InfoHub Logo

Eske alsaq sum surapyl soǵys jylyn,
Júregin julyp ketken qansha myńnyń.
Ulyn, erin izdegen joqtaýmenen
Tyńdaý qıyn analardyń zarly muńyn.

Taı - qulyndaı tete ósken bir ananyń,
Qos uly jetelegen kókke armanyn
Biri Súgir ekinshisi Dosan edi,
Buzbaǵan aýylynyń jyr qaımaǵyn.

Túspeıtin dombyrasy qoldarynan
Júrgen jeri qos uldyń toı men dýman
Aǵaıyndy ekeýi án salǵanda
Tyńdaǵan el ónerine tańdaı qaqqan.

Ekeýi de er jetip bilim qýǵan
Eńbegimen aýylyna úles qosqan
Eki jyldaı qaladan bilim alyp
Ustaz bolyp aýylǵa birge oralǵan.

Endi ǵana saýattanǵan qazaq aýyly
Birlesip jóndep berdi eski tamdy.
«Mektep» dep taqtaı ilip mańdaıyna
Qońyraý únimenen kirdi sáni.

Mine osylaı jalǵasty eńbekteri
Qos ustaz shákirtterge bilim berdi.
Umytpaıtyn kolhozdyń jumysyn da
Demalysta birlesip masaq terdi.

Kári beli keltirmeı jazdyrýǵa
Súıenish taıaq ustap bir qolyna
Aıańdap kelýshi edi mektepke ana
Qos qulynyn kórýge arasynda.

Dál osylaı jaıdary jazdyń kúni
Estildi sum surapyl soǵys úni
Tirshilikte qalǵandaı demin tartyp
Samal jel men saıraǵan qus ta tyndy.

Er azamat attandy Otan úshin
Basýǵa qas dushpannyń qorqaý kúshin
Perron basy qoshtasý, jylaý, syqtaý
Attandyryp biri erin, biri ulyn.

Aq jol tilep tapsyryp bir allaǵa,
Qos ulyn attandyryp qan maıdanǵa
Kózdiń jasyn syǵymdap ana da tur
Súıenip kári dosy taıaǵyna.

Mektepke de salyndy qara qulyp
«Soǵys bitse» oıdaǵy jalǵyz úmit.
Otan úshin uly eńbek maıdanyna
Jas ta, kári kiristi bilek túrip.

Aýyl tegis maıdannan hat kútetin
Hat, habar jalǵaıtyndaı bar úmitin
Qara qaǵaz alǵan úı azan - qazan
Aýyl bolyp qaıǵysyn bólisetin

Qos qulynym keler dep aman - esen
Jeti kúlshe taratyp kúnde kórseń
Kelgen hatty oqytyp qaıta - qaıta
Ana da júr kórem dep bárin elmen.

Búrshik jarǵan qaıyńnyń qos shybyǵyn
Mekteptiń aýlasyna ákep bir kún
Otyrǵyzdy óssin dep záýlim bolyp
«sharshaǵanda uldarym saıa qylsyn».

Soǵys bitti kókti tirep ósti qaıyń
Ananyń júreginde sary ýaıym
Ia tiri, ıa bir óli habary joq
Oılaıdy qos ulynyń jaǵdaıyn.

Qos ulyn saǵynýmen ańsaýmenen
Ana da máńgilikke ótti ómirden
İzinen joqtatpaıtyn urpaq emes
Qos qaıyń qaldy záýlim kók tiregen.

Kóz jasymen sýarǵan qos qaıyńy
Ananyń qos ulyna mahabbaty
Kók tiregen aýladaǵy eki qaıyń
Eske aldyrar shákirtke qos ustazdy.

Eski tamnyń ornynda záýlim mektep
Aýlasynda qos qaıyń kókti tirep
Sum soǵysta joǵalǵan qos ustazdyń
Tanıdy shákirtteri eskertkishi dep.

65 jyl jeńis týy jelbiredi.
«Endi soǵys bolmasyn» el tilegi
Keshegi Otan úshin bolǵan shaıqas
Qansha ananyń júregin tilgiledi.