi múmkin. Kúndiz taýly aýdandarda shaǵyn jańbyr, naızaǵaı bolýy yqtımal. Túnde jáne tańerteń ońtústik, ortalyq jáne taýly aýdandarda tuman kútiledi. Taldyqorǵanda túnde jáne tańerteń tuman bolady.

Batys Qazaqstan oblysy

Oblystyń batys, soltústik, ońtústik bólikterinde jańbyr, naızaǵaı bolady. Túnde jáne tańerteń soltústik, batys, ortalyq bólikterinde tuman bolýy múmkin. Ońtústik-batystan soǵatyn jel soltústik-shyǵysqa aýysady. Kúndiz batys, ońtústik, shyǵys bólikterinde jeldiń ekpini sekýndyna 15-20 metrge jetedi. Oral qalasynda jańbyr, naızaǵaı, túnde jáne tańerteń tuman kútiledi.

Qaraǵandy oblysy

Kúndiz oblystyń shyǵys bóliginde jańbyr, naızaǵaı bolady. Túnde jáne tańerteń batys, soltústik, shyǵys bólikterinde tuman kútiledi. Ońtústik-batystan soǵatyn jel soltústik-shyǵysqa aýysady. Kúndiz soltústik, shyǵys bólikterinde jeldiń ekpini sekýndyna 15-18 metrge jetedi. Batys jáne ońtústik bólikterinde órt qaýpi joǵary.

Qostanaı oblysy

Oblystyń batys, soltústik, shyǵys bólikterinde jańbyr, naızaǵaı bolady. Batys jáne shyǵys bólikterinde tuman kútiledi. Qostanaı qalasynda 13 sáýirde jańbyr, naızaǵaı bolady.

Qyzylorda oblysy

Kúndiz oblystyń ortalyq jáne soltústik bólikterinde shańdy daýyl bolady. Shyǵystan, ońtústik-shyǵystan soǵatyn jel kúndiz ortalyq jáne soltústik bólikterinde sekýndyna 15-20 metrge jetedi. Qyzylorda qalasynda kúndiz shańdy daýyl kútiledi. Shyǵys jeli kúndiz sekýndyna 15-20 metrge jetedi.

Mańǵystaý oblysy

Oblysta jańbyr, naızaǵaı bolady. Kúndiz batys bóliginde jańbyrdyń qarqyndylyǵy artady, burshaq jaýyp, shkval bolýy múmkin. Túnde jáne tańerteń soltústik-batysta tuman kútiledi. Soltústik-shyǵysta shańdy daýyl boljanady. Soltústik-batystan soǵatyn jel ońtústik, soltústik-shyǵys, ortalyq bólikterinde sekýndyna 15-20, keıde 23 metrge deıin jetedi. Aqtaý qalasynda 13 sáýirde jańbyr, naızaǵaı, kúndiz jańbyrdyń qarqyndylyǵy artady, burshaq jaýýy múmkin.

Pavlodar oblysy

Kúndiz oblystyń batys, ońtústik, shyǵys bólikterinde jańbyr, naızaǵaı bolady. Soltústik-batystan soǵatyn jel kúndiz soltústik bóliginde sekýndyna 15-20 metrge jetedi.

Soltústik Qazaqstan oblysy

Oblystyń batys, ońtústik bólikterinde túnde jaýyn-shashyn (jańbyr, qar), kóktaıǵaq bolady. Kúndiz shaǵyn jańbyr, naızaǵaı kútiledi. Batys, soltústik, shyǵys bólikterinde tuman bolady. Soltústik-shyǵystan soǵatyn jel kúndiz shyǵys bóliginde sekýndyna 15-20 metrge jetedi. Petropavl qalasynda tuman bolýy múmkin.

Túrkistan oblysy

Kúndiz oblystyń soltústik bóliginde soltústik-shyǵys jel soǵady, jyldamdyǵy sekýndyna 15-20 metrge jetedi. Batys jáne soltústik bólikterinde órt qaýpi joǵary.